តុលាការកោះហៅអ្នកភូមិជនជាតិដើមភាគតិច៣នាក់ក្នុងរឿងជម្លោះដី
2011.08.09
នៅថ្ងៃច័ន្ទ ទី៩ ខែសីហា ឆ្នាំ២០១១ អ្នកភូមិទាំងបីនាក់នោះបានព្យាយាមគេចខ្លួនមិនចូលទៅបំភ្លឺនៅតុលាការតាមការកំណត់ទេ ដោយសារខ្លាចតុលាការចាប់ខ្លួន ហើយពួកគេព្យាយាមស្វែងសុំកិច្ចជួយអន្តរាគមន៍ពីអង្គការសិទ្ធិមនុស្សដើម្បីជួយផ្ដល់មេធាវីការពារក្ដីនេះ។
អ្នកសម្របសម្រួលសមាគមការពារសិទ្ធិមនុស្សអាដហុក ខេត្តរតនគិរី លោក ប៉ែន ប៊ុណ្ណារ៍ មានប្រសាសន៍បញ្ជាក់ថា ក្រុមជនជាតិដើមទាំងបីនាក់ គឺជាសកម្មជនដែលដឹកនាំក្រុមជនជាតិដើមភាគតិចនៅភូមិកាណាតធំ និងកាណាតតូច កាលពីខែមីនា កន្លងទៅនេះ រារាំងការទន្ទ្រានចូលទៅឈូសឆាយដីធ្លីរបស់អ្នកភូមិពីសំណាក់ក្រុមហ៊ុនសម្បទាន បន្ទាប់ពីក្រុមហ៊ុនបានទទួលដីវិនិយោគពីរាជរដ្ឋាភិបាលនូវដីសម្បទានប្រមាណ ៥.០០០ហិកតារនៅតំបន់នោះ ដើម្បីដាំកៅស៊ូ ក៏ប៉ុន្តែអ្នកភូមិបាននាំគ្នាប្រឆាំងទៅនឹងការឈូសឆាយដីនោះ ដោយសារមានផលប៉ះពាល់ទៅលើដីស្រែចម្ការ និងផលដំណាំរបស់អ្នកភូមិទើបកើតមានរឿងចោទប្រកាន់នោះឡើង។
លោកបន្តថា ៖ «តំណាងអ្នកភូមិបីនាក់ដែលគេចោទប្រកាន់បានមកដល់សមាគមអាដហុក អាដហុកត្រៀមរកមេធាវីជូនពួកគាត់។ យើងយល់ឃើញថា ការផ្ដល់ដីសម្បទានសេដ្ឋកិច្ចមកដល់ខេត្តរតនគិរី បានផ្ដល់នូវជម្លោះជាច្រើន ពីព្រោះក្រុមហ៊ុនមិនបានធ្វើតាមនីតិវិធី គាត់មកវាទយកដីស្រែដីចម្ការប្រជាពលរដ្ឋហ្នឹង។ អ៊ីចឹងអាការសិក្សាផលប៉ះពាល់ហ្នឹងវាមិនមានភាពសុក្រឹត ធ្វើឲ្យអ្នកភូមិធ្វើការតវ៉ា ហើយអត់មានការដោះស្រាយអីសមស្របដល់ពួកគាត់។ អ៊ីចឹងគាត់អត់មានវិធីអីក្រៅពីប្រមូលផ្តុំគ្នាទៅតវ៉ានៅក្រុមហ៊ុន»។
ព្រះរាជអាជ្ញារងតុលាការខេត្តរតនគិរី លោក រស់ សារ៉ាំ ដែលជាអ្នកចេញដីកាកោះហៅអ្នកភូមិមានប្រសាសន៍ថា ក្រុមហ៊ុន វាសនា អិនវេសម៉ែន (Veasna Investment) ជាដើមបណ្ដឹងករណីនេះ។លោកបញ្ជាក់ថា ជនជាប់សង្ស័យអាចពឹងពាក់មេធាវីការពារក្ដីនេះបាន ហើយលោកនឹងចេញដីកាកោះលើកទីពីរទៀត។
អ្នកភូមិទាំងបីនាក់ រួមមានប្រធានភូមិកាណាតធំ លោក រម៉ាម ឃូន និងប្រជាសហគមន៍លោក សល់ ហើច និងលោក រចំ ហំ៕
រឿងដែលគេអានច្រើនបំផុត
RFA
- តើលោក គឹម សន្តិភាព ជានរណា?
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
រឿងដែលគេអានច្រើនបំផុត
ព័ត៌មានថ្មីៗ
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- ពលរដ្ឋចោទនគរបាលម្នាក់ដែលជាម្ចាស់ហាងពន្លឺជាប់ចិត្តនៅតាខ្មៅថា ប្រើកាំភ្លើងភ្ជង់ក្បាលយុវជន
- គណបក្សចំនួន៣ ចូលរួមប្រកួតដណ្ដើមកៅអីក្រុមប្រឹក្សាស្រុកក្រុងទើបបំបែកថ្មី
- លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ
- មន្ត្រីបក្សប្រឆាំង និងអ្នកវិភាគឈឺចិត្តជួសលោក គង់ គាំ ដែលត្រូវរើអីវ៉ាន់ចេញពីដីផ្ទះទាំងបង្ខំ