តុលាការ​ក្រុង​ឡាអេ​ស្ដាប់​ការ​បកស្រាយ​រឿង​ព្រះវិហារ

តុលាការ​​យុត្តិធម៌​អន្តរជាតិ នៅ​ទីក្រុង​ឡាអេ បាន​បើក​សវនាការ​នៅ​ព្រឹក​ថ្ងៃ​ច័ន្ទ ទី​១៥ មេសា នេះ ដើម្បី​ស្ដាប់​ការ​បកស្រាយ​ផ្ទាល់​មាត់​អំពី​ទំនាស់​ទាក់ទង​ទៅ​នឹង​ដី​ទំហំ ៤,៦​គីឡូម៉ែត្រ​ការ៉េ នៅ​ជិត​តំបន់​ប្រាសាទ​ព្រះវិហារ។
ដោយ ជុន ច័ន្ទបុត្រ
2013-04-15
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
១៥-មេសា-២០១៣៖ លោក​ទេស​រដ្ឋមន្ត្រី​ទទួល​បន្ទុក​បេសកកម្ម​ពិសេស (កិច្ចការ​ព្រំដែន) វ៉ា គឹមហុង (ឆ្វេង) និង​លោក​ឧបនាយករដ្ឋមន្ត្រី ហោ ណាំហុង នៅ​ក្នុង​តុលាការ​យុត្តិធម៌​អន្តរជាតិ (ICJ) ក្រុង​ឡាអេ។
១៥-មេសា-២០១៣៖ លោក​ទេស​រដ្ឋមន្ត្រី​ទទួល​បន្ទុក​បេសកកម្ម​ពិសេស (កិច្ចការ​ព្រំដែន) វ៉ា គឹមហុង (ឆ្វេង) និង​លោក​ឧបនាយករដ្ឋមន្ត្រី ហោ ណាំហុង នៅ​ក្នុង​តុលាការ​យុត្តិធម៌​អន្តរជាតិ (ICJ) ក្រុង​ឡាអេ។
RFA/Chun Chanboth

សវនាការ​នេះ​នឹង​ប្រព្រឹត្ត​ទៅ​រយៈពេល​បួន​ថ្ងៃ គឺ​ថ្ងៃ​ច័ន្ទ ទី​១៥ ថ្ងៃ​ពុធ ទី​១៧ ថ្ងៃ​ព្រហស្បតិ៍ និង​ថ្ងៃ​សុក្រ ទី​១៨ និង ​ទី​១៩ ខែ​មេសា ឆ្នាំ​២០១៣។

ថ្ងៃ​ច័ន្ទ​នេះ ភាគី​កម្ពុជា ឡើង​បក​ស្រាយ​មុន​គេ។ ប្រតិភូ​នៃ​ប្រទេស​កម្ពុជា ដឹក​នាំ​ដោយ​លោក ហោ ណាំហុង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ។ លោក វ៉ា គឹមហុង ទេសរដ្ឋមន្ត្រី​ទទួល​បន្ទុក​បេសកកម្ម​ពិសេស (កិច្ចការ​ព្រំដែន) និង​ជា​ប្រធាន​គណៈកម្មាធិការ​ចម្រុះ​កិច្ចការ​ព្រំដែន​កម្ពុជា លោក ឡុង វិសាលោ រដ្ឋលេខាធិការ​ក្រសួង​ការបរទេស និង​ឯកអគ្គរាជទូត​កម្ពុជា ប្រចាំ​ប្រទេស​ហុឡង់ដ៍ និង​បែលហ្ស៊ិក លោក ហែម សាឯម ព្រម​ទាំង​មេធាវី​បរទេស ៣​រូប​ទៀត​ផង។

លោក ហោ ណាំហុង មាន​ប្រសាសន៍​នៅ​ចំពោះ​មុខ​ក្រុមប្រឹក្សា​ជំនុំជម្រះ​នៃ​តុលាការ​អន្តរជាតិ​នេះ​ថា លោក​មក​នេះ​មិន​មែន​សុំ​អោយ​មាន​ការ​អនុវត្ត​សាលក្រម ឬ​និយាយ​ពី​ការ​កំណត់​ព្រំដែន​ទេ ត្បិត​អ្វីៗ​បាន​សម្រេច​រួច​ទៅ​ហើយ​តាំង​ពី​ឆ្នាំ​១៩៦២។ លោក​បញ្ជាក់​អ្វី​ដែល​កម្ពុជា ចង់​បាន គឺ​សុំ​អោយ​តុលាការ​បកស្រាយ​សាលក្រម​នោះ​អោយ​បាន​ច្បាស់​តែប៉ុណ្ណោះ។

សាលក្រម​ឆ្នាំ​១៩៦២ ផ្អែក​ជា​សំខាន់​ទៅ​លើ​ផែនទី​ដែល​បារាំង គូរ​នៅ​ឆ្នាំ​១៩០៧។ ខាង​ភាគី​ខ្មែរ​បក​ស្រាយ​ថា សាលក្រម​នោះ​បាន​ប្រគល់​មក​អោយ​ខ្មែរ​នូវ​ប្រាសាទ និង​ដី​នៅ​ក្បែរ​ប្រាសាទ​ដែល​កំពុង​មាន​ទំនាស់​នេះ។ ឯ​ភាគី​ថៃ​វិញ បកស្រាយ​ថា តុលាការ​ក្រុង​ឡាអេ ប្រគល់​តែ​តួ​ប្រាសាទ​ទេ មិន​ប្រគល់​ដី​ឡើយ។ ការ​បកស្រាយ​ខុស​គ្នា​នេះ​ហើយ ជា​មូលហេតុ​ចម្បង​ដែល​ជំរុញ​អោយ​កម្ពុជា ស្នើ​អោយ​តុលាការ​ពិភពលោក​នេះ​បកស្រាយ​សាលក្រម​នោះ​ម្ដង​ទៀត។

អ្នក​ច្បាប់​បរទេស​បី​នាក់ គឺ​លោក ហ្សង់ មាក់ សូរ៉ែល (Jean-Marc Sorel) លោក ហ្រ្វង់គ្លីន បើរមែន (Sir Franklin Berman) និង​លោក រត់មែន បុនឌី (Rodman Bundy) បាន​ឡើង​បកស្រាយ​ម្នាក់​ម្ដង​ជំនួស​មុខ​អោយ​កម្ពុជា។ លោក​អ្នក​ច្បាប់​ទាំង​បី​នេះ បាន​បង្ហាញ​ឯកសារ​មួយ​ចំនួន​នៅ​ចំពោះ​មុខ​តុលាការ។ ក្រៅ​អំពី​ផែនទី​ដែល​បារាំង គូរ​នៅ​ឆ្នាំ​១៩០៧ នោះ ពួកគាត់​មាន​លិខិត​ស្នាម​ផ្លូវ​ការ​ផ្ទៃ​ក្នុង​របស់​មន្ត្រី​ជាន់​ខ្ពស់​ថៃ នា​សម័យ​ឆ្នាំ​១៩៦២ ដែល​ទើប​ទទួល​បាន​យក​ទៅ​បង្ហាញ​អង្គ​តុលាការ។ លិខិត​ទាំង​នេះ​អាច​ផ្ដល់​តឹកតាង​ថ្មី​អំពី​ការ​បកស្រាយ​សាលក្រម​នៅ​ពេល​នោះ​របស់​មន្ត្រី​ជាន់​ខ្ពស់​ថៃ។

ទោះ​ជា​យ៉ាង​ក៏ដោយ ភាគី​ថៃ ថ្ងៃ​នេះ​អង្គុយ​តែ​ស្ដាប់​ទេ។ ពេញ​មួយ​ថ្ងៃ​ទី​១៥ នេះ តំណាង​ភាគី​កម្ពុជា នឹង​ឡើង​បកស្រាយ​ជំហរ​របស់​ខ្លួន។ ថ្ងៃ​អង្គារ ទី​១៦ មេសា តុលាការ​ពិភពលោក​នេះ​នឹង​ដោះស្រាយ​រឿង​ក្តី​នៃ​ប្រទេស​ដទៃ។ រហូត​ដល់​ថ្ងៃ​ពុធ ទី​១៧ ខែ​មេសា ទើប​ភាគី​ថៃ ឡើង​បក​ស្រាយ​ម្តង។

ទោះ​ជា​យ៉ាង​ណា​ក៏ដោយ ជំហរ​ថៃ ដែល​គេ​បាន​អោយ​ដឹង​ខ្លះៗ មុន​សវនាការ​ផ្ទាល់​មាត់​នេះ គឺ​ថៃ​នឹង​ខិតខំ​យ៉ាង​ណា​បង្ហាញ​ថា តុលាការ​ក្រុង​ឡាអេ នេះ គ្មាន​យុត្តាធិការ ឬ​គ្មាន​សិទ្ធិ​អំណាច​ក្នុង​ការ​កាត់​ក្តី​នេះ​ទេ។ សេចក្ដី​បកស្រាយ​លំអិត​ពី​ភាគី​ថៃ នឹង​ធ្វើ​ឡើង​នៅ​ថ្ងៃ​ពុធ ទី​១៧ ខាន​ស្អែក​នេះ។ យើង​នឹង​ដឹង​ច្បាស់​ពី​ជំហរ​របស់​ថៃ ថា​តើ​ថៃ​បក​ស្រាយ​សាល​ក្រម​ឆ្នាំ​១៩៦២ នោះ យ៉ាង​ណា និង​មាន​អ្វី​ជា​សំអាង​ខ្លះ​នៅ​ពេល​នោះ?

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

come on hunsen,it's time for you to show me something,,,otherwise I still blame you

Apr 16, 2013 10:53 PM

Set sambol

ពី Samraong

រាជរដ្ឋាភិបាលត្រូវតែការពារ មរតក៍ិដែលដូនតាបន្សល់ទុកឲ្យគង់វង្ស។

Apr 16, 2013 09:09 PM

អ្នក​អាន​អនាមិក

ពី Takeo

ដោះស្រាយរឿងថៃរួចហើយ ខ្មែរត្រូវប្រញាប់ប្រញាល់ទៅចាត់ការយួនម្ដង
យួនយកកម្ពុជាក្រោមនិងកោះត្រល់ ហើយកំពុងតែលេបដីខ្មែរសព្វថ្ងៃមិនឈប់រាល់ថ្ងៃ
បើខ្មែរមិនឆាប់គិតគូរទាន់ពេលទេ យួននឹងយកដីខ្មែរបានទាំងអស់ក្នុងពេលឆាប់ៗមិនខាន។

Apr 16, 2013 12:27 PM

zooly

ពី sihanoukville

Yes right Cambodia mush do like that..

Apr 16, 2013 02:15 AM

យុវជនជាយដែន

ពី ប៉ោយប៉ែត

After the court has finished the Thai and Cambodia border, I strongly hope that the court will talk about Kohtral (Vietnam and Cambodia border) Kohtral is the most beautiful in Cambodia and all cambodian need it back from Vietnam. Kohtral is belong to Cambodian.

Apr 16, 2013 12:49 AM

មើល​មតិ​ទាំង​អស់.

គេហទំព័រ​ទាំងមូល