វេទិកាអ្នកស្ដាប់វិទ្យុអាស៊ីសេរី នារាត្រីថ្ងៃសុក្រ ទី១៧ ខែកុម្ភៈ នឹងមានកិច្ចពិភាក្សាលើប្រធានបទថា តើលោក ហ៊ុន សែន អាចនឹងចេះតែបន្តរួចខ្លួន ចំពោះសកម្មភាពរំលោភបំពានរបស់លោកបានតែរាល់ដង ឬក៏ទីបំផុតលោក អាចនឹងទទួលរងទុក្ខទោស ចំពោះអ្វីដែលលោកបានប្រព្រឹត្តនៅថ្ងៃណាមួយដែរ ឬយ៉ាងណា?
ក្នុងការគ្រប់គ្រងកម្ពុជាជិត ៤០ឆ្នាំមកនេះ លោក ហ៊ុន សែន តែងរំលោភបំពាន និងកម្ចាត់ចោលនូវអ្នកទាំងឡាយណា ដែលប្រឆាំង និងរិះគន់លោក ឬអ្នកដែលលោកគិតថា ជាឧបសគ្គសម្រាប់ការក្រាញអំណាច និងការផ្ទេរអំណាចទៅឱ្យកូនចៅរបស់លោក។
ក្រោមការដឹកនាំរបស់លោក លោកបិទស្ថាប័នកាសែតឯករាជ្យ ចាប់អ្នកនយោបាយប្រឆាំងដាក់គុក ឬក៏បង្ខំឱ្យនិរទេសខ្លួន។ ក្រៅពីនោះលោកបង្កើត ឬកែប្រែច្បាប់ធ្វើជាឧបករណ៍ផ្ដាច់មុខរបស់ខ្លួន និងបក្ខពួក។
ថ្វីដ្បិតតែមានការថ្កោលទោស និងការដាក់ទណ្ឌកម្មជាហូរហែ ចំពោះរាល់ទង្វើរបស់លោកក្តី ក៏លោក ហ៊ុន សែន ហាក់នៅទប់ទល់ស្ថានការណ៍បាន ហើយនៅបន្តកាន់អំណាចផ្ដាច់ការនៅកម្ពុជាបានដដែល។
នារាត្រីថ្ងៃសុក្រ ទី១៧ ខែកុម្ភៈនេះ នាទីវេទិកាអ្នកស្ដាប់វិទ្យុអាស៊ីសេរី នឹងមានកិច្ចពិភាក្សាមួយ ផ្ដោតទៅលើថា តើលោក ហ៊ុន សែន អាចនឹងចេះតែបន្តរួចខ្លួន ចំពោះសកម្មភាពរំលោភបំពានរបស់លោកបានតែរាល់ដង ឬក៏ទីបំផុតលោក អាចនឹងទទួលរងទុក្ខទោស ចំពោះអ្វីដែលលោកបានប្រព្រឹត្តនៅថ្ងៃណាមួយដែរ ឬយ៉ាងណា?
វាគ្មិនកិត្តិយស៖ បណ្ឌិត សេង សារី អ្នកវិភាគនយោបាយពីប្រទេសអូស្ត្រាលី និងលោក សូ ណារ៉ូ អ្នកវិភាគនយោបាយពីសហរដ្ឋអាមេរិក និងអតីតទីប្រឹក្សាលោក ហ៊ុន សែន
សម្របសម្រួលកិច្ចពិភាក្សាដោយ៖ លោក ជុន ច័ន្ទបុត្រ