មេធាវី​រំពឹង​ថា តុលាការ​​កំពូល​​នឹង​​ដោះ​លែង លោក រ៉ាត់ រត្នមុនី ឱ្យ​​នៅ​​ក្រៅ​​ឃុំ​​ក្នុង​​​ពេល​​​ឆាប់ៗ​ នេះ

ដោយ សេក បណ្ឌិត
2019-10-13
អ៊ីម៉ែល
មតិ
Share
បោះពុម្ព
​សកម្មជន​សិទ្ធិ​ការងារ លោក រ៉ាត់ រត្នមុនី ពេលមកសវនាការ​នៅ​សាលាឧទ្ធរណ៍ នៅ​ថ្ងៃ​ទី២៦ មិថុនា ២០១៩។
​សកម្មជន​សិទ្ធិ​ការងារ លោក រ៉ាត់ រត្នមុនី ពេលមកសវនាការ​នៅ​សាលាឧទ្ធរណ៍ នៅ​ថ្ងៃ​ទី២៦ មិថុនា ២០១៩។
Reuters

តុលាការ​កំពូល​គ្រោង​បើកសវនាការ​ជំនុំជម្រះ​បណ្ដឹង​សុំ​នៅ​ក្រៅ​ឃុំ​របស់​សកម្មជន​សិទ្ធិ​ការងារ លោក រ៉ាត់ រត្នមុនី នៅ​ថ្ងៃ​ទី​២១ តុលា។

មេធាវី​ការពារ​ក្ដី​ឱ្យ​លោក រ៉ាត់ រត្នមុនី លោក សំ ទិត្យសីហា ថ្លែង​ប្រាប់​អាស៊ីសេរី​នៅ​ថ្ងៃ​ទី​១៣ តុលា​ថា ផ្អែក​តាម​នីតិវិធី​ក្នុង​សំណុំរឿង​ព្រហ្មទណ្ឌ តុលាការ​មិន​គួរ​ឃុំខ្លួន​កូន​ក្តី​របស់​លោក​បន្ត​ទៀត​នោះ​ទេ ពីព្រោះ​កូន​ក្តី​លោក​គ្មាន​លទ្ធភាព​បង្ក​ផល​ប៉ះពាល់​ដល់​សង្គម​ឡើយ។ លោក​រំពឹង​ថា តុលាការ​កំពូល​នឹង​អនុញ្ញាត​ឱ្យ​កូន​ក្តី​របស់​លោក​បាន​នៅ​ក្រៅ​ឃុំ​បណ្ដោះអាសន្ន ដើម្បី​ឱ្យ​គាត់​បាន​វិល​ទៅ​ជួបជុំ​ក្រុម​គ្រួសារ និង​ប្រកប​របរ​ចិញ្ចឹម​ជីវិត​ឡើង​វិញ។

តុលាការ​ក្រុង​ភ្នំពេញ​បាន​ផ្ដន្ទាទោស​ប្រធាន​សហព័ន្ធ​សហជីព​កម្មករ​សំណង់​កម្ពុជា លោក រ៉ាត់ រត្នមុនី ឱ្យ​ជាប់ពន្ធនាគារ ២​ឆ្នាំ ពី​បទ “​ញុះញង់​ឱ្យ​មាន​ការ​រើសអើង​” និង​បង់​សំណង​ឱ្យ​ដើម​បណ្តឹង​រដ្ឋប្បវេណី​ចំនួន​ ៧០លាន​រៀល ឬ​ស្មើនឹង​ជិត​ ២ម៉ឺន​ដុល្លារ​អាមេរិក​។ ដើមហេតុ​នៃ​រឿង​ក្ដីក្ដាំ​នេះ គឺ​ដោយសារ​លោក រ៉ាត់ រត្នមុនី បាន​ជួយ​ផលិតភាព​យន្ត​ឯកសារ​ស្ដីពី​ការ​ជួញដូរ​ផ្លូវ​ភេទ​នៅ​កម្ពុជា ក្រោម​ចំណងជើង​ថា “​ម្ដាយ​ខ្ញុំ លក់​ខ្ញុំ​” ឱ្យ​សារព័ត៌មាន RT (Russia Today) របស់​រុស្ស៊ី។

គិត​ត្រឹម​ពេលនេះ លោក រ៉ាត់ រត្នមុនី បាន​ជាប់ឃុំ​ក្នុង​ពន្ធនាគារ​អស់​រយៈពេល ១០​ខែ​មក​ហើយ ក៏ប៉ុន្តែ​សហគមន៍​អន្តរជាតិ​បាន​ចាត់​ទុក​ករណី​ថា ជា​រឿង​អយុត្តិធម៌ និង​កាន់តែ​ធ្វើ​ឱ្យ​ពលរដ្ឋ​បាត់​ទំនុក​ចិត្ត​លើ​ប្រព័ន្ធ​តុលាការ។ សហគមន៍​អន្តរជាតិ​បាន​ទាមទារ​ឱ្យ​របប​ក្រុងភ្នំពេញ​ដោះលែង​សកម្មជន​សិទ្ធិ​ការងារ​រូប​នេះ​​វិញ​​ជាបន្ទាន់ និង​ដោយ​ឥត​លក្ខខណ្ឌ បន្ទាប់ពី​ពិនិត្យ​ឃើញ​ថា រឿង​ក្តី​នេះ​មាន​លក្ខណៈ​បាយឡុកបាយឡ គួរ​ឱ្យ​អាម៉ាស់ និង​គួរ​ឱ្យ​ស្អប់ខ្ពើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល