ក្រសួង​សុខាភិបាល​​រក​ឃើញ​ករណី​អ្នក​ឆ្លង​ជំងឺ​កូវីដ-១៩ មួយ​ករណី​ថ្មី​ទៀត

ដោយ ឡេង ម៉ាលី
2020-10-08
អ៊ីម៉ែល
មតិ
Share
បោះពុម្ព
មេរោគ​វីរុស កូរ៉ូណា
មេរោគ​វីរុស កូរ៉ូណា
ក្រសួងសុខាភិបាល

ក្រសួង​សុខាភិបាល​ប្រកាស​ថា កម្ពុជា​រក​ឃើញ​ករណី​អ្នក​ឆ្លង​ជំងឺ​កូវីដ-១៩ មួយ​ករណី​ថ្មី​ទៀត នៅ​ថ្ងៃ​ទី៨ តុលា​នេះ។

គេហទំព័រ​របស់​ក្រសួង​សុខាភិបាល​សរសេរ​ថា ករណី​អ្នក​ឆ្លង​ថ្មី​នេះ គឺ​ជា​ករណី​នាំ​ចូល​ពី​ក្រៅ​ប្រទេស ហើយ​អ្នក​ជំងឺ​ជា​ជន​ជាតិ​ឥណ្ឌូនេស៊ី។

តួលេខ​អ្នក​ឆ្លង​ជំងឺ​កូវីដ-១៩ ដែល​ក្រសួង​សុខាភិបាល​បូក​សរុប រហូត​មក​ដល់​ព្រឹក​ថ្ងៃ​ទី៨ តុលា ប្រទេស​កម្ពុជា​មាន​អ្នក​ឆ្លង​ជំងឺ​នេះ កើន​ដល់​ចំនួន ២៨១នាក់​ហើយ ប៉ុន្តែ​មាន​អ្នក​បាន​ព្យាបាល​ជា​សះ​ស្បើយ​វិញ ចំនួន ២៧៦នាក់។ បច្ចុប្បន្ន​នេះ នៅ​មាន​អ្នក​ជំងឺ​ចំនួន ៥នាក់​ទៀត កំពុង​សម្រាក​ព្យាបាល​នៅ​មន្ទីរ​ពេទ្យ​នៅ​ឡើយ។

ជំងឺ​កូវីដ-១៩ បាន​ផ្ទុះ​ឡើង​នៅ​ប្រទេស​ចិន កាល​ពី​ចុង​ឆ្នាំ២០១៩ ហើយ​ឆ្លង​រាលដាល និង​សម្លាប់​មនុស្ស​នៅ​លើ​ពិភពលោក រហូត​មក​ដល់​ពេល​នេះ ចំនួន​ជាង ១លាន​នាក់ (.០៥១.៩៧៤នាក់)

ទោះ​ជា​យ៉ាង​នេះ​ក្ដី ប្រទេស​កម្ពុជា​នៅ​មិន​មាន​របាយការណ៍​ស្ដី​ពី​អ្នក​ស្លាប់​ដោយ​សារ​ជំងឺ​កូវីដ-១៩ នៅ​ឡើយ​ទេ ចាប់​តាំង​ពេល​រក​ឃើញ​ករណី​ជំងឺ​នេះ​ដំបូង​បំផុត នៅ​ថ្ងៃ​ទី២៧ ខែមករា ឆ្នាំ២០២០។

ក្រសួង​សុខាភិបាល​នៅ​តែ​ព្រួយ​បារម្ភ​អំពី​ការ​ផ្ទុះ និង​ឆ្លង​រាលដាល​ជំងឺ​នេះ​នៅ​ក្នុង​ប្រទេស ហើយ​អំពាវនាវ​ដល់​ពលរដ្ឋ​គ្រប់​រូប​ឱ្យ​បន្ត​ប្រយ័ត្ន​ជាប់​ជានិច្ច ដោយ​រក្សា​អនាម័យ នៅ​ឃ្លាត​ឆ្ងាយ​ពី​គ្នា​ មិន​ចេញ​ក្រៅ​ផ្ទះ បើ​មិន​ចាំបាច់ ត្រូវ​បន្ត​អនុវត្ត​គម្លាត​សង្គម ពាក់ម៉ាស់​នៅ​ពេល​ចាំបាច់​ និង​ឧស្សាហ៍​លាង​ដៃ​ជាមួយ​សាប៊ូ អាល់កុល ឬ​ជែល៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល