លោកនាយករដ្ឋមន្ត្រី ហ៊ុន សែន ត្រឡប់មកកម្ពុជាវិញហើយ នៅព្រឹកថ្ងៃទី៧ តុលា ក្រោយពីបានចូលរួមខួប៥០ឆ្នាំ នៃការឡើងគ្រងរាជ្យសម្បត្តិរបស់ ព្រះមហាក្សត្រ ប្រ៊ុយណេ ព្រះចៅស៊ុលតង់ ហាជី ហាសាណាល់ បុលគីយ៉ាស់ (SULTAN HAJI HASSANAL BOLKIAH) នៅព្រះបរមរាជរាំងប្រ៊ុយណេ កាលពីយប់ថ្ងៃសុក្រទី៦ តុលា។
លោក ហ៊ុន សែន សរសេរក្នុងទំព័រហ្វេសប៊ុក (Facebook) របស់លោកថា ក្នុងពិធីនោះ មានព្រះមហាក្សត្រជាច្រើនប្រទេស រួមទាំងប្រមុខរដ្ឋ មន្ត្រីតំណាងប្រទេសនានា និងឥស្សរជនសំខាន់ៗជាច្រើនរូបក៏បានចូលរួមដែរ។
លោក ហ៊ុន សែន អះអាងថា លោកក៏បានចូលក្រាបបង្គំគាល់ និងពិភាក្សាការងារជាមួយព្រះមហាក្សត្រប្រ៊ុយណេ និងជួបប្រមុខរដ្ឋាភិបាលមួយចំនួនទៀត ដើម្បីរិតចំណងមិត្តភាព និងកិច្ចសហប្រតិបត្តិការរវាងកម្ពុជា និងប្រទេសទាំងនោះ។ ក្នុងនេះលោក ហ៊ុន សែន ក៏បានដាក់បង្ហោះរូប (post) រូបថតជាមួយ ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ (Rodrigo Duterte) និង អ្នកស្រី អ៊ុងសាន ស៊ូជី (Aung San Suu Kyi) មន្ត្រីជាន់ខ្ពស់របស់ប្រទេសមីយ៉ាន់ម៉ា ឬភូមា ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។