បទសម្ភាសន៍ករណីតុលាការលើកលែងការចោទប្រកាន់ដល់លោក មឿន តុលា
2018.07.12
ពីឆ្វេង៖ លោក មឿន តុលា លោក ប៉ា ងួនទៀង និងព្រះតេជព្រះគុណ ប៊ុត ប៊ុនតិញ។
Photo: RFA
សាលាដំបូងរាជធានីភ្នំពេញកាលពីថ្ងៃទី១០ ខែកក្កដា កន្លងទៅបានសម្រេចលើកលែងការចោទប្រកាន់ទៅលើលោក មឿន តុលា នាយកប្រតិបត្តិមជ្ឈមណ្ឌលសម្ពន្ធភាពការងារ និងសិទ្ធិមនុស្ស ឬហៅកាត់ថា សង់ត្រាល់ (CENTRAL) ក្រោយពីសកម្មជនឃ្លាំមើលសិទ្ធិការងាររូបនេះ ត្រូវបានប្រធានគណបក្សយុវជនកម្ពុជា ដែលមាននិន្នាការគាំទ្រគណបក្សកាន់អំណាច ប្ដឹងពីបទកិបកេងបច្ច័យបុណ្យសពលោកបណ្ឌិត កែម ឡី។
កន្លងមកតុលាការក្រុងភ្នំពេញបានចោទប្រកាន់សកម្មជនការពារសិទ្ធិមនុស្ស៣ រូប រួមមាន លោក មឿន តុលា ព្រះតេជព្រះគុណ ប៊ុត ប៊ុនតិញ ស្ថាបនិកបណ្ដាញព្រះសង្ឃឯករាជ្យ និងលោក ប៉ា ងួនទៀង នាយកមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ពីបទរំលោភលើទំនុកចិត្តពាក់ព័ន្ធនឹងការសង្ស័យថា បានកិបកេងបច្ច័យបុណ្យសពលោកបណ្ឌិត កែម ឡី តាមពាក្យបណ្តឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា កាលពីខែមករា ឆ្នាំ២០១៨។
ការលើកលែងការចោទប្រកាន់លើលោក មឿន តុលា ធ្វើឡើងក្រោយ ពីក្រសួងការងារ និងបណ្ដុះបណ្ដាលវិជ្ជាជីវៈ កាលពីចុងខែមេសា បានធ្វើអន្តរាគមន៍ទៅតុលាការក្រុងភ្នំពេញ ដើម្បីឲ្យមានការលើកលែងការចោទប្រកាន់ទៅលើលោក មឿន តុលា។
សូមស្ដាប់បទសម្ភាសន៍ជាមួយលោក ឃុន ថារ៉ូ អ្នកសម្របសម្រួលកម្មវិធីរបស់អង្គការ CENTRAL លោក ប៉ា ងួនទៀង ព្រះតេជព្រះគុណ ប៊ុត ប៊ុនតិញ និងលោក ពេជ្រ ស្រស់ ជុំវិញការអត្ថាធិប្បាយ បន្ថែមជុំវិញការលើកលែងការចោទប្រកាន់លើលោក មឿន តុលា នេះ ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋ និងសង្គមស៊ីវិលរិះគន់ថា ការផ្ដល់សញ្ជាតិបរទេសមួយចំនួន ដែលប៉ះពាល់កេរ្តិ៍ឈ្មោះជាតិ
- អ្នកជំនាញថា ការលើកឡើងរបស់លោក ហ៊ុន ម៉ាណែត មិនឆ្លុះការពិតរឿងពាណិជ្ជកម្មជាមួយចិន
- ស្ថានភាពសិទ្ធិមនុស្ស «កាន់តែអាក្រក់» ក្រោមការដឹកនាំរបស់លោក ហ៊ុន ម៉ាណែត
- សុន្ទរកថា លោក ហ៊ុន ម៉ាណែត គ្រោងថ្លែងនៅអ.ស.ប គ្មានទេការលើកកម្ពស់សិទ្ធិមនុស្ស និងប្រជាធិបតេយ្យ
- អគ្គនាយកដ្ឋានពន្ធដារព្រមានប្តឹងក្រុមហ៊ុនជិត៤០ទៅតុលាការ ក្រោយពេលបោះឆ្នោត