មេឃុំបក្សប្រជាជនរងការចោទថារារាំងការបិទបដាឃោសនារបស់បក្សផ្សេង
គណបក្ស "ខ្មែរឈប់ក្រ" ចោទមេឃុំគណបក្សប្រជាជន ឃុំជាខ្លាង ស្រុកស្វាយអន្ទរ ខេត្តព្រៃវែង ថាបានរារាំងគណបក្សខ្លួនមិនឲ្យបិទបដាឃោសនារកសំឡេងឆ្នោតនៅក្នុងឃុំនេះទេ។ ប៉ុន្តែមេឃុំគណបក្សប្រជាជន ឆ្លើយបដិសេធលើការចោទប្រកាន់នេះ។
សូមស្ដាប់សេចក្ដីរាយការណ៍របស់លោក ហ៊ុំ ចំរើន៖
ពលរដ្ឋចោទអ្នកមេភូមិនៅសៀមរាបថាគំរាមមិនឲ្យហែក្បួនឃោសនាឲ្យបក្សប្រឆាំង
ចំណែកនៅឯខេត្តសៀមរាប មន្ត្រីរៀបចំការបោះឆ្នោតឃុំសង្វើយ ស្រុកជីក្រែង បានបរាជ័យក្នុងការសម្របសម្រួលបណ្ដឹងមួយដែលចោទប្រកាន់មេភូមិម្នាក់ ថាបានគំរាមកំហែងទៅលើពលរដ្ឋមួយក្រុមដែលទៅចូលរួមដង្ហែក្បួនយុទ្ធនាការឃោសនារកសំឡេងឆ្នោតឱ្យគណបក្សប្រឆាំង កាលពីពេលថ្មីៗ។
ប្រជាពលរដ្ឋមួយចំនួនរស់នៅភូមិព្រៃប្រស់ ឃុំសង្វើយ ស្រុកជីក្រែង ខេត្តសៀមរាប បានចោទប្រកាន់មេភូមិ ថាបានកោះហៅពួកគេទៅសាកសួរជាច្រើននាក់ ព្រមទាំងស្ដីបន្ទោសដោយដាក់ការគាបសង្កត់លើផ្លូវចិត្តផង។
សូមស្ដាប់សេចក្ដីរាយការណ៍របស់លោក ហង្ស សាវយុត៖
ករណីបន្លំខ្លួនធ្វើជាសមាជិកបក្សសង្គ្រោះជាតិដើម្បីរំខានវេទិកានៅខេត្តកណ្ដាល
វេទិកាចោទសួរសម្រាប់បេក្ខជនតំណាងរាស្រ្តខេត្តកណ្ដាល ដែលរៀបចំឡើងដោយវិទ្យាស្ថានជាតិប្រជាធិបតេយ្យ ហៅកាត់ថា អិន.ឌី.អាយ (NDI)។ សម្រាប់គណបក្សដែលចូលរួម មាន ៣ធំៗ គឺគណបក្សសង្រ្គោះ ជាតិ គណបក្សប្រជាជនកម្ពុជា និងគណបក្សហ៊្វុនស៊ិនប៉ិច។
គណបក្សសង្រ្គោះជាតិ បានធ្វើពហិកាមិនធ្វើការបកស្រាយក្នុងវេទិកានោះ ដោយសារមានការក្លែងបន្លំខ្លួនដោយពាក់មួក និងពាក់អាវគណបក្សសង្គ្រោះជាតិ ដែលធ្វើឡើងដោយសមាជិកគណបក្សផ្សេង ដើម្បីបង្កការរំខាន និងធ្វើឱ្យប៉ះពាល់ដល់កិត្តិយសរបស់បក្សសង្រ្គោះជាតិ។
សូមស្ដាប់សេចក្ដីរាយការណ៍របស់លោក សូត សុខប្រាថ្នា៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។