លោកនាយករដ្ឋមន្ត្រី ហ៊ុន សែន សរសេរនៅលើហ្វេសប៊ុក (Facebook) របស់លោកនៅថ្ងៃទី៤ ឧសភា ថា ដោយការហត់នឿយខ្លាំងពេក លោកធ្លាក់ខ្លួនមានជំងឺដែលចាំបាច់ត្រូវទៅពេទ្យបន្ទាន់ ដើម្បីពិនិត្យ និងព្យាបាល។
លោកស្ថិតក្នុងមន្ទីរពេទ្យនៅប្រទេសសិង្ហបុរី តាំងពីម៉ោង២ល្ងាច ថ្ងៃទី៣ ឧសភា នឹងអាចវិលត្រឡប់មកកម្ពុជាវិញ នៅថ្ងៃអាទិត្យ ទី៧ ឧសភា ដើម្បីបន្តការងារជាធម្មតាវិញ។
លោកបានសរសេរទៀតថា លោកសុំការយោគយល់ពីសំណាក់ មន្ត្រី រាជការ កងកម្លាំងប្រដាប់អាវុធនៅខេត្តកំពង់ស្ពឺ ដែលបានអាក់ខានការជួបជុំនៅព្រឹកថ្ងៃទី៤ ឧសភា។ លោកសុំការយោគយល់ពីមិត្តភក្ដិ បរទេសពិសេសជប៉ុន ឥណ្ឌា បារាំង ដែលមានកម្មវិធីគ្រោងទុកតែត្រូវបានលុបចោលទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។