កម្មករប្រមាណ ១០០នាក់ក្នុងចំណោមកម្មករជាង ១ពាន់នាក់នៅរោងចក្រ ស៊ីរ៉ាតិច (SERATEX) ស្ថិតក្នុងភូមិចម្ការឪឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ នាំគ្នាបន្តការតវ៉ាក្រោយពេលដែលថៅកែរត់ចោលមួយសប្ដាហ៍មកហើយ។
ប្រធានសហជីពមូលដ្ឋានពលកម្មកម្ពុជា ប្រចាំរោងចក្រ ស៊ីរ៉ាតិច (SERATEX) ក្រុមកម្មករដែលកំពុងតវ៉ានេះ ក៏ព្រោះតែមិនមានតំណាងថៅកែរោងចក្រណាមកទទួលខុសត្រូវបើកប្រាក់ឈ្នួលឲ្យពួកគាត់ សម្រាប់ខែវិច្ឆិកា ទេ៖ «»។
នៅពេលដែលថៅកែរត់ចោលកម្មករដោយមិនបើកប្រាក់ឈ្នួលនេះ កម្មករកម្មការិនីត្អូញត្អែរអំពីការលំបាក ដែលពួកគាត់កំពុងប្រឈមក្នុងជីវភាពខ្វះខាត ដូចជាគ្មានលុយបង់ថ្លៃផ្ទះជួល និងការទិញអាហារ។ ពួកគាត់អំពាវនាវរកអន្តរាគមន៍ពីអ្នកពាក់ព័ន្ធ ឲ្យជួយដល់ពួកគាត់ឲ្យបានឆាប់។
តំណាងកម្មករនៅរោងចក្រ ស៊ីរ៉ាតិច លោកស្រី មិត្រ សុខៃ ឲ្យដឹងថា កម្មករកម្មការិនីដែលធ្វើការនៅរោងចក្រ ស៊ីរ៉ាតិច នេះ មានចំនួនសរុប ១.០៣១នាក់។ លោកស្រីបន្តថា កម្មករកម្មការិនីដែលតវ៉ាមានតែប្រមាណ ១០០នាក់នេះ ដោយសារកម្មករខ្លះវិលទៅស្រុកវិញ ពេលអត់ប្រាក់ឈ្នួលនេះ៖ «»។
ក្រុមកម្មករ និងសហជីពថ្លែងថា ពួកគាត់ដឹងថាថៅកែរោងចក្ររត់ចោលនៅថ្ងៃទី៩ ធ្នូ ជាថ្ងៃដែលត្រូវបើកប្រាក់ឈ្នួល។
កម្មការិនីនៅរោងចក្រនេះម្នាក់ គឺកញ្ញា រ៉េន អូនតូច ត្អូញថា នាងនៅរង់ចាំដំណោះស្រាយនេះ៖ «»។
កម្មការិនីម្នាក់ទៀត គឺលោកស្រី ហោ សុវន្នី ថ្លែងថា គាត់ត្រូវបានម្ចាស់ផ្ទះជួលដេញចេញ ព្រោះគ្មានលុយបង់ថ្លៃបន្ទប់៖ «»។
មន្ត្រីសហជីពមូលដ្ឋាន គឺលោក យន់ សំបូរ ឲ្យដឹងថា បញ្ហានេះត្រូវបានមន្ត្រីរបស់ក្រសួងការងារ បណ្ដុះបណ្ដាលវិជ្ជាជីវៈ គឺលោក វង្ស សុវណ្ណ ចុះពិនិត្យម្ដងហើយកាលពីរសៀលថ្ងៃទី១៣ ធ្នូ ប៉ុន្តែមិនទាន់មានដំណោះស្រាយ។ លោក យន់ សំបូរ បន្តថា ក្រសួងនឹងជួបតំណាងកម្មករ និងភាគីពាក់ព័ន្ធនៅថ្ងៃទី១៦ ធ្នូ ដើម្បីដោះស្រាយបញ្ហារោងចក្រនេះ៖ «មកដល់ពេលនេះម៉ោងនេះ ឃើញ ថាគណៈកម្មការ ចម្រុះដឹកនាំដោយឯកឧត្ដម វង្ស សុវណ្ណ គាត់បានដោះស្រាយកោះអញ្ជើញ យើងជា មួយម្ចាស់ឃ្លាំង នៅថ្ងៃសុក្រម៉ោង ២រសៀល ។ យើងប្រជុំដោះស្រាយទាំងអស់គ្នានៅក្រសួងការងារ ជាមួយតំណាងកម្មករ តំណាងសហជីព និងជាមួយក្រសួងផ្ទាល់ » ។
អគ្គលេខាធិការរងនៃគណៈកម្មការដោះស្រាយកូដកម្មបាតុកម្មរបស់ក្រសួងការងារ និងបណ្ដុះបណ្ដាលវិជ្ជាជីវៈ គឺលោក វង្ស សុវណ្ណ បញ្ជាក់បន្ថែមថា ប៉ុន្មានថ្ងៃមកនេះ ខាងលោកកំពុងស្វែងរកតំណាងថៅកែឲ្យមកទទួលខុសត្រូវរឿងប្រាក់ឈ្នួលកម្មករ៖ «»។
ទោះបីជាយ៉ាងណាក៏ដោយ ក្រុមកម្មករអំពាវនាវឲ្យក្រសួងការងារ និងស្ថាប័នរាជរដ្ឋាភិបាលពាក់ព័ន្ធ ជួយអន្តរាគមន៍ដោះស្រាយទូទាត់ប្រាក់ឈ្នួលខែចុងក្រោយឲ្យបានឆាប់ ដើម្បីឲ្យពួកគាត់ដោះស្រាយបញ្ហាជីវភាពខ្វះខាតដែលគាត់ប្រឈមបច្ចុប្បន្ននេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។