ក្រុមកម្មកររោងចក្រ អូសេអង់ (Ocean) នៅបន្តរង់ចាំដំណោះស្រាយពីក្រុមប្រឹក្សាអាជ្ញាកណ្ដាល បន្ទាប់ពីពួកគេបានយល់ព្រមផ្ទេរការដោះស្រាយវិវាទការងារពីក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃទី១៣ ខែមិថុនា ទៅដោះស្រាយនៅក្រុមប្រឹក្សាអាជ្ញាកណ្ដាលវិញ។
តំណាងកម្មករ និងជាសហជីពមូលដ្ឋាន លោក ស៊ុត ចិត្រ ថ្លែងនៅថ្ងៃទី១៩ ខែមិថុនា ថា កម្មករទើបតែសម្រេចរើសបានមេធាវីចំនួន ៣រូប ឲ្យជួយការពារក្តីកម្មករនៅពេលក្រុមប្រឹក្សាអាជ្ញាកណ្ដាល បើកសវនាការ។ លោកបន្តថា ក្រុមកម្មករមិនទាន់ដឹងថា ក្រុមប្រឹក្សាអាជ្ញាកណ្ដាលនឹងបើកសវនាការនៅពេលណាទេ៖ «ទី១ តំណាងឲ្យនិយោជក ទី២ តំណាងឲ្យខាងរាជរដ្ឋាភិបាល ទី៣ តំណាងឲ្យកម្មករនិយោជិត»។
ក្រុមកម្មករ អូសេអង់ ជាង១ពាន់នាក់ ធ្វើកូដកម្មចាប់ពីថ្ងៃទី២៤ ខែឧសភា ឆ្នាំ២០១៤ មកដល់បច្ចុប្បន្ន ក្រោយពេលក្រុមហ៊ុនព្យួរការងារ។ កម្មករទាមទារប្រាក់ឈ្នួល ១០០% បើក្រុមហ៊ុនគ្មានការងារឲ្យកម្មករធ្វើ និងសុំឲ្យក្រុមហ៊ុនផ្តាច់កុងត្រាការងារ ហើយសងប្រាក់អតីតភាពការងារ បើក្រុមហ៊ុនក្ស័យធន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។