ចៅក្រមស៊ើបសួរសាលាដំបូងរាជធានីភ្នំពេញ លោក សាន សុផាត សម្រេចបញ្ជូនសំណុំរឿងព្រហ្មទណ្ឌជុំវិញបណ្ដឹងចោទប្រកាន់មន្ត្រីជាន់ខ្ពស់គណៈកម្មាធិការជាតិរៀបចំការបោះឆ្នោត (គ.ជ.ប) លោក រ៉ុង ឈុន អតីតជាប្រធានសភាពសហជីពកម្ពុជា ពីបទអំពើហិង្សាដោយចេតនា ធ្វើឲ្យខូចខាតទ្រព្យសម្បត្តិសាធារណៈដោយចេតនា និងគំរាមកំហែងប្រើមធ្យោបាយជាឧបសគ្គដល់ចរាចរណ៍សាធារណៈ ពាក់ព័ន្ធនឹងការតវ៉ាដំឡើងប្រាក់ឈ្នួលនៅផ្លូវវ៉េងស្រេង កាលពីឆ្នាំ២០១៤ យកទៅជំនុំជម្រះនៅពេលខាងមុខ។
ប៉ុន្តែលិខិតជូនដំណឹងរបស់ចៅក្រមស៊ើបសួរកាលពីថ្ងៃទី២៦ មេសា ដែលគេទើបផ្សព្វផ្សាយនៅថ្ងៃទី១៨ ឧសភា នេះ ពុំបានបញ្ជាក់អំពីកាលបរិច្ឆេទថ្ងៃជំនុំជម្រះនោះទេ។
បណ្ដឹងព្រហ្មទណ្ឌចោទប្រកាន់លោក រ៉ុង ឈុន នេះ គឺជាបណ្ដឹងរបស់សមាគមរោងចក្រកាត់ដេរកម្ពុជា ពាក់ព័ន្ធនឹងកម្មករធ្វើបាតុកម្មទាមទារដំឡើងប្រាក់ឈ្នួល ១៦០ដុល្លារ កាលពីអំឡុងថ្ងៃទី២៥ ខែធ្នូ ឆ្នាំ២០១៣ ដល់ថ្ងៃទី៣ ខែមករា ឆ្នាំ២០១៤ រហូតដល់ផ្ទុះអំពើហិង្សាប៉ះទង្គិចគ្នារវាងក្រុមកម្មករ និងសមត្ថកិច្ចរបស់រដ្ឋាភិបាល។
សូមស្ដាប់បទសម្ភាសន៍របស់លោក ជុន ច័ន្ទបុត្រ ជាមួយលោក រ៉ុង ឈុន ដើម្បីបំភ្លឺអំពីការចោទប្រកាន់នេះដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។