ស្ត្រីបឹងកក់ម្នាក់សន្លប់និងបញ្ជូនទៅសង្គ្រោះបន្ទាន់ដោយប៉ះទង្គិចជាមួយប៉ូលិស
2014.08.29
អ្នកស្រី ខែក ច័ន្ទរស្មី សកម្មជនដីធ្លីបឹងកក់ បញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត(Calmet) ដោយសន្លប់បាត់ស្មារតីធ្ងន់ធ្ងរ បន្ទាប់ពីប៉ះទង្គិចក្បាលនឹងជញ្ជាំងឡាន ពេលកម្លាំងអាជ្ញាធរបានចាប់បង្ខំបញ្ជូនចេញពីវត្តចាស់ សង្កាត់ជ្រោយចង្វារ កាលពីថ្ងៃទី២៩ ខែ សីហា ឆ្នាំ ២០១៤។
ស្ត្រីបឹងកក់ ម្នាក់ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យ និងពលរដ្ឋ ៤នាក់ទៀតរបួសស្រាល នៅក្នុងពេលដែលអាជ្ញាធរប្រមាណ ១០០នាក់ រារាំងពលរដ្ឋដែលមានប្រមាណ ១០០នាក់ដែរ មិនអោយចាកចេញពីវត្តពុទ្ធិយារាម ឬហៅវត្តចាស់ ក្នុងសង្កាត់ជ្រោយចង្វារ មិនអោយទៅសុំអន្តរាគមន៍ពីលោកនាយករដ្ឋមន្ត្រី និងពីរដ្ឋសភាពីបញ្ហាជម្លោះដីធ្លី។
តំណាងអ្នកបឹងកក់ អ្នកស្រី ខែក ច័ន្ទរស្មី ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត (Calmet) កាលពីព្រឹកថ្ងៃទី២៩ ខែសីហា បន្ទាប់ពីបានសន្លប់បាត់ស្មារតីធ្ងន់ធ្ងរ ដោយប៉ះទង្គិចក្បាលនឹងជញ្ជាំងឡាន នៅពេលកម្លាំងអាជ្ញាធរបានចាប់បង្ខំបញ្ជូនចេញពីវត្តពុទ្ធិយារាម ជាមួយនឹងស្ត្រីបឹងកក់ បីនាក់ទៀត។ មកដល់ពេលនេះ ស្ត្រីបឹងកក់រូបនោះបានធូរស្រាលវិញហើយ ចំណែកស្ត្រី ៣នាក់ទៀត ក៏ត្រូវដោះលែងវិញ។
ចំណែកតំណាងពលរដ្ឋដែលធ្វើដំណើរមកពីខេត្តបាត់ដំបង ប៉ៃលិន និងបន្ទាយមានជ័យ ចំនួន ៤នាក់របួសស្រាល និងត្រូវបញ្ជូនទៅព្យាបាលនៅអង្គការលីកាដូ (Licadho)។
តំណាងពលរដ្ឋម្នាក់ លោក ម៉ៅ ឆាង ថ្លែងថា អាជ្ញាធរគួរតែដោះស្រាយបញ្ហាជាជាងដាក់កម្លាំងរារាំងធ្វើបាបពួកគាត់។
បើទោះជាយ៉ាងណា អភិបាលខណ្ឌជ្រោយចង្វារ លោក ឃ្លាំង ហួត សន្យាថានឹងជួយពន្លឿនដំណោះស្រាយដីធ្លីជាមួយថ្នាក់ខេត្តជូនពលរដ្ឋ។
ប្រជាពលរដ្ឋប្រមាណ ១០០នាក់ កំពុងស្នាក់នៅក្នុងវត្តពុទ្ធិយារាម ហៅវត្តចាស់ បន្ទាប់ពីពួកគាត់បានធ្វើដំណើរមកពីខេត្តបាត់ដំបង ប៉ៃលិន និងបន្ទាយមានជ័យ កាលពីដើមសប្ដាហ៍នេះ ដើម្បីស្វែងរកអន្តរាគមន៍ពីស្ថាប័នពាក់ព័ន្ធអោយជួយដោះស្រាយបញ្ហាដីធ្លីរបស់ពួកគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
