គណបក្សប្រជាធិបតេយ្យមូលដ្ឋាន នឹងរៀបចំសមាជមួយនៅចុងឆ្នាំ២០១៦ ឬនៅដើមឆ្នាំ២០១៧ ដើម្បីជ្រើសរើសប្រធានដឹកនាំគណបក្សនេះ។
លោក សាម អ៊ីន ដែលជាអគ្គលេខាធិការនៃគណបក្សនេះ មានប្រសាសន៍ថា បេក្ខជនដែលឈរឈ្មោះជាប្រធានគណបក្សសម្រាប់ឲ្យសមាជបោះឆ្នោតសម្រេចមានដូចជា លោក យ៉េង វីរៈ បច្ចុប្បន្នជាប្រធានគណបក្សប្រជាធិបតេយ្យមូលដ្ឋាន លោកបណ្ឌិត យ៉ង សាំងកុមារ ដែលជាអតីតប្រធានអង្គការសេដាក (CDAC) និងលោក សាម ស៊ុនឌឿន ជាដើម។ លោក សាម ស៊ុនឌឿន ជាអ្នកនយោបាយជើងចាស់ដែលមានបទពិសោធន៍ ហើយធ្លាប់បានចូលរួមជាមួយគណបក្សនយោបាយជាច្រើន ដូចជាគណបក្សប្រជាជនកម្ពុជា គណបក្ស សម រង្ស៊ី គណបក្សហ៊្វុនស៊ិនប៉ិច គណបក្សសិទ្ធិមនុស្ស និងគណបក្សសង្គ្រោះជាតិ ជាដើម។
លោក សាម អ៊ីន នៅពេលនេះ កំពុងធ្វើទស្សនកិច្ចនៅសហរដ្ឋអាមេរិក។
សូមស្ដាប់បទសម្ភាសន៍រវាងលោក ជុន ច័ន្ទបុត្រ ជាមួយលោក សាម អ៊ីន បន្ថែមជុំវិញបញ្ហានេះ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។