មនុស្ស​៩​នាក់​ស្លាប់​និង​២៥​នាក់​របួស​ដោយសារ​គ្រោះថ្នាក់​ចរាចរណ៍​នៅ​ថ្ងៃ​ទី​២៣​មេសា

ដោយ ឡេង ម៉ាលី
2017-04-23
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
គ្រោះថ្នាក់​ចរាចរណ៍​នៅ​គល់​ស្ពាន​មេគង្គ ផ្លូវ​ជាតិ​លេខ​៩ ស្រុក​ថាឡាបរិវ៉ាត់ ខេត្ត​ស្ទឹងត្រែង នៅ​ថ្ងៃ​ទី​១៨ ខែ​កញ្ញា ឆ្នាំ​២០១៦។ RFA/Men Sothyr
គ្រោះថ្នាក់​ចរាចរណ៍​នៅ​គល់​ស្ពាន​មេគង្គ ផ្លូវ​ជាតិ​លេខ​៩ ស្រុក​ថាឡាបរិវ៉ាត់ ខេត្ត​ស្ទឹងត្រែង នៅ​ថ្ងៃ​ទី​១៨ ខែ​កញ្ញា ឆ្នាំ​២០១៦។ RFA/Men Sothyr
RFA/Men Sothyr

នាយកដ្ឋាន​សណ្ដាប់ធ្នាប់​នៃ​អគ្គស្នងការដ្ឋាន​នគរបាល​ជាតិ បង្ហាញ​របាយការណ៍​នៅ​ថ្ងៃ​ទី​២៣ មេសា ថា មាន​មនុស្ស​ចំនួន ៩​នាក់​បាន​ស្លាប់​ដោយសារ​គ្រោះថ្នាក់​ចរាចរណ៍ ហើយ ២៥​នាក់​ផ្សេង​ទៀត​បាន​រង​របួស​ធ្ងន់ និង​ស្រាល ក្នុង​ករណី​គ្រោះថ្នាក់​ចរាចរណ៍​ចំនួន ១២​លើក​កើត​ឡើង​នៅ​ទូទាំង​ប្រទេស។

នៅ​ក្នុង​ហេតុការណ៍​គ្រោះថ្នាក់​ចរាចរណ៍ ១២​លើក​នេះ បណ្ដាល​ឲ្យ​ខូចខាត​យានយន្ត​សរុប​ចំនួន ២៤​គ្រឿង រួម​មាន ម៉ូតូ​ចំនួន ១២​គ្រឿង រថយន្ត​ធុន​តូច​ចំនួន ៨​គ្រឿង រថយន្ត​ធុន​ធំ​ចំនួន ៣​គ្រឿង ថ្មើរ​ជើង ១​នាក់ និង​យានយន្ត​ផ្សេងៗ ១​គ្រឿង។

ករណី​គ្រោះថ្នាក់​ចរាចរណ៍​ទាំង ១២​លើក គឺ​កើត​ឡើង​នៅ​ពេល​យប់ ៥​លើក ក្នុង​នោះ​អ្នក​ធ្វើ​ដំណើរ​តាម​ម៉ូតូ​មិន​ពាក់​មួក​សុវត្ថិភាព​ពេល​គ្រោះថ្នាក់​ចរាចរណ៍ ១៨​នាក់។

មូលហេតុ​ដែល​បណ្ដាល​ឲ្យ​មាន​គ្រោះថ្នាក់​ចរាចរណ៍​នោះ គឺ​មាន​ល្មើស​ល្បឿន ៦​លើក ស្លាប់ ២​នាក់ មិន​ប្រកាន់​ស្ដាំ ៤​លើក ស្លាប់ ៥​នាក់ ហើយ​មិន​គោរព​សិទ្ធិ ២​លើក ស្លាប់ ២​នាក់។

គ្រោះថ្នាក់​ចរាចរណ៍​ដែល​កើត​មាន​នេះ គឺ​នៅ​រាជធានី​ភ្នំពេញ ៣​លើក ស្លាប់ ៦​នាក់ ខេត្ត​កណ្ដាល ២​លើក ស្លាប់​ម្នាក់ របួស ២​នាក់ ខេត្ត​បន្ទាយមានជ័យ ២​លើក ស្លាប់​ម្នាក់ របួស ៦​នាក់ ខេត្ត​កែប ១​លើក របួស​ម្នាក់ និង​ខេត្ត​កំពង់ធំ ១​លើក ស្លាប់​ម្នាក់៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល