ក្រុមហ៊ុនចិន ឈ្មោះ សូភើណែត (Super Net) ប្រកាសដាក់ឲ្យប្រើប្រាស់សាកល្បងនូវទូរទស្សន៍អនឡាញ (Online TV) ឬទូរទស្សន៍តាមប្រព័ន្ធអ៊ីនធឺណិត (Internet) លើកដំបូងនៅកម្ពុជា នៅថ្ងៃទី៣០ កក្កដា។
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ មានប្រសាសន៍ក្នុងពិធីបើកឲ្យប្រើប្រាស់ទូរទស្សន៍តាមប្រព័ន្ធថ្មីទំនើបនេះថា ទូរទស្សន៍ថ្មីនេះគឺជាបច្ចេកវិទ្យាថ្មីមួយដែលមិនធ្លាប់មាននៅកម្ពុជា។ លោកបន្តថា ទូរទស្សន៍ថ្មីនេះជាការបើកទូលាយនូវការផ្សព្វផ្សាយ និងមានមាតិកាចម្រុះគ្នា ហើយអាចបើកមើលនៅទីណាក៏បាន ដូចជានៅក្នុងស្រុក ឬក្រៅប្រទេស និងអាចទស្សនាតាមទូរស័ព្ទដៃទំនើបក៏បាន ឲ្យតែមានប្រព័ន្ធអ៊ីនធឺណិត៖ «វាប្រៀបបានហាងលក់អាហារមួយដែលមានមុខម្ហូបច្រើនមុខ ហើយយើងចង់បានមុខម្ហូបណាមួយក៏បាន ឬជាទូរទស្សន៍មួយមានជាង ១០០ប៉ុស្តិ៍ យើងអាចដាក់ប៉ុស្តិ៍ទូរទស្សន៍ណាចូលក៏បានដែរ»។
ក្រសួងព័ត៌មាន បានចេញអាជ្ញាប័ណ្ណឲ្យក្រុមហ៊ុន សូភើណែត វិនិយោគលើប្រព័ន្ធនេះតាំងពីឆ្នាំ២០០៤ ហើយបានលេចចេញជារូបរាងនៅដើមឆ្នាំ២០១៥ នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។