សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ចេញផ្សាយនៅព្រឹកថ្ងៃទី២៩ ខែសីហា បានអោយដឹងថា លោក ហ៊ុន សែន នឹងដឹកនាំគណៈប្រតិភូទៅទីក្រុងណាននីង ខេត្តក្វាងស៊ី ពីថ្ងៃទី២ ដល់ ថ្ងៃទី៣ ខែកញ្ញា ឆ្នាំ២០១៣។ លោក ហ៊ុន សែន គ្រោងនឹងជួបជាមួយលោក លី ខីឈាង (Li Keqiang) នាយករដ្ឋមន្ត្រីនៃក្រុមប្រឹក្សារដ្ឋចិន និងលោក លី ជីហេង (Li Jiheng) អភិបាលខេត្តយូណាន់។
សេចក្ដីប្រកាសព័ត៌មានដដែលបញ្ជាក់ថា ដំណើរទៅកាន់ប្រទេសចិន របស់លោកនាយករដ្ឋមន្ត្រីនៅពេលនេះ គឺតបតាមការអញ្ជើញរបស់រាជរដ្ឋាភិបាលនៃសាធារណរដ្ឋប្រជាមានិតចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។