អ្នកឃ្លាំមើលសង្គមទាត់ចោលការអះអាងរបស់មន្ត្រីជាន់ខ្ពស់ចិនដែលថា ជំនួយ និងការវិនិយោគចិននៅកម្ពុជា មិនមែនជាអន្ទាក់ដើម្បីមានឥទ្ធិពលនៅកម្ពុជាឡើយ។ ពួកគេយល់ថា ការជំពាក់បំណុលប្រទេសចិនច្រើនសន្ធឹកសន្ធាប់នោះ មិនមែនជារឿងល្អនោះទេ ព្រោះនាំឱ្យកម្ពុជាខ្វះឯករាជ្យលើវិស័យសេដ្ឋកិច្ច។
សមាជិកក្រុមប្រឹក្សាខេត្តបាត់ដំបងជាប់ឆ្នោតគណបក្ស សង្គ្រោះជាតិ លោក ឌឹម សារឿន ប្រាប់ថា ការជួបជុំគ្នានេះ គឺបញ្ជាក់ជំហររបស់ពួកគាត់ឲ្យពលរដ្ឋបានដឹងផង និងជាការអំពាវនាវដល់មន្ត្រីគណបក្សប្រឆាំង ដែលមានឈ្មោះក្នុងបញ្ជីខ្មៅជាង ១១០នាក់ផងថា កុំទៅសុំសិទ្ធិធ្វើនយោបាយឡើងវិញ ព្រោះការសុំសិទ្ធិ គឺជាសម្លាប់នយោបាយរបស់ខ្លួននៅពេលខាងមុខ។
លោក សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម បានស្នើសុំប្រទេសរុស្សីឲ្យជួយបណ្ដុះបណ្ដាលកងកម្លាំងថែរក្សាសន្តិភាពរបស់កម្ពុជា ក្នុងការបោះសំអាតមីន និងសំណល់សង្គ្រាម ដើម្បីបង្កើនសមត្ថភាពពួកគេនៅក្នុងប្រតិបត្តិការថែរក្សាសន្តិភាព ក្រោមកម្មវិធីរបស់អង្គការសហប្រជាជាតិ។
មន្ត្រីគណបក្សប្រឆាំង នៅខេត្តពោធិ៍សាត់ ចាត់ទុកការកោះហៅ ចាប់ឃុំឃាំងបណ្ដោះអាសន្ន និងការបង្ខំឲ្យមន្ត្រីបក្សប្រឆាំងធ្វើកិច្ចសន្យាឈប់ធ្វើសកម្មភាពប៉ះពាល់ដល់ប្រជាប្រិយភាពបក្សកាន់អំណាចថា ជាការគំរាមកំហែងធ្ងន់ធ្ងរ ដល់មន្ត្រីគណបក្សប្រឆាំងតាមមូលដ្ឋានផ្សេងទៀត។
