សាលាដំបូងរាជធានីភ្នំពេញ ចេញដីកាបង្គាប់ឲ្យប្រធានប្រតិបត្តិរបស់គណបក្សសង្គ្រោះជាតិ រាជធានីភ្នំពេញ លោក ម៉ន ផល្លា ទៅបង្ហាញខ្លួននៅអធិការខណ្ឌមានជ័យ មុនថ្ងៃទី១៧ ខែកក្កដា ដើម្បីសាកសួរករណីហិង្សាលើយុវជនម្នាក់ កាលពីថ្ងៃទី២៨ ខែឧសភា ឆ្នាំ២០១៧។
ដីកានោះចេញដោយព្រះរាជអាជ្ញារងអមសាលាដំបូងរាជធានីភ្នំពេញ លោក សៀង សុខ កាលពីថ្ងៃទី២៧ ខែមិថុនា ឆ្នាំ២០១៧។
កាលពីថ្ងៃទី២៨ ខែឧសភា ឆ្នាំ២០១៧ កន្លងទៅ មានយុវជនម្នាក់ដែលអះអាងថា ជាជនរងគ្រោះបានចោទសកម្មជនគណបក្សសង្គ្រោះជាតិថា បានព្រួតវាយធ្វើបាបរូបគេដែលបានបើកម៉ូតូឆ្លងកាត់ក្បួនដង្ហែបក្សក្នុងពេលធ្វើយុទ្ធនាការបោះឆ្នោតឃុំ-សង្កាត់របស់ពួកគេ។ យុវជនម្នាក់នោះបានដាក់ពាក្យប្តឹងក្រុមអ្នកគាំទ្រគណបក្សសង្គ្រោះជាតិ ទៅប៉ុស្តិ៍នគរបាលសង្កាត់ស្ទឹងមានជ័យ ខណ្ឌមានជ័យ។ អាស៊ីសេរី មិនទាន់អាចទាក់ទងលោក ម៉ន ផល្លា ដើម្បីបញ្ជាក់ជុំវិញរឿងនេះបាននៅឡើយ កាលពីថ្ងៃទី២៧ ខែមិថុនា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។