នាទីវេទិកាអ្នកស្ដាប់វិទ្យុអាស៊ីសេរី សម្រាប់យប់ថ្ងៃអង្គារ ទី១៩ ខែវិច្ឆិកានេះ ប្រធានបទ៖ តើមានអាថ៌កំបាំងអ្វីនៅពីក្រោយការចរចាចែករំលែកផលប្រយោជន៍រួមគ្នាពីកំណប់ប្រេង និងឧស្ម័នរវាងកម្ពុជា និងថៃ?
រដ្ឋាភិបាលត្រកូល ហ៊ុន ហាក់រក្សាភាពស្ងៀមស្ងាត់ចម្លែកក្នុងរឿងជម្លោះចែករំលែកផលប្រយោជន៍ពីកំណប់ប្រេង និងឧស្ម័នដ៏មហាសាល តម្លៃជាង ៣០០ពាន់លានដុល្លារ ពីតំបន់ក្បែរកោះគុតក្នុងឈូងសមុទ្រថៃ។ នៅទន្ទឹមពេល ដែលរដ្ឋាភិបាល នៃប្រទេសទាំងពីរ កំពុងត្រៀមបើកការចរចាឡើងវិញ ដោយផ្អែកលើអនុស្សរណៈនៃការយោគយល់គ្នា ឆ្នាំ២០០១ ឬ MOU44 រដ្ឋមន្ត្រីការពារជាតិថៃ បានព្រមានពីការផ្ទុះសង្គ្រាមជាមួយកម្ពុជា ប្រសិនបើមិនយកកិច្ចព្រមព្រៀងនេះ ធ្វើជាគោលសម្រាប់ការចរចា។ ក្រុមអ្នកវិភាគមួយចំនួន មានមន្ទិលថា រដ្ឋាភិបាលត្រកូល ហ៊ុន និងត្រកូល ថាក់ស៊ីន អាចលួចត្រូវរ៉ូវគ្នាចុះកិច្ចព្រមព្រៀងសម្ងាត់មួយ ដើម្បីបែងចែកផលប្រយោជន៍ពីកំណប់ភោគទ្រព្យធម្មជាតិដ៏មហាសាលនេះ។
តើមានអាថ៌កំបាំងអ្វី នៅពីក្រោយការចរចាចែករំលែកផលប្រយោជន៍រួមគ្នាពីកំណប់ប្រេង និងឧស្ម័នរវាងកម្ពុជា និងថៃ? ហើយថា តើហេតុអ្វីបានជារដ្ឋាភិបាលទាំងពីរមិនហ៊ានបង្ហាញតម្លាភាពជុំវិញរឿងនេះ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក ជុន ច័ន្ទបុត្រ ជាមួយលោក សម រង្ស៊ី ប្រធានស្ដីទីគណបក្សសង្គ្រោះជាតិ និងលោក គឹម សុខ អ្នកអត្ថាធិប្បាយនយោបាយ ដែលបានជជែកពិភាក្សាអំពីរឿងនេះ នៅយប់ថ្ងៃអង្គារ ទី១៩ ខែវិច្ឆិកា ឆ្នាំ២០២៤៕