ការស្នើសុំនៅក្រៅឃុំនោះ ដោយយោងលើស្ថានភាពសុខភាពដែលរងរបួសពេលបង្ក្រាប ពួកគេមានការងារ និងមុខរបរច្បាស់លាស់ដែលមានការធានាពីមេធាវី មិនប៉ះពាល់ដល់នីតិវិធីតុលាការ ហើយក្នុងចំណោម ២២នាក់នោះ មានម្នាក់ជាអនីតិជនផង។
អ្នកគ្រប់គ្រងបច្ចេកទេសអង្កេតនៃអង្គការលីកាដូ (Licadho) លោក អំ សំអាត បានថ្លែងនៅថ្ងៃទី២១ មករា ថា ចៅក្រមសាលាដំបូងរាជធានីភ្នំពេញ ចំនួន ៣រូប គឺលោកស្រី សែម សក្តិកូឡា ចៅក្រម ជា សុខហៀង និងចៅក្រម ភូ ពៅស៊ុន នៅថ្ងៃដដែលនេះ បានចេញដីកាបដិសេធមកក្រុមមេធាវី មិនអនុញ្ញាតជនឲ្យជាប់ចោទទាំង ២២នាក់នៅក្រៅឃុំទេ។ លោក អំ សំអាត ចាត់ទុកថា ការសម្រេចនេះ គឺបង្ហាញពីតុលាការពុំទាន់ឯករាជ្យនៅឡើយ ពីព្រោះសំណុំរឿងនេះ គឺបានពាក់ព័ន្ធនឹងរឿងនយោបាយ។
លោក អំ សំអាត៖ «បើសិនជាតុលាការឯករាជ្យមិនអីទេ ការពិចារណាមិនខ្វល់ទេ រឿងនយោបាយមិននយោបាយ។ ប៉ុន្តែបើតុលាការយើងមិនមានឯករាជ្យហ្នឹង ត្រូវតែពិចារណាហើយ ហើយបើសិនជាមិនមានសញ្ញាណាមួយទេ ក៏តុលាការគាត់មិនហ៊ានសម្រេចលើករណីហ្នឹងដែរ។ បើយើងពិនិត្យទិដ្ឋភាពស្ថានភាពទូទៅ អ្នកទាំងអស់ហ្នឹងភាគច្រើនមិនពាក់ព័ន្ធ ហើយក៏មិនបានប្រព្រឹត្តដូចការចោទប្រកាន់ហ្នឹងដែរ»។
លោកបន្តថា នៅថ្ងៃទី២២ មករា ក្រុមមេធាវីនឹងដាក់ពាក្យប្ដឹងទៅសាលាឧទ្ធរណ៍ ដើម្បីជំទាស់ការសម្រេចរបស់ចៅក្រមសាលាដំបូង។
កាលពីថ្ងៃទី២ និងថ្ងៃទី៣ មករា ជនសង្ស័យទាំង ២៣នាក់នោះ ត្រូវកងកម្លាំងចម្រុះចាប់ខ្លួន នៅពេលតវ៉ាដំឡើងប្រាក់ឈ្នួលកម្មករ ១៦០ដុល្លារ។ បច្ចុប្បន្ន ពួកគេកំពុងជាប់ពន្ធនាគារត្រពាំងផ្លុង ខេត្តកំពង់ចាម បន្ទាប់ពីត្រូវសាលាដំបូងរាជធានីភ្នំពេញ ចោទប្រកាន់ក្រោមបទចោទមួយចំនួន ដូចជា បទប្រើប្រាស់ហិង្សាដោយចេតនាមានស្ថានទម្ងន់ទោស បទបំផ្លិចបំផ្លាញទ្រព្យសម្បត្តិដោយចេតនាមានស្ថានទម្ងន់ទោស បទបិទផ្លូវសាធារណៈបង្កឲ្យខូចសណ្ដាប់ធ្នាប់សាធារណៈ និងបទប្រមាថ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។