តំណាងប្រជាពលរដ្ឋឈ្មោះ ម៉េង ឃីម ថ្លែងថា ដីទំហំជាង ១០០ហិកតារនោះ ក្រុមអ្នកភូមិចំនួន ៤៥គ្រួសារ បានកាន់កាប់ និងសង់លំនៅឋានរស់នៅអស់រយៈពេលច្រើនឆ្នាំមកហើយ ប៉ុន្តែដោយសារតែមានទំនាស់ជាមួយបុគ្គលឈ្មោះ ស៊ូ វណ្ណារិទ្ធិ ហៅ ទ្រី ទើបខាងជំនាញសុរិយោដីពុំអាចចេញប្លង់កម្មសិទ្ធិឲ្យបាន៖ «ប្រជាពលរដ្ឋមានបំណងសុំឲ្យអភិបាលខេត្តជួយដោះស្រាយបញ្ជាក់ការកម្មសិទ្ធិដីធ្លីឲ្យបានគ្រប់គ្នា កុំឲ្យមានបញ្ហាជាមួយឈ្មោះ ស៊ូ វណ្ណារិទ្ធិ ហៅ ទ្រី ហ្នឹង។ ដីហ្នឹងកន្លងមកមានទំនាស់ម្តងហើយ ប៉ុន្តែសម្ដេចគាត់ចេញ ស.ជ.ណ ហើយ ប៉ុន្តែភូមិឃុំគេអត់ចុះធ្វើឲ្យប័ណ្ណកម្មសិទ្ធិឲ្យទេ ហើយមួយចំនួនដែលបានហើយ បែរជានិរាករណ៍ គេថាគេកាត់ច្រឡំ»។
ពួកគាត់បន្តថា ក្រោយពីមានការលើកគ្នាតវ៉ារួចមក មន្ត្រីសាលាខេត្តបន្ទាយមានជ័យ បានសន្យាថា នឹងដោះស្រាយជូនប្រជាពលរដ្ឋ។ មន្ត្រីសម្របសម្រួលអង្គការលីកាដូ ប្រចាំខេត្តបន្ទាយមានជ័យ លោក ភុន ឈិន បានជំរុញឲ្យអាជ្ញាធរខេត្តចាត់វិធានការដោះស្រាយទំនាស់ដីជូនប្រជាពលរដ្ឋ ដើម្បីទទួលបានប័ណ្ណកម្មសិទ្ធិស្របច្បាប់ និងដើម្បីបញ្ចៀសអំពើហិង្សាដែលអាចកើតមាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។