សេចក្ដី​ថ្លែងការណ៍​របស់​អាស៊ីសេរី​ចំពោះ​ការ​​ផ្អាក​​ប្រតិបត្តិការ​នៅ​កម្ពុជា

2017-09-12
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
សេចក្ដី​ថ្លែងការណ៍​របស់​អាស៊ីសេរី​ចំពោះ​ការ​ផ្អាក​ប្រតិបត្តិការ​នៅ​កម្ពុជា។
សេចក្ដី​ថ្លែងការណ៍​របស់​អាស៊ីសេរី​ចំពោះ​ការ​ផ្អាក​ប្រតិបត្តិការ​នៅ​កម្ពុជា។
RFA

អស់​រយៈពេល​ជិត ២០​ឆ្នាំ​មក​ហើយ​ដែល​វិទ្យុ​អាស៊ីសេរី (RFA)បាន​នាំ​មក​ជូន​ប្រជាពលរដ្ឋ​កម្ពុជា នូវ​ដំណឹង និង​ព័ត៌មាន​ឯករាជ្យ ប្រកប​ដោយ​ភាព​ជឿជាក់ និង​ជា​ទី​ទុក​ចិត្ត

ជា​ការ​គួរ​ឲ្យ​សោកស្ដាយ​បំផុត​ដែល​វិទ្យុ​អាស៊ីសេរី ត្រូវ​បង្ខំ​ចិត្ត​​ផ្អាក​ដំណើរការការិយាល័យ​ព័ត៌មាន​នៅ​ទីក្រុង​ភ្នំពេញ របស់​ខ្លួន​មួយ​រយៈការ​បង្ក្រាប​មក​លើ​សំឡេង​ឯករាជ្យ​ឥត​ស្រាកស្រាន្ត​ក្នុង​រយៈពេល​ប៉ុន្មាន​សប្ដាហ៍​ថ្មីៗ ចុង​ក្រោយ​នេះ​ពី​សំណាក់​រដ្ឋាភិបាល​កម្ពុជា មិន​អនុញ្ញាត​ឲ្យ​វិទ្យុ​អាស៊ីសេរី បន្ត​បើក​ដំណើរ​ការ​ការិយាល័យ​ព័ត៌មាន​របស់​ខ្លួន​ដោយ​ធានា​អំពី​សុចរិតភាព​នៃ​បេសកកម្ម​សារព័ត៌មាន​របស់​ខ្លួន​ជា​បន្ត​ទៅ​ទៀត​បាន​នោះ​ទេ

ជា​ការ​ឆ្លុះ​បញ្ចាំង​ឲ្យ​ឃើញ​កាន់​តែ​ប្រត្យក្ស​ជាក់ស្ដែង លោក​នាយករដ្ឋមន្ត្រី ហ៊ុន សែន មិន​មាន​ចេតនា​អនុញ្ញាត​ឲ្យ​ប្រព័ន្ធ​ផ្សព្វផ្សាយ​សេរី បន្ត​ប្រតិបត្តិការ​នៅ​ក្នុង​ប្រទេស​កម្ពុជា នៅ​មុន​ពេល​បោះឆ្នោត​ជាតិ ឆ្នាំ​២០១៨ ត​ទៅ​ទៀត​នោះ​ឡើយផ្ទុយ​ទៅ​វិញ រដ្ឋាភិបាល​បាន​ឆក់​យក​ឱកាស​គ្រប់​បែប​យ៉ាង ដើម្បី​តាមដាន​ធ្វើ​ទុក្ខបុកម្នេញ​មក​លើ​ក្រុម​អ្នក​រិះគន់ គូបដិបក្ខ​នយោបាយ ​អង្គការ​មិន​មែន​រដ្ឋាភិបាល និង​ប្រព័ន្ធ​ផ្សព្វផ្សាយ​ឯករាជ្យ ដែល​ប្ដេជ្ញា​រាយការណ៍​អំពី​ការពិត​នៅ​ក្នុង​សង្គម​កម្ពុជា សព្វ​ថ្ងៃ ក្រោម​លេស​ចោទ​ថា បាន​រំលោភ​ច្បាប់​ស្ដីពី​សារពើពន្ធ និង​បែបបទ​រដ្ឋបាល​អាជ្ញាធរ​បាន​បិទ​ស្ថានីយ​វិទ្យុ​ឯករាជ្យ​នានា ដែល​ផ្សាយ​បន្ត​កម្មវិធី​ព័ត៌មាន​របស់​វិទ្យុ​អាស៊ីសេរី (RFA) វិទ្យុ សំឡេង សហរដ្ឋអាមេរិក (VOA) និង​វិទ្យុ​សំឡេង​ប្រជាធិបតេយ្យ (VOD) និង​បិទ​កាសែត ឌឹ ខេមបូឌា ដេលី (The Cambodia Daily)។

រដ្ឋាភិបាល​បាន​បង្ខំ​អោយ​កាសែត ឌឹ ខេមបូឌា ដេលី បិទ​ការិយាល័យ​របស់​ខ្លួន ដោយ​ពិន័យ​អោយ​បង់​ពន្ធ​ច្រើន​ហួសហេតុ ហើយ​ដែល​បាន​រារាំង​ម្ចាស់​កាសែត​នេះ គឺ​លោក ឌូគ្លាស អ៊ីរ៉ិច ស្ទៀល (Douglas Eric Steele) មិន​អោយ​ចេញ​ពី​ប្រទេស​បាន ក្រោម​ការ​គំរាមកំហែង​ចោទ​ប្រកាន់​ពី​បទ​ព្រហ្មទណ្ឌ។ អាជ្ញាធរ​ក៏​បាន​ប្រើប្រាស់​ស្នៀត​ដូច​គ្នា​នេះ​ដែរ ប្រឆាំង​នឹង​វិទ្យុ​អាស៊ីសេរី បើ​ទោះ​បី​ជា​យើង​បាន​ផ្ដល់​កិច្ច​សហប្រតិបត្តិការ​ពេញលេញ​នៅ​ក្នុង​គ្រប់​ដំណាក់កាល​ទាំង​អស់ ដើម្បី​អនុលោម​តាម​រាល់​សំណើ​នានា ហើយ​និង​កិច្ច​ប្រឹងប្រែង​ដោយ​ស្មោះ​អស់​ពី​ចិត្ត​របស់​យើង ដើម្បី​ធ្វើ​ការ​ចុះ​បញ្ជី​ក្លាយ​ជា​ក្រុមហ៊ុន​ព័ត៌មាន​ដែល​មាន​អាជ្ញាប័ណ្ណ​មួយ​យ៉ាង​ណា​ក៏ដោយ។ យ៉ាងណាមិញ អាជ្ញាធរ​បាន​សម្រេច​ជ្រើសរើស​យក​នូវ​ការ​ចេញ​ផ្សាយ​នូវ​សេចក្ដី​ថ្លែងការណ៍​មិន​ពិត និង​បាន​បង្កើន​វោហារសាស្ត្រ​បំភិតបំភ័យ និង​គំរាមកំហែង កាន់​តែ​ខ្លាំង​ឡើងៗ ដែល​ភាគ​ច្រើន​ធ្វើ​ឡើង​តាម​រយៈ​ការ​បញ្ចេញ​ឯកសារ​បែក​ធ្លាយ​នៅ​លើ​ប្រព័ន្ធ​ផ្សព្វផ្សាយ​ដែល​ជួយ​បន្ទរ​ឲ្យ​រដ្ឋាភិបាល និង​សេចក្តី​ថ្លែងការណ៍​បញ្ច្រាស​គ្នា​របស់​ស្ថាប័ន​ក្រសួង​ផ្សេងៗ​គ្នា។

ការ​ប្រឈម​នឹង​ស្ថានភាព​បំភិតបំភ័យ​បែប​នេះ មិន​មែន​ជា​រឿង​រ៉ាវ​ថ្មី​ថ្មោង​ឡើយ​សម្រាប់​វិទ្យុ​អាស៊ីសេរី។ ក្រុម​អ្នក​កាសែត និង​ក្រុម​អ្នក​អត្ថាធិប្បាយ​របស់​យើង ទទួល​រង​នូវ​ការ​គំរាម ការ​ចាប់​ដាក់​ពន្ធនាគារ និង​ការ​បង្ខំ​ឲ្យ​ចាកចេញ​ពី​ប្រទេស​នេះ ដើម្បី​បញ្ចៀស​ពី​ការ​ប៉ុនប៉ង​ចាប់​ខ្លួន ឬ​ធ្លាក់​ចូល​ក្នុង​ស្ថានភាព​រឹត​តែ​អាក្រក់​ជាង​នេះក៏ប៉ុន្តែ​ដំណើរ​វិវត្តន៍​ចុង​ក្រោយ​ថ្មីៗ​នេះ រឹត​តែ​ធ្ងន់ធ្ងរ​ដល់​កម្រិត​មួយ​ដែល​មិន​ធ្លាប់​មាន​ពី​មុន​មក ខណៈ​ដែល​គណបក្ស​ប្រជាជន​កម្ពុជា ស្វះស្វែង​ដោយ​ឥត​អៀនខ្មាស កម្ចាត់​ចោល​នូវ​រាល់​ឧបសគ្គ ឬ​ឥទ្ធិពល​នានា ដែល​រារាំង​មិន​ឲ្យ​បក្ស​ពួក​របស់​ខ្លួន​ទទួល​បាន​នូវ​ការ​ក្ដោបក្ដាប់​អំណាច​ផ្ដាច់​ការ​ទាំង​ស្រុង​តែម្ដង

ក្នុង​រយៈពេល​ជា​ច្រើន​ឆ្នាំ​នៃ​បេសកកម្ម​របស់​យើង អ្នក​កាសែត​កម្ពុជា ដែល​ធ្វើ​ការ​ជាមួយ​វិទ្យុ​អាស៊ីសេរី ហ៊ាន​ប្រថុយប្រថាន​អាយុ​ជីវិត​របស់​ពួកគេ ដើម្បី​រាយការណ៍​អំពី​ពុករលួយ​ ការ​កាប់​បំផ្លាញ​ព្រៃឈើ​ខុស​ច្បាប់ ការ​បណ្ដេញ​ចេញ​ដោយ​បង្ខំ ការ​សូក​ប៉ាន់ វិវាទ​ការងារ និង​ការ​រំលោភ​សិទ្ធិ​ក្នុង​ចំណោម​រឿង​រ៉ាវ​សំខាន់ៗ​ដទៃ​ទៀត ដែល​ភាគ​ច្រើន​ត្រូវ​បាន​ប្រព័ន្ធ​ផ្សព្វផ្សាយ​ដែល​គ្រប់គ្រង​ដោយ​រដ្ឋ​មិន​អើពើ។ កិច្ច​ខិតខំ​ប្រឹងប្រែង​បំពេញ​ការងារ​របស់​ពួកគេ បាន​ជួយ​បណ្ដុះ​នូវ​មូលដ្ឋាន​គ្រឹះ​នៃ​វិស័យ​ព័ត៌មាន​បែប​ស៊ើប​អង្កេត និង​ស៊ី​ជម្រៅ​របស់​វិទ្យុ​អាស៊ីសេរី ហើយ​ទទួល​បាន​ទំនុក​ចិត្ត​ពី​សំណាក់​ប្រជាជន​កម្ពុជា ជា​ទី​គោរព និង​ដឹង​គុណ​យ៉ាង​ជ្រាលជ្រៅ​របស់​យើងការ​លះបង់ និង​ការ​គាំទ្រ​របស់​បុគ្គលិក និង​ប្រិយ​មិត្ត​របស់​យើង នឹង​រឹត​តែ​ញ៉ាំង​ឲ្យ​វិទ្យុ​អាស៊ីសេរី បន្ត​រក្សា​បេសកកម្ម​ចាំបាច់​ផ្តល់​ជូន​ដល់​ពលរដ្ឋ​កម្ពុជា ក្នុង​ការ​ទទួល​បាន​ដំណឹង​គ្រប់គ្រាន់​ដើម្បី​ឲ្យ​ពួកគេ​ទទួល​បាន​នូវ​គំនិត​គ្រប់​ជ្រុង​ជ្រោយ​ច្រើន​ជាង​មុន និង​ត្រឹមត្រូវ​អំពី​អ្វី​ដែល​កំពុង​កើត​មាន​ឡើង​នៅ​ក្នុង​សហគមន៍​ដែល​ពួកគេ​កំពុង​រស់​នៅ​ទីក្រុង និង​ភូមិម្ករ​របស់​ពួក​គេ

អាស៊ីសេរី សម្រេច​ចិត្ត​យ៉ាង​ច្បាស់​លាស់​ថា នឹង​ឈរ​លើ​ការ​ពិត​នៃ​ការ​បន្ត​បេសកកម្ម​ចម្បង​ក្នុង​ប្រទេស​កម្ពុជា បច្ចុប្បន្ន​នេះ​ឲ្យ​បាន​ច្រើន​ជាង​ពេល​ណាៗ​ទាំង​អស់ ដើម្បី​បោះ​ជំហាន​ទៅ​មុខ​ធ្វើ​ជា​ប្រទីប​បំភ្លឺ​ផ្លូវ ទោះ​ជា​យើង​ស្ថិត​ក្នុង​ដំណាក់កាល​ខ្មៅ​ងងឹត​បែប​នេះ​ក៏ដោយវិទ្យុ​អាស៊ីសេរី នឹង​បន្ត​រាយការណ៍​លើ​បញ្ហា និង​ព្រឹត្តិការណ៍​នានា ដែល​កើត​មាន​ឡើង​នៅ​ក្នុង​សង្គម​កម្ពុជា ហើយ​នឹង​បន្ត​ផ្សព្វផ្សាយ​កម្មវិធី​ផ្សាយ សេចក្ដី​រាយការណ៍ និង​ព័ត៌មាន​នានា នៅ​លើ​រលកធាតុអាកាស​វិទ្យុ​កម្រិត​ទាប (SW) លើ​បណ្ដាញ​សង្គម​ហ្វេសប៊ុក (Facebook) យូធូប (YouTube) និង​គេហទំព័រ​របស់​យើង www.rfa.org/khmer/ ជា​បន្ត​ទៅ​ទៀត

ដូច​ដែល​ប្រវត្តិសាស្ត្រ​បាន​ចារ​ទុក​មក​ហើយ​ថា ជន​ផ្ដាច់ការ​អាច​នឹង​ឡើង​កាន់​អំណាច ហើយ​បង្ខំ​ឲ្យ​ពលរដ្ឋ​ក្នុង​ប្រទេស​របស់​ពួកគេ​អនុវត្ត​តាម​ឆន្ទៈ​មានះ​របស់​ខ្លួន ប៉ុន្តែ​នៅ​ទី​បំផុត​ទៅ ការ​ពិត​នឹង​នៅ​តែ​ឈ្នះ​ដដែល៕

ព័ត៌មាន (4)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

តស៊ូទៅមុខទៀតកុំចុះចាញ់ ខ្ញុំជៀជាក់លើបញ្ញារបស់ក្រុមការងារអ្នក

Sep 22, 2017 10:48 AM

Only one kick bad man out in 2018

Stupid criminal mind HunSen can do that only in Cambodia...but at news abroad bad dude dictator HunSen cannot do or face a justice here.In Cambodia all people who can trustworthy are RFA,VOA and other media,because in Cambodia everything control by stupid blind man rule and they don't want to show up the bad things their committed.But,we hope that all khmer people will get better after has no bad man HunSen.

Sep 19, 2017 11:34 AM

អ្នក​អាន​អនាមិក

ខ្ញុំសូមអរគុណវិទ្យុអាស៊ីស៊េរី និងសហការរីដែលខំប្រឹងប្រែងកន្លងមក​និងបន្តទៀត​ បើគ្មានវិទ្យុនេះទេ​ប្រជាពលរដ្ឋមិនបានដឹងពីសង្គមខ្មែរពិតប្រាកដទេ​​ សូុមមេត្តាបន្ត​ការងារដ៏លំបាកនេះផង។​

Sep 15, 2017 07:15 AM

អ្នក​អាន​អនាមិក

ខ្ញុំមានការសោកស្តាយខ្លាំងមែនទែន ដោយការបាត់បង់វិទ្យុអាស៊ីសេរី RFA នេះ។ ខ្ញុំ គ្រួសារខ្ញុំ និងមិត្តភ័ក្តិជាច្រើនរបស់ខ្ញុំបាន​យល់​ពី​ប្រទេសកំណើតរបស់ខ្ញុំ និងបញ្ហាផ្សេងៗតាមរយៈ RFA នេះស្ទើរ​តែទាំងស្រុង ប៉ុន្តែខ្ញុំនៅមានសង្ឃឹមដោយឮថា អាចទទួលព័ត៌មាន អាស៊ីសេរីតាមរយៈ Youtube និង Website អាស៊ីសេរី។

Sep 13, 2017 06:21 AM

គេហទំព័រ​ទាំងមូល