តំបន់កោះស្រឡៅ នៃឃុំកោះកាពិ ស្រុកកោះកុង ខេត្តកោះកុង គឺជាទីកន្លែងដែលមានការបូមខ្សាច់ខ្នាតធំ អស់រយៈពេលជាច្រើនឆ្នាំមកហើយ។ អាជីវកម្មខ្សាច់នេះមិនបានផ្ដល់ផលចំណេញអ្វីដល់ពលរដ្ឋនៃសហគមន៍កោះស្រឡៅឡើយ ពោលគឺមានតែធ្វើឱ្យជីវភាពរបស់ពួកគាត់ធ្លាក់ចុះដុនដាបទៅវិញ។ ប្រជាសហគមន៍នៅកោះនេះភាគច្រើនប្រកបរបរនេសាទដើម្បីចិញ្ចឹមជីវិត ហើយពួកគេអះអាងថា ចំណូលពីការប្រកបរបរនេសាទនេះធ្លាក់ចុះ ដោយសារការបូមខ្សាច់៕
