រដ្ឋបាលខេត្តព្រះវិហារនៅយប់ថ្ងៃទី១៧ ខែមីនា ច្រានចោលព័ត៌មានដែលថាស្ត្រីនៅខេត្តព្រះវិហារម្នាក់សម្លាប់ខ្លួន បន្ទាប់ពីអាជ្ញាធរដុតផ្ទះ និងយកដីធ្លី។សេចក្ដីប្រកាសព័ត៌មានរបស់រដ្ឋបាលខេត្តព្រះវិហារបញ្ជាក់ថា អាជ្ញាធរបានចុះដល់លំនៅឋានសព នៅក្នុងភូមិក្ដាក់ ឃុំត្បែងពីរ ស្រុកគូលែន ដោយជួបជាមួយគ្រួសារសព រួមមានប្ដី កូនប្រុស និងកូនប្រសា។
រដ្ឋបាលខេត្តព្រះវិហារអះអាងទៀតថា ការស្លាប់របស់ស្ត្រី ហែម ឡី ពុំពាក់ព័ន្ធនឹងករណីអនុវត្តវិធានការច្បាប់របស់កម្លាំងចម្រុះកាលពីថ្ងៃទី០៩ ខែមីនាទេ ពោលគឺស្ត្រីរូបនេះ បានផឹកថ្នាំស្មៅសម្លាប់ខ្លួនដោយផ្ដើមចេញពីវិបត្តិគ្រួសារមានទំនាស់ប្រវាយប្រតប់គ្នា។
ទោះជាយ៉ាងណាក៏ដោយ កូនប្រុសរបស់ លោកស្រី ហែម ឡី គឺលោក ហ៊ុក ហុន អះអាងប្រាប់វិទ្យុអាស៊ីសេរី នៅថ្ងៃទី១៧ ខែមីនា គឺនៅមុនពេលអាជ្ញាធរចុះទៅដល់ផ្ទះលោកថា ម្ដាយរបស់លោកបានលេបថ្នាំសម្លាប់ខ្លួនតាំងពីថ្ងៃទី៩ ខែមីនា ចំថ្ងៃអាជ្ញាធរបានចុះដុតផ្ទះ ឈូសឆាយដំណាំដីចម្ការរបស់គាត់ចំនួន ២ ហិកតារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។