សហភាព​ការងារ​កម្ពុជា​បង្ហាញ​អំពី​បញ្ហា​ប្រឈម​របស់​ខ្លួន

ដោយ ប្រាជ្ញ ចេវ
2016-01-28
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
តំណាង​សហជីព​កម្ពុជា និង​ជា​ប្រធាន​សម្ព័ន្ធ​សហជីព​ស៊ីខៅដូ (C.CAWDU) លោក អាត់ ធន់ ផ្ដល់​បទសម្ភាសន៍​កាល​ពី​ថ្ងៃ​ទី​៤ ខែ​ធ្នូ ឆ្នាំ​២០១៥។
តំណាង​សហជីព​កម្ពុជា និង​ជា​ប្រធាន​សម្ព័ន្ធ​សហជីព​ស៊ីខៅដូ (C.CAWDU) លោក អាត់ ធន់ ផ្ដល់​បទសម្ភាសន៍​កាល​ពី​ថ្ងៃ​ទី​៤ ខែ​ធ្នូ ឆ្នាំ​២០១៥។
RFA/Phann Yasy

សហភាព​ការងារ​កម្ពុជា បាន​ចេញ​សេចក្ដី​ថ្លែងការណ៍​មួយ នៅ​ថ្ងៃ​ទី​២៨ ខែ​មករា បង្ហាញ​ពី​បញ្ហា​ប្រឈម​របស់​សហជីព និង​កម្មករ​ទាក់ទង​អំពើ​ហិង្សា បញ្ហា​ផ្លូវ​ច្បាប់ និង​គ្រោះថ្នាក់​ការងារ។ ទន្ទឹម​នឹង​ការ​ព្រួយ​បារម្ភ​នេះ លោក អាត់ ធន់ ប្រធាន​សហភាព​ការងារ​កម្ពុជា ស្នើ​ទៅ​រដ្ឋាភិបាល រដ្ឋសភា និង​អ្នក​ពាក់ព័ន្ធ ជាពិសេស​រដ្ឋាភិបាល បន្ត​យក​ចិត្ត​ទុក​ដាក់ និង​ជួយ​ដោះស្រាយ​នូវ​បញ្ហា​ទាំង​នោះ​ឲ្យ​បាន​ប្រសើរ​ឡើង។

​អ្នកនាំពាក្យ​រដ្ឋ​សភា​មក​ពី​គណបក្ស​ប្រជាជន​កម្ពុជា លោក ឈាង វុន សុំ​មិន​អត្ថាធិប្បាយ​ទេ ដោយ​លោក​ថា មិន​ទាន់​បាន​ឃើញ​សេចក្ដី​ថ្លែងការណ៍​នេះ​នៅ​ឡើយ។

​សេចក្ដី​ថ្លែងការណ៍​ដដែល​បង្ហាញ​ថា នៅ​ឆ្នាំ​២០១៥ សហជីព និង​កម្មករ​និយោជក ត្រូវ​ក្រុមហ៊ុន និង​អាជ្ញាធរ​ប្ដឹង​ចំនួន ២៦​ករណី។ កម្មករ និង​សហជីព ចំនួន ៦៤៥ ត្រូវ​បញ្ឈប់​ពី​ការងារ ប៉ុន្តែ​កម្មករ​ជិត ៥០​ភាគរយ​បាន​ចូល​ធ្វើ​ការងារ​វិញ។ កម្មករ​ដួល​សន្លប់​ជាង ១.៨០០​នាក់ រងគ្រោះ​ដោយ​អំពើ​ហិង្សា ១០​ករណី និង​គ្រោះថ្នាក់​ការងារ​ជាង ៦.៤០០​ករណី ក្នុង​នោះ​កម្មករ​គ្រោះថ្នាក់​រហូត​ដល់​ស្លាប់ ១៣០​ករណី៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល