សាច់ញាតិរបស់គ្រួសារសពគឺលោក ហួន ហាវ ថ្លែងប្រាប់វិទ្យុអាស៊ីសេរីថា ស្ត្រីរងគ្រោះឈ្មោះ កាយ វ៉េត អាយុប្រមាណ៤០ឆ្នាំមានទីលំនៅនៅភូមិពោធិ៍សៀង ឃុំសណ្តែក ស្រុកបាធាយ ខេត្តកំពង់ចាម។ កូនប្រុសម្នាក់របស់ស្ត្រី កាយ វ៉េត ដែលរងគ្រោះដែរនោះ អាយុ១១ឆ្នាំ រងរបួសជាទម្ងន់។
បាតុភូតរន្ទះបាញ់បានកើតឡើងនៅវេលាម៉ោងប្រមាណ៤ទៀបភ្លឺ ព្រឹកថ្ងៃព្រហស្បតិ៍ ទី២០ ខែសីហានេះ ក្នុងខណៈដែលជនរងគ្រោះកំពុងទទួលទានដំណេកនៅឯវាលស្រែរង់ចាំពេលភ្លឺឡើងដើម្បីងើបដកស្ទូងបង្ហើយស្រែរបស់គាត់៕