ក្រុមអង្គការសង្គមស៊ីវិលប្រមាណ ១០ស្ថាប័ន ស្នើដល់រដ្ឋាភិបាល ជាពិសេសអង្គភាពប្រឆាំងអំពើពុករលួយ គោរព ការពារ និងលើកកម្ពស់សិទ្ធិ និងសេរីភាពរបស់អង្គការសង្គមស៊ីវិលក្នុងការរួមចំណែកក្នុងវិស័យសិទ្ធិមនុស្ស លទ្ធិប្រជាធិបតេយ្យ នីតិរដ្ឋ និងអភិបាលកិច្ចល្អ។
សេចក្ដីថ្លែងការណ៍របស់ក្រុមអង្គការសង្គមស៊ីវិល កាលពីថ្ងៃទី២៧ ខែមេសា បានរិះគន់ចំណាត់ការរបស់អង្គភាពប្រឆាំងអំពើពុករលួយ ដែលបានហៅមន្ត្រីសមាគមសិទ្ធិមនុស្សអាដហុក (ADHOC) និងអង្គការសីលការ ទៅសាកសួរជុំវិញការចោទប្រកាន់របស់អ្នកនាង ខុម ចាន់តារាទី ដែលថា មន្ត្រីទាំងនោះបានណែនាំឲ្យនាងនិយាយភូតកុហកចំពោះរឿងអាស្រូវស្នេហាជាមួយលោក កឹម សុខា ប្រធានស្ដីទីគណបក្សសង្គ្រោះជាតិ។
ក្រុមអង្គការទាំងនេះសង្កត់ធ្ងន់ថា ទង្វើរបស់អង្គភាពប្រឆាំងអំពើពុករលួយ ធ្វើឲ្យប៉ះពាល់ដល់សិទ្ធិសេរីភាពក្នុងការបំពេញការងារ ដើម្បីលើកកម្ពស់ និងការពារសិទ្ធិមនុស្ស និងសិទ្ធិស្ត្រីនៅកម្ពុជា ដែលត្រូវបានទទួលស្គាល់ដោយក្រសួងមហាផ្ទៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។