អង្គការបណ្តាញអាស៊ាន ដើម្បីការបោះឆ្នោតដោយសេរី (ANFREL) បដិសេធការជាប់ពាក់ព័ន្ធផែនការធ្វើឲ្យគ្រោះថា្នក់ដំណើរការបោះឆ្នោតនៅកម្ពុជា
ស្លាកសញ្ញារបស់អង្គការបណ្តាញអាស៊ាន ដើម្បីការបោះឆ្នោតដោយសេរី (ANFREL)។
អង្គការបណ្តាញអាស៊ាន ដើម្បីការបោះឆ្នោតដោយសេរី (ANFREL) ដែលមានមូលដ្ឋាននៅទីក្រុងបាងកក ប្រទេសថៃ បានបដិសេធអត្ថបទព័ត៌មានចុះផ្សាយដោយឧបករណ៍ផលិតព័ត៌មានរបស់លោកនាយរដ្ឋមន្រ្តី ហ៊ុន សែន ឈ្មោះ Swiftnews និង Freshnews ដែលបានសរសេរចោទប្រកាន់ថា អង្គការ ANFREL នឹងធ្វើសកម្មភាពប៉ះពាល់ដល់ការបោះឆ្នោត និងចោទប្រកាន់ថា អង្គការ ANFREL ជាប់ពាក់ព័ន្ធនឹងបន្ទប់ស្ថានការណ៍។
បន្ទប់ស្ថានការណ៍ជាបណ្តុំអង្គការក្នុងស្រុក ដែលបានបង្កើតឡើង ដើម្បីតាមដានសង្កេតការណ៍បោះឆ្នោត ប៉ុន្តែរបបលោក ហ៊ុន សែន ចោទថា បន្ទប់ស្ថានការណ៍ជាអង្គការខុសច្បាប់។ សេចក្តីថ្លែងការណ៍របស់ (ANFREL) ផ្សាយកាលពីថ្ងៃទី១០ មេសាបញ្ជាក់ថា អង្គការ (ANFREL) មិនបានជាប់ពាក់ព័ន្ធនឹងផែនការណាមួយ ដែលធ្វើឲ្យគ្រោះថា្នក់ដល់ដំណើរការបោះឆ្នោតនៅកម្ពុជាឡើយ។ អង្គការនេះសម្ដែងការសោកស្តាយ ដែលឧបករណ៍ផលិតព័ត៌មានរបស់លោក ហ៊ុន សែន មិនបានទាក់ទងមន្រ្តីអង្គការនេះ ដើម្បីសាកសួរព័ត៌មានបន្ថែមមុនការផ្សាយ។ អង្គការនេះបន្តថា អង្គការ (ANFREL) ស្វាគមន៍ ចំពោះសំណើសុំសម្ភាស ដើម្បីជៀសវាងការផ្សាយព័ត៌មាន ដោយមិនបានពិនិត្យផ្ទៀងផ្ទាត់ត្រឹមត្រូវ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- កញ្ញា ឈឹម ស៊ីថរ មិនខ្លាចជាប់គុកដោយសារទាមទារឲ្យក្រុមហ៊ុនណាហ្គាវើលដ៍គោរពសិទ្ធិសហជីព
- ទូតអាមេរិកថា ខ្លួនកំពុងតាមដានយ៉ាងយកចិត្តទុកដាក់ ករណីចាប់ខ្លួនកញ្ញា ឈឹម ស៊ីថរ និងកូដករអហិង្សាឯទៀត
- ប្រធានាធិបតីឥណ្ឌូនេស៊ី រំឮកលោក ហ៊ុន សែន ពីជំហរមិនឱ្យមេដឹកនាំរដ្ឋប្រហារយោធាភូមាចូលរួមកិច្ចប្រជុំអាស៊ាន
- លោក សម រង្ស៊ី ស្នើទៅក្រុមហ៊ុនជប៉ុនឲ្យជួយបញ្ជាក់ការពិតនៃសារឆ្លើយឆ្លងរវាងលោក ហ៊ុន សែន និងនាងធីសុវណ្ណថា
- មេដឹកនាំយោធាភូមាយល់ព្រមអនុវត្តតាមគោលការណ៍ ៥ចំណុចរបស់អាស៊ាន
