ទីភ្នាក់ងារព័ត៌មាននានា អោយដឹងថា រដ្ឋាភិបាលក្រុងម៉ានីល បានកោះអញ្ជើញឯកអគ្គរដ្ឋទូតកម្ពុជា ឲ្យទៅបំភ្លឺអំពីសុន្ទរកថា ដែលឯកអគ្គរាជទូត ហើស សេរីធន (Hos Sereythonh) បានសរសេរលិខិតទៅកាន់កាសែត ឌឹ ហ្វីលីពីន ស្តារ (The Philippines Star) ថ្លែងចោទប្រកាន់ថា ហ្វីលីពីន និងវៀតណាម បានដើរនយោបាយខ្មៅកខ្វក់ក្នុងដំណើរដោះស្រាយវិវាទសមុទ្រចិនខាងត្បូង ជាមួយចិន។
ក្រសួងការបរទេសហ្វីលីពីន បានអញ្ជើញឯកអគ្គរាជទូតកម្ពុជា ឲ្យទៅបំភ្លឺថា តើលោក ហើស សេរីធន ចង់មានន័យដូចម្តេច ពេលថ្លែងដូច្នោះនោះ ប៉ុន្តែលោកមិនបានទៅបំភ្លឺតាមការអញ្ជើញនោះទេ ដោយឆ្លើយតបថា មិនស្រួលខ្លួន។
ចំណែកអ្នកនាំពាក្យក្រសួងការបរទេសហ្វីលីពីន លោក ហឺណែនដេ (Hernandez) ប្រាប់អ្នកកាសែតថា លោកនឹងបន្តកោះហៅឯកអគ្គរាជទូតកម្ពុជាទៀត រហូតដល់លោកអាចមកបំភ្លឺបាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។