ធនាគារ​ពិភព​លោក​ព្រមាន​ពី​ហានិភ័យ​សេដ្ឋកិច្ច​កម្ពុជា​ដោយសារ​អស្ថិរភាព​នយោបាយ

ដោយ មាន ឫទ្ធិ
2018-04-12
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី ហ៊ុន សែន (ឆ្វេង) និង​លោក សម រង្ស៊ី អតីត​ប្រធាន​គណបក្ស​សង្គ្រោះជាតិ។
លោក​នាយករដ្ឋមន្ត្រី ហ៊ុន សែន (ឆ្វេង) និង​លោក សម រង្ស៊ី អតីត​ប្រធាន​គណបក្ស​សង្គ្រោះជាតិ។
Photo: RFA

ធនាគារ​ពិភពលោក ព្រមាន​ពី​បញ្ហា​ប្រឈម​ចំនួន ៣ ដែល​អាច​ធ្វើ​ឲ្យ​មាន​ហានិភ័យ​ដល់​កំណើន​សេដ្ឋកិច្ច​កម្ពុជា ក្នុង​ឆ្នាំ​២០១៨​នេះ។ របាយការណ៍​ចុងក្រោយ​អំពី​បច្ចុប្បន្នភាព​សេដ្ឋកិច្ច​តំបន់​អាស៊ី​បូព៌ា និង​ប៉ាស៊ីហ្វិក របស់​ធនាគារ​ពិភពលោក ដែល​មាន​ចំណងជើង​ថា «​បង្កើន​សក្ដានុពល​» (Enhancing Potential) បង្ហាញ​ថា បញ្ហា​ប្រឈម​ទាំង​៣ របស់​កម្ពុជា​រួមមាន ភាព​មិន​ប្រាកដ​ប្រជា​ពាក់ព័ន្ធ​នឹង​ការ​បោះឆ្នោត​ជាតិ​ខែ​កក្កដា ឆ្នាំ​២០១៨ ខាងមុខ ការ​ធ្លាក់​ចុះ​សមត្ថភាព​ប្រកួតប្រជែង​នៅ​ក្រៅ​ប្រទេស និង​ការ​អូស​បន្លាយ​ការ​រីក​លូតលាស់​វិស័យ​សំណង់។

របាយការណ៍​របស់​ធនាគារ​ពិភពលោក ក៏​លើកឡើង​ដែរ​ថា ទស្សនវិស័យ​អំពី​កំណើន​ការងារ ហាក់​មិន​សូវ​មាន​ភាព​ប្រាកដ​ប្រជា​ឡើយ។ ម្យ៉ាងទៀត ដោយសារតែ​មានការ​កើន​ឡើង​យ៉ាង​ឆាប់រហ័ស​នៃ​ប្រាក់​ឈ្នួល​គោលការណ៍​នេះ បាន​បណ្ដាល​ឲ្យ​សមត្ថភាព​ប្រកួតប្រជែង​ក្រៅ​ប្រទេស​របស់​កម្ពុជា ដែល​ពឹងផ្អែក​ជា​ចម្បង​លើ​កម្លាំង​ពលកម្ម​តម្លៃ​ថោក ត្រូវ​ធ្លាក់​ចុះ។

យ៉ាងណាក៏ដោយ របាយការណ៍​ទស្សន៍ទាយ​ថា សេដ្ឋកិច្ច​កម្ពុជា ត្រូវ​រំពឹង​ថា​នឹង​សម្រេច​បាន​កំណើន ៦.៩​ភាគរយ ក្នុង​ឆ្នាំ​២០១៨​នេះ ខណៈ​ទិន្នន័យ​បឋម​នៃ​កំណើន​សេដ្ឋកិច្ច​ក្នុង​ឆ្នាំ​២០១៧ មាន​ត្រឹម ៦.៨​ភាគរយ។ កំណើន​ក្នុង​ឆ្នាំ​២០១៨​នេះ គឺ​ដោយសារតែ​មានការ​កើន​ឡើង​លើ​ការ​ចំណាយ​របស់​របប​លោក ហ៊ុន សែន និង​ស្ថានភាព​សាកល​មាន​អំណោយផល រួមមាន តម្រូវការ​ខ្លាំង​ពី​សេដ្ឋកិច្ច​របស់​ប្រទេស​ជឿនលឿន។ សម្រាប់​រយៈពេល​មធ្យម​របាយការណ៍​បញ្ជាក់​ថា លំហូរ​នៃ​វិនិយោគទុន​បរទេស​ដោយ​ផ្ទាល់ និង​វិនិយោគ​សាធារណៈ​លើ​ហេដ្ឋារចនាសម្ព័ន្ធ នឹង​ជួយ​លើកកម្ពស់​ទិន្នផល​សេដ្ឋកិច្ច ដោយ​ជំរុញ​ឲ្យ​មាន​កំណើន​តម្រូវ​ការ​សរុប និង​ពង្រីក​សមត្ថភាព​ផលិតកម្ម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

dictator HunSein moves fromplace to place

The World Bank"WB" is warning with giving the ailing old aged dictator HuSein II high red alerts before national election is approaching"July-2018"time to go or time to face a justice ahead...

Apr 18, 2018 04:45 PM

អ្នក​អាន​អនាមិក


រុស្ស៊ី ពូទីន(Putin)បាននិយាយថាភាពវឹកវរជាសកលប្រសិនបើលោកខាងលិចវាយប្រហារស៊ីរីម្តងទៀត។
សហរដ្ឋអាមេរិកមិនយកចិត្តទុកដាក់។ ហ៊ុនសែនបាននិយាយអំពីសហរដ្ឋអាមេរិចវាគ្មានន័យអ្វីដល់សហរដ្ឋអាមេរិកទេ
Hun Sen is nothing he cannot even make a hand gun.

Apr 15, 2018 09:36 PM

គេហទំព័រ​ទាំងមូល