របាំងកងកម្លាំងប៉ូលិសនិងកងសន្តិសុខឈុតខ្មៅប្រមាណ ១០០នាក់ ប្រដាប់ដោយខែលនិងដំបងឆក់ ដែលបានបិទផ្លូវជាតិលេខ៥ ម្ដុំសាលាខណ្ឌឫស្សីកែវ នារសៀលថ្ងៃទី១៣ សីហា ត្រូវបានអ្នកភូមិឡពាង ទម្លាយ។ ក្នុងពេលនេះដែរ គ្រូពេទ្យអង្គការលីកាដូ អះអាងថា មានស្ត្រី ៨នាក់សន្លប់។
អ្នកភូមិឡពាង មានគ្នាប្រមាណ ៥០នាក់ ភាគច្រើនជាស្ត្រីមានកូនតូចផង បានព្យាយាមទម្លុះរបាំងនោះ។
ការព្យាយាមទម្លុះរបាំងប៉ូលិសនេះ ធ្វើឡើងបន្ទាប់ពីអាជ្ញាធរសង្កាត់ច្រាំងចម្រេះបានព្យាយាមរារាំងពួកគាត់មិនឲ្យចូលមកតវ៉ានៅភ្នំពេញ នៅពេលថ្ងៃត្រង់នេះ ម្ដងរួចមកហើយ។
កាលពីម្សិលមិញ អ្នកភូមិឡពាង បាននាំគ្នាបានចេញពីខេត្តកំពង់ឆ្នាំង ដើម្បីឡើងមកតវ៉ានៅភ្នំពេញ តែត្រូវប៉ូលិសខេត្តបង្ក្រាបវាយឲ្យរបួស ខ្លះសន្លប់ និង ៣នាក់ទៀតត្រូវចាប់ដាក់គុកម្ដងហើយដែរ។
សូមស្ដាប់សេចក្ដីរាយការណ៍របស់លោក អ៊ួន ឈិន ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។