កាលពីថ្ងៃទី៨ ខែមិថុនា ឆ្នាំ២០១៣ ក្នុងពិធីសម្ពោធអគារសិក្សាវិទ្យាល័យសម្ដេចតេជោ ហ៊ុន សែន ព្រែកអំបិល ស្ថិតក្នុងឃុំត្រើយស្លា លោក គិត ម៉េង ប្រធានក្រុមហ៊ុនទូរស័ព្ទ ម៉ូប៊ីតែល បាននិយាយថា ប្រាក់ខែកម្មករយាមអង់តែនទូរស័ព្ទម្នាក់បានចំនួន ១២០ដុល្លារ។
បុគ្គលិកយាមបង្គោលទូរស័ព្ទម៉ូប៊ីតែល នៅខេត្តកំពង់ចាម ព្រះសីហនុ កំពង់ធំ ខេត្តតាកែវ ជាដើម បានតវ៉ាថា ការប្រាប់ផ្ទាល់មាត់របស់ប្រធានក្រុមហ៊ុន ម៉ូប៊ីតែល មិនដូចអ្វីដែលពួកគេបើកលុយបានប្រចាំខែឡើយ។
ក្រុមហ៊ុន ម៉ូប៊ីតែល មិនអាចបំភ្លឺឲ្យបានច្បាស់ពីប្រាក់ខែអ្នកយាមបង្គោលទូរស័ព្ទតាមខេត្តទទួលបានប៉ុន្មានក្នុងម្នាក់ពិតប្រាកដទេ នៅថ្ងៃទី១៤ ខែមិថុនា ដោយមានការឆ្លើយដាក់គ្នា និងចាំសុំច្បាប់ពីថ្នាក់លើជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។