ក្នុងពេលជួបប្រជុំ ពួកគាត់បានលើកបង្ហាញបដា និងទង់ជាតិសហរដ្ឋអាមេរិក ចំនួន៥២ ដែលតំណាងរដ្ឋទាំងអស់របស់សហរដ្ឋអាមេរិក និងទង់សាសនាខ្លះផង។
តំណាងអ្នកបឹងកក់ អ្នកស្រី ទេព វន្នី បានថ្លែងនៅខាងមុខស្ថានទូតថា ពួកគាត់អរគុណដល់សភាសហរដ្ឋអាមេរិក ដែលបានអនុម័តច្បាប់ថវិកា ដោយមានលក្ខខណ្ឌរួមបញ្ចូល ក្នុងនោះតម្រូវឲ្យធនាគារពិភពលោក (World Bank) ជួយដោះស្រាយជូនអ្នកបឹងកក់ ទាំងអ្នកដែលបានចាកចេញ និងអ្នកដែលមិនទាន់បានចាកចេញ។
លិខិតថ្លែងអំណរគុណដែលមានចុះហត្ថលេខា និងស្នាមមេដៃរបស់តំណាងសហគមន៍បឹងកក់ ដែលបានចាកចេញ និងមិនទាន់ចាកចេញ ចំនួន ៩នាក់ ឲ្យដឹងថា សភាអាមេរិក បានស្នើឲ្យធនាគារពិភពលោក ធ្វើរបាយការណ៍ពីការវិវឌ្ឍនៃការដោះស្រាយ និងការរីកចម្រើនរបស់អ្នករស់នៅតំបន់បឹងកក់ រៀងរាល់ ៤៥ថ្ងៃម្តងក្នុងរយៈពេល ៩ខែទៅរដ្ឋាភិបាលសហរដ្ឋអាមេរិក ដោយចាប់ផ្ដើមពីថ្ងៃទី១៣ ខែមករា តទៅ។
រហូតដល់ម៉ោងជិត ៩ព្រឹកនេះ ពុំមានកម្លាំងសមត្ថកិច្ចចុះទៅឃ្លាំមើល ឬបំបែកការប្រមូលផ្ដុំនេះទេ ហើយពួកគាត់ក៏បានរំសាយការជួបជុំ បន្ទាប់មន្ត្រីទូតបានទទួលលិខិតពួកគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។