នាទីវេទិកាអ្នកស្ដាប់វិទ្យុអាស៊ីសេរីនៅរាត្រីថ្ងៃអង្គារ ទី១៤ ខែកុម្ភៈ ជជែកពិភាក្សាលើប្រធានបទទាក់ទងនឹងប្រតិកម្មរបស់យុវជន ចំពោះការបិទសារព័ត៌មាន VOD។
វិទ្យុសំឡេងប្រជាធិបតេយ្យ (VOD) ជាស្ថាប័នព័ត៌មានវិជ្ជាជីវៈមួយ ដែលបានរួមចំណែកអស់រយៈពេល ២០ឆ្នាំមកហើយ ក្នុងការលើកកម្ពស់សេរីភាពសារព័ត៌មាន និងការបញ្ចេញមតិ ព្រមទាំងជំរុញដំណើរការប្រជាធិបតេយ្យនៅកម្ពុជា។ ជាងនេះទៅទៀត VOD ក៏ជាកន្លែងបណ្ដុះបណ្ដាលធនធានមនុស្សផ្នែកសារព័ត៌មាន និងជាវេទិកាសម្រាប់យុវជនក្នុងការបញ្ចេញមតិយោបល់នានា ទាក់ទងនឹងបញ្ហាសង្គមផងដែរ។ ប៉ុន្តែលោកនាយករដ្ឋមន្ត្រី ហ៊ុន សែន ដែលជាមេដឹកនាំស្អប់មតិរិះគន់ស្ថាបនានោះ បានបញ្ជាឱ្យបិទសារព័ត៌មាន VOD ទាំងបំពានច្បាប់។
តើយុវជនមានប្រតិកម្មបែបណាចំពោះរឿងនេះ? ចុះចំណែកអ្នកសារព័ត៌មាន VOD វិញ តើពួកគាត់មានអារម្មណ៍ និងមានការតាំងចិត្តយ៉ាងណា នៅចំពោះមុខការបង្ក្រាបដ៏ទាន់ហន់បែបនេះ?
វាគ្មិនក្នុងនាទីវេទិកាអ្នកស្ដាប់វិទ្យុអាស៊ីសេរីនេះ៖ ១. កញ្ញា ភួន កែវរស្មី ជាយុវជនមាតាធម្មជាតិ ២. កញ្ញា ខាន់ លក្ខិណា អ្នករាយការណ៍ព័ត៌មាន វីអូឌី
សម្របសម្រួលដោយ៖ លោក យ៉ង ចាន់តារា