អាជ្ញាធរ​វៀតណាម​ជាប់​ព្រំដែន​កម្ពុជា​ចុះ​សួរ​សុខទុក្ខ​និង​ផ្ដល់​កាដូ​ដល់​ទាហាន​ខ្មែរ​នៅ​ព្រំដែន

ដោយ អាស៊ីសេរី
2018-04-08
អ៊ីម៉ែល
មតិ
Share
បោះពុម្ព
ទាហាន និង​ក្រុម​ពលរដ្ឋ​ខ្មែរ​ដែល​អាជ្ញាធរ​រៀបចំ ដើម្បី​រារាំង​ពលរដ្ឋ​ពី​ភ្នំពេញ​មិន​ឲ្យ​ចូល​មើល​បង្គោល​ព្រំដែន នៅ​ខេត្ត​ស្វាយរៀង កាល​ពី​ថ្ងៃ​ទី​១៩ ខែ​កក្កដា ឆ្នាំ​២០១៥។
ទាហាន និង​ក្រុម​ពលរដ្ឋ​ខ្មែរ​ដែល​អាជ្ញាធរ​រៀបចំ ដើម្បី​រារាំង​ពលរដ្ឋ​ពី​ភ្នំពេញ​មិន​ឲ្យ​ចូល​មើល​បង្គោល​ព្រំដែន នៅ​ខេត្ត​ស្វាយរៀង កាល​ពី​ថ្ងៃ​ទី​១៩ ខែ​កក្កដា ឆ្នាំ​២០១៥។
Photo: RFA

អាជ្ញាធរ​វៀតណាម​តាម​នៅ​ខេត្ត​ជាប់​ព្រំប្រទល់​ជាមួយ​កម្ពុជា បាន​ចុះ​សួរសុខទុក្ខ និង​ផ្ដល់​កាដូ ឲ្យ​ទាហាន​ខ្មែរ​នៅ​តាម​ព្រំដែន ដើម្បី​អបអរសាទរ បុណ្យចូលឆ្នាំ​ប្រពៃណី​ជាតិ​ខ្មែរ។

គេហទំព័រ​អគ្គស្នងការដ្ឋាន​នគរបាល​ជាតិ ចុះផ្សាយ​ថា ស្នងការ​នគរ បាល​ខេត្ត​មួយ​ចំនួន​របស់​កម្ពុជា បាន​ជួប​សំណេះសំណាល​ជាមួយ​ប្រតិភូ​បញ្ជាការ​ដ្ឋាន​យោធា​ការពារ​ព្រំដែន​នៃ​ខេត្ត​អានយ៉ាង របស់ វៀតណាម លោក ប៊ូយ ជុនយុង។

ក្នុង​ជំនួប​នោះ ទាំង​ភាគី​ទាំងពីរ​បាន​ប្ដេជ្ញា ថា​នឹង​ខិតខំ​ថែរក្សា​ចំណងមិត្តភាព សាមគ្គីភាព រវាង ប្រទេស​ទាំងពីរ ព្រមទាំង​ការពារ​សន្តិសុខ និង​រក្សា​សណ្ដាប់ធ្នាប់​តាម​ព្រំដែន។

ប៉ុន្តែ​អគ្គលេខាធិការ នៃ​សមាគម​ខ្មែរ​កម្ពុជា​ក្រោម ដើម្បី​សិទ្ធិមនុស្ស និង​អភិវឌ្ឍន៍ លោក សឺន ជុំជួន ស្នើ​ឲ្យ​អាជ្ញាធរ​វៀតណាម​ចេញ​សេចក្ដីណែនាំ ដល់​គ្រឹះ​ស្ថាន​ឯកជន រោងចក្រ សហគ្រាស ដែល​មាន​ពលរដ្ឋ និង​យុវជន​ខ្មែរ​ក្រោម​ធ្វើការ សូម​ឲ្យ​ផ្ដល់​ថ្ងៃ​ឈប់សម្រាក ដោយ​មិន​មាន​កាត់​ប្រាក់​ប្រចាំខែ ដើម្បី​អាច​ឲ្យ​ពួកគេ បាន​ទៅលេង​ភូមិកំណើត​នៅ​ទឹកដី​ខ្មែរ​ក្រោម។

ក្នុង​ពិធីបុណ្យ​ចូលឆ្នាំ​ខ្មែរ​ខាងមុខនេះ ជនជាតិ​ខ្មែរ​ដែល​រស់នៅ​ទឹកដី​កម្ពុជា​ក្រោម ឬ​ប្រទេស​វៀតណាម អះអាង​ថា ពួកគេ​មិនដែល​បាន​ឈប់សម្រាក ដើម្បី​អបអរ​ពិធីបុណ្យ​ប្រពៃណី​ដូច្នេះ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល