លោក ឈាង វុន ប្រតិកម្មតបនឹងសម្ដីរដ្ឋមន្ត្រីក្រសួងព័ត៌មាន
2015.07.17
លោក ឈាង វុន (ឆ្វេង) តំណាងរាស្ត្របក្សប្រជាជនកម្ពុជា និងជាអ្នកនាំពាក្យរដ្ឋសភា លោក ខៀវ កាញារីទ្ធ (ស្ដាំ) រដ្ឋមន្ត្រីក្រសួងព័ត៌មាន។
RFA/Brach Chev
តំណាងរាស្ត្រគណបក្សប្រជាជន និងជាអ្នកនាំពាក្យរដ្ឋសភា លោក ឈាង វុន ប្រតិកម្មតបនឹងសម្ដីរបស់រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ដែលថា រដ្ឋសភាជាកន្លែងអាចឲ្យអ្នកកាសែតចេញចូលយកព័ត៌មានបាន។
ថ្លែងនៅក្នុងសន្និសីទកាសែតនៅរដ្ឋសភា ថ្ងៃទី១៧ ខែកក្កដា លោក ឈាង វុន ប្រាប់ទៅលោក ខៀវ កាញារីទ្ធ កុំលូកដៃចូលស្ថាប័នរដ្ឋសភា។ លោកបន្តថា រដ្ឋសភាមិនមែនជាទីតាំងសាធារណៈ ដូចថា មុខវត្តបទុមវតី ឬទីលានប្រជាធិបតេយ្យ ដែលមនុស្សអាចចេញចូលតាមចិត្តនោះទេ ព្រោះរដ្ឋសភាមានសន្តិសុខយាមត្រឹមត្រូវ និងមានបទបញ្ជាផ្ទៃក្នុង៖ «ប្រធាននាយកដ្ឋានព័ត៌មានផ្ញើលិខិតនេះមួយច្បាប់ទៅរដ្ឋមន្ត្រីក្រសួងព័ត៌មាន ឲ្យគាត់ដឹងថា រដ្ឋសភាមិនមែនផ្សារថ្មី ផ្សារលក់ត្រីទេ ហើយរដ្ឋសភាមិនដែលធ្វើអីតាមមាត់គេនិយាយទេ សូម្បីតែមាត់រដ្ឋមន្ត្រីក៏មិនត្រូវនិយាយផង។ ខ្ញុំមិនទាន់ចោទប្រកាន់អីគាត់ផង គាត់ឈោងដៃវែងម្ល៉េះ ចូលមកអង្គការនីតិប្បញ្ញត្តិ»។
ក្នុងពេលរិះគន់រដ្ឋមន្ត្រីក្រសួងព័ត៌មាន លោក ឈាង វុន ប្រាប់ទៅមន្ត្រីរដ្ឋសភា ឲ្យផ្ញើលិខិត និងបទបញ្ជាផ្ទៃក្នុងរដ្ឋសភា ឲ្យលោក ខៀវ កាញារីទ្ធ បានឃើញ។ លោក ឈាង វុន អះអាងបន្តថា លោកមិនចង់ឆ្លើយតបច្រើនជាមួយលោក ខៀវ កាញារីទ្ធ ទេ ព្រោះលោក និងលោក ខៀវ កាញារីទ្ធ ជាមន្ត្រីបក្សប្រជាជនកម្ពុជាតែមួយ។
វិទ្យុអាស៊ីសេរី មិនអាចសុំការឆ្លើយពីរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានទេ នៅថ្ងៃទី១៧ ខែកក្កដា។ ដោយឡែក អនុរដ្ឋលេខាធិការនៃក្រសួងព័ត៌មាន លោក អ៊ុក គឹមសេង ក៏មិនឆ្លើយតបប្រសាសន៍របស់លោក ឈាង វុន ដែរ ដោយបញ្ជាក់ថា ការថ្លែងរបស់លោករដ្ឋមន្ត្រី គឺគ្រប់គ្រាន់ហើយ។
កាលពីថ្ងៃទី១៥ ខែកក្កដា ក្រោយចប់កិច្ចពិភាក្សាស្ដីពី រួមគ្នាជំរុញការពាក់មួកសុវត្ថិភាព លោក ខៀវ កាញារីទ្ធ បានឆ្លើយតបនឹងអ្នកកាសែតថា រដ្ឋសភាជាកន្លែងដែលអ្នកកាសែតមានសិទ្ធិចេញចូល ដើម្បីយកព័ត៌មាន ហើយការបណ្ដេញអ្នកកាសែតចេញពីរដ្ឋសភា គឺធ្វើឲ្យប៉ះពាល់ដល់សិទ្ធិរបស់ពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា
អត្ថបទពេញនិយម
សិទ្ធិមនុស្ស
- អ្នកឃ្លាំមើលថា រដ្ឋមន្ត្រីការបរទេសកម្ពុជា និយាយភូតកុហកពិភពលោកថាកម្ពុជាគោរពសិទ្ធិមនុស្ស និងនីតិរដ្ឋ
- សមត្ថកិច្ចចាប់ខ្លួនអ្នកសារព័ត៌មានឯករាជ្យ ដែលធ្លាប់បានពានពីសហរដ្ឋអាមេរិក គឺលោក ម៉ិច ដារ៉ា
- សមត្ថកិច្ចម៉ាឡេស៊ីបញ្ជូនពលករខ្មែរម្នាក់ដែលរិះគន់រដ្ឋាភិបាលលោក ហ៊ុន ម៉ាណែត មកកម្ពុជា
- អង្គការអន្តរជាតិថា រដ្ឋាភិបាលបានបរាជ័យ ចំពោះការធានារបស់ខ្លួនលើកកម្ពស់សិទ្ធិមនុស្ស
- សកម្មជននិងសង្គមស៊ីវិលទទូចឱ្យរដ្ឋាភិបាលស្ដារទំនាក់ទំនងកម្ពុជា និងស៊ុយអែតឡើងវិញ