សមត្ថកិច្ចកម្ពុជា បានចុះបង្ក្រាបជនជាតិចិនចំនួន ៦៩នាក់ ពីបទជំរិតទារប្រាក់ តាមប្រព័ន្ធអ៊ីនធឺណិត (Internet) នៅព្រឹកថ្ងៃទី១៧ តុលា នេះ នៅរាជធានីភ្នំពេញ និងខេត្តកណ្ដាល។
ប្រធាននាយកដ្ឋានស៊ើបអង្កេត និងអនុវត្តនីតិវិធី លោក អ៊ុក ហៃសីឡា ត្រូវបានកាសែតក្នុងស្រុក ដកស្រង់សម្ដីថា ប្រតិបត្តិការនេះធ្វើឡើង តាមទីតាំងចំនួន៧ និងបានឃាត់ខ្លួនជនជាតិចិនសរុប ៦៩នាក់ ក្នុងនោះស្រី១១នាក់ ព្រមទាំងបានដកហូតវត្ថុតាង ប្រព្រឹត្តបទល្មើសមួយចំនួនធំ។
លោកបន្តថា សមត្ថកិច្ចបានបញ្ជូនជនសង្ស័យទាំងនោះ ទៅការិយាល័យជំនាញ ដើម្បីធ្វើការសួរនាំ និងចាត់ការបន្តតាមច្បាប់។
កាលពីសប្ដាហ៍មុន អគ្គនាយកដ្ឋានអន្តោប្រវេសន៍ក្រសួងមហាផ្ទៃ បានបញ្ជូនក្រុមល្មើសជនជាតិចិន និងឥណ្ឌូនេស៊ី ចំនួន ៧៤នាក់ ត្រឡប់ទៅប្រទេសខ្លួនវិញ ក្រោយដែលបានចាប់ខ្លួននៅខេត្តព្រះសីហនុ ពីបទជំរិតទារប្រាក់តាមប្រព័ន្ធអ៊ីនធឺណិត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។