ចៅក្រម​សហព័ន្ធ​រដ្ឋ​កាលីហ្វ័រញ៉ា​សម្រេច​ផ្អាក​មិន​ឲ្យ​ចាប់​បញ្ជូន​ពលរដ្ឋ​ខ្មែរ​មាន​ទោស

ដោយ យន់ សាមៀន
2017-12-16
អ៊ីម៉ែល
មតិ
Share
បោះពុម្ព
និមិត្ត​សញ្ញា​អាស៊ីសេរី។
និមិត្ត​សញ្ញា​អាស៊ីសេរី។
Photo: RFA

ចៅក្រម​សហព័ន្ធ​នៅ​ទីក្រុង​សេនតា អេណា (Santa Ana) នៃ​រដ្ឋ​កាលីហ្វ័រញ៉ា (California) កាល​ពី​ថ្ងៃ​ទី​១៤ ខែ​ធ្នូ បាន​សម្រេច​ផ្អាក​រដ្ឋបាល​ប្រធានាធិបតី ត្រាំ (Trump) មិន​ឲ្យ​ចាប់​បញ្ជូន​ពលរដ្ឋ​ខ្មែរ​មានទោស​នៅ​អាមេរិក រាប់​រយ​នាក់​ទៅ​កម្ពុជា ជា​បណ្ដោះអាសន្ន។

ក្នុង​រយៈពេល​ប៉ុន្មាន​ខែ​ចុង​ក្រោយ​នេះ យ៉ាង​ហោច​ណាស់ ក៏​មាន​ពលរដ្ឋ​ខ្មែរ​ប្រមាណ ២០០​នាក់ ដែល​មាន​ទោស​ឧក្រិដ្ឋ​ត្រូវ​បាន​ចាប់​ខ្លួន​ទូទាំង​សហរដ្ឋអាមេរិក។ តាម​គម្រោង ពលរដ្ឋ​ខ្មែរ​ចំនួន ៥០​នាក់​នឹង​ត្រូវ​បណ្ដេញ​ចេញ​ពី​អាមេរិក នៅ​ថ្ងៃ​ទី​១៨ ខែ​ធ្នូ។

ចៅក្រម​បញ្ជាក់​ថា ការ​ផ្អាក​នៃ​ការ​បណ្ដេញ​ពលរដ្ឋ​ខ្មែរ​ចេញ​ពី​អាមេរិក​នេះ ដើម្បី​ឲ្យ​ចៅក្រម​មាន​ពេល​វេលា​សមស្រប សម្រាប់​ពិចារណា​បណ្ដឹង​ទាស់​នៃ​ការ​បណ្ដេញ​ចេញ​របស់​មេធាវី​ជនជាតិ​ខ្មែរ។  យ៉ាង​ហោច​ណាស់​ក៏​មាន​ពលរដ្ឋ​ខ្មែរ​ដែល​មាន​ទោស​ឧក្រិដ្ឋ​ប្រមាណ​ជិត ២.០០០​នាក់ នឹង​ត្រូវ​បណ្ដេញ​ចេញ​ពី​សហរដ្ឋអាមេរិក។ លោក ហ៊ុន សែន កាល​ពី​ចុង​សប្ដាហ៍​នេះ បាន​ប្រកាស​ទទួល​ជនជាតិ​ខ្មែរ​ទាំង​នោះ​មក​រស់​នៅ​កម្ពុជា វិញ ដើម្បី​ថ្នូរ​នឹង​សហរដ្ឋអាមេរិក បើក​ទិដ្ឋាការ​ដល់​មន្ត្រី​ការទូត​កម្ពុជា និង​ក្រុម​គ្រួសារ​មន្ត្រី​ទាំង​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល