ស្ត្រីខ្មែរម្នាក់ទៀត ដែលមេខ្យល់បោកយកទៅរៀបការនៅប្រទេសចិន ត្រូវបានស្ថានទូតកម្ពុជាប្រចាំប្រទេសចិនជួយសង្គ្រោះ ហើយនឹងមកដល់ប្រទេសកម្ពុជាវិញនៅយប់ថ្ងៃទី៤ ខែឧសភានេះ តាមព្រលានយន្តហោះអន្តរជាតិភ្នំពេញ។
អ្នកនាំពាក្យក្រសួងការបរទេសកម្ពុជាលោក គុយ កួង បានឲ្យដឹងតាមទូរស័ព្ទថា នារីរងគ្រោះដែលស្រុកកំណើតនៅស្រុកខ្សាច់កណ្ដាល ខេត្តកណ្ដាលរូបនោះ ត្រូវបានស្ថានទូតកម្ពុជាប្រចាំប្រទេសចិន សហការជាមួយអាជ្ញាធរខេត្តជាំងស៊ី(Jiang Xi) ប្រទេសចិន ជួយសង្គ្រោះនារីបញ្ជូនមកកម្ពុជា។
បើទោះជាមានការលេចឮព័ត៌មានពាក់ព័ន្ធការចាញ់បោក ការជួញដូរស្ត្រីវ័យក្មេងទៅក្រៅប្រទេស ក៏មកដល់ពេលនេះ ពុំមានតួលេខជាផ្លូវការពីចំនួនករណីដែលចាត់ទុកថា ជាអំពើជួញដូរស្ត្រីខ្មែរទៅប្រទេសចិនឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។