សម្ដេច​ក្រុម​ព្រះ​យល់​ព្រម​ធ្វើ​ជា​ប្រធាន​គណបក្ស​ហ៊្វុនស៊ិនប៉ិច​ឡើង​វិញ

ដោយ សេក បណ្ឌិត
2015-01-02
អ៊ីម៉ែល
មតិ
Share
បោះពុម្ព
សម្ដេច​ក្រុមព្រះ នរោត្តម រណឫទ្ធិ ប្រធាន​គណបក្ស​សង្គម​រាស្ត្រ​រាជាធិបតេយ្យ ចូល​រួម​សម្ពោធ​ទី​ស្នាក់​ការ​បក្ស នា​សង្កាត់​ជ្រោយ​ចង្វារ ខណ្ឌ​ជ្រោយចង្វារ រាជធានី​ភ្នំពេញ នៅ​ថ្ងៃ​ទី៦ ខែមិថុនា ឆ្នាំ​២០១៤។
សម្ដេច​ក្រុមព្រះ នរោត្តម រណឫទ្ធិ ប្រធាន​គណបក្ស​សង្គម​រាស្ត្រ​រាជាធិបតេយ្យ ចូល​រួម​សម្ពោធ​ទី​ស្នាក់​ការ​បក្ស នា​សង្កាត់​ជ្រោយ​ចង្វារ ខណ្ឌ​ជ្រោយចង្វារ រាជធានី​ភ្នំពេញ នៅ​ថ្ងៃ​ទី៦ ខែមិថុនា ឆ្នាំ​២០១៤។
RFA/Tin Zakariya

សម្ដេច​ក្រុម​ព្រះ នរោត្តម រណឫទ្ធិ បាន​សម្រេច​ព្រះទ័យ​ចូល​ធ្វើ​ជា​ប្រធាន​គណបក្ស​ហ៊្វុនស៊ិនប៉ិច (Funcinpec) ឡើង​វិញ ដោយ​មាន​ការ​យាង​ពី​ថ្នាក់​ដឹក​នាំ​ជាន់​ខ្ពស់​នៃ​គណបក្ស​នេះ។

អ្នក​វិភាគ​ស្ថានការណ៍​នយោបាយ យល់​ឃើញ​ថា ការ​វិល​ត្រឡប់​ជា​ថ្មី​សម្រាប់​គណបក្ស​រាជា​និយម​មួយ​នេះ ទំនង​ជា​ពុំ​មាន​ឥទ្ធិពល​អ្វី​ដល់​គណបក្ស​ធំ​ពីរ ដែល​មាន​អាសនៈ​ក្នុង​រដ្ឋសភា​បច្ចុប្បន្ន​នេះ​ឡើយ។

សម្ដេច​ក្រុម​ព្រះ នរោត្តម រណឫទ្ធិ នឹង​កែប្រែ​គម្រោង​សមាជ​គណបក្ស​សង្គម​រាស្ត្រ​រាជាធិបតេយ្យ របស់​ទ្រង់ នៅ​ថ្ងៃ​ទី​១៩ មករា ខាង​មុខ ទៅ​ជា​សមាជ​គណបក្ស​ហ៊្វុនស៊ិនប៉ិច វិញ។

នៅ​ក្នុង​ថ្ងៃ​ចម្រើន​ព្រះជន្ម​គម្រប់​ខួប ៧១​ព្រះវស្សា នៅ​ថ្ងៃ​សុក្រ ទី​២ មករា ទ្រង់ រណឫទ្ធិ សម្ដែង​ព្រះទ័យ​រីករាយ​ចំពោះ​ការ​យាង​វិល​ត្រឡប់​ទៅ​គណបក្ស ដែល​កូន​ចៅ​ធ្លាប់​បណ្ដេញ​ទ្រង់​ចេញ​កាល​ពី​ប្រមាណ​ជា ៩​ឆ្នាំ​មុន​នេះ។ ព្រះអង្គ​បញ្ជាក់​ថា ការ​វិល​ទៅ​គ្រប់គ្រង​ពេល​នេះ គឺ​ដើម្បី​បង្រួប​បង្រួម​ក្រុម​រាជា​និយម​ឡើង​វិញ ដើម្បី​ចូលរួម​កសាង​ជាតិ និង​ដោះស្រាយ​បញ្ហា​ផ្សេងៗ​ដែល​កំពុង​កើត​មាន​ក្នុង​សង្គម​បច្ចុប្បន្ន គឺ​មិន​មែន​តាម​ការ​រៀបចំ​ណា​មួយ​របស់​លោក​នាយក​រដ្ឋមន្ត្រី ហ៊ុន សែន ដូច​ការ​ចោទ​ប្រកាន់​ឡើយ៖ «បើ​ខ្ញុំ នរោត្តម រណឫទ្ធិ និង​អរុណរស្មី ព្រម​ទាំង​អស់​លោក​ទាំងអស់​គ្នា ហើយ​ថ្ងៃ​នេះ​ជា​ថ្ងៃ​បុណ្យ​ខួប​កំណើត​ខ្ញុំ​ផង ហើយ​រវល់​តែ​គេ​រៀបចំ​នោះ​វា​អស់​ជា​មនុស្ស វា​អស់​ជា​ខ្មែរ​ហើយ តើ​ពេល​ណា​ឆ្នាំ​ណា​បាន​ខ្មែរ​យើង​ចេះ​រួបរួម​គ្នា​ជា​ធ្លុង​មួយ​នោះ​បាន»

ទ្រង់​មាន​បន្ទូល​បញ្ជាក់​ទៀត​ថា គណបក្ស​ហ៊្វុនស៊ិនប៉ិច មិន​មាន​បំណង​ធ្វើ​នយោបាយ​ប្រឆាំង​នឹង​គណបក្ស​ប្រជាជន​កម្ពុជា ឬ​គណបក្ស​ណា​មួយ​ផ្សេង​នោះ​ទេ ប៉ុន្តែ​ក៏​មិន​មែន​ជា​កូន​ជឹង​របស់​គណបក្ស​ណា​មួយ​នោះ​ដែរ។

ទោះ​យ៉ាង​ណា អ្នក​វិភាគ​ឯករាជ លោក​បណ្ឌិត សុខ ទូច យល់​ឃើញ​ថា គណបក្ស​ហ៊្វុនស៊ិនប៉ិច បាន​ធ្វើ​ឲ្យ​បាត់​បង់​ឱកាស​ច្រើន​លើក​ច្រើន​សា​មក​ហើយ ក្នុង​ការ​បោះ​ឆ្នោត​ជាតិ​តាំង​ពី​មាន​អាសនៈ​ច្រើន​លើសលប់​ក្នុង​រដ្ឋសភា រហូត​គ្មាន​អាសនៈ​មួយ​សោះ ហើយ​ទើប​នឹង​នាំ​គ្នា​ស្ដារ​ឡើង​វិញ នៅ​ពេល​នេះ​វា​ហាក់​ដូចជា​ហួស​ពេល​ទៅ​ហើយ៖ «ហើយ​សម្រាប់​ការ​ចេញ​សេចក្តី​ថ្លែងការណ៍​ណា​មួយ ដើម្បី​បញ្ជាក់​ពី​ជំហរ​ថា​ត្រូវ​ធ្វើ​ដូចម្តេច គឺ​អត់​មាន​ទេ! សម្ដី​សម្ដេច​ក្រុម​ព្រះ នៅ​តែ​ជា​សម្ដី​រណប​អ្នក​ឈ្នះ​ដដែល អ៊ីចឹង​យើង​ឃើញ​ថា​ពិបាក​ឲ្យ​ប្រជាជន​គាំទ្រ​ណាស់»

ចំណែក​អគ្គលេខាធិការ​នៃ​គណបក្ស​ហ៊្វុនស៊ិនប៉ិច លោក ញឹក ប៊ុនឆៃ ជា​អតីត​ដៃគូ​ជម្លោះ​ជាមួយ​សម្ដេច​ក្រុម​ព្រះ ដែល​នាំ​ឲ្យ​បែក​បាក់​គណបក្ស​នេះ​ធ្ងន់ធ្ងរ​នោះ បាន​ថ្លែង​សាទរ​ចំពោះ​ការ​វិល​មក​ទ្រនំ​ចាស់​វិញ​នេះ។ លោក​បន្ត​ថា ដោយ​មើល​ឃើញ​គ្រប់​គ្នា​នូវ​លទ្ធផល​នៃ​ការ​បាក់​បែក​កន្លង​មក លោក​សច្ចា​ថា​នឹង​មិន​ឲ្យ​មាន​ការ​បែក​បាក់​ជា​ថ្មី​ទៀត​ឡើយ ទោះ​មាន​រឿង​អ្វី​កើត​ឡើង​ក៏ដោយ​ចុះ៖ «ខ្ញុំ​ជឿ​ជាក់​លើ​ខ្លួន​ខ្ញុំ ថា​នឹង​ធ្វើ​អ្វី​ទាំងអស់ ដើម្បី​ឲ្យ​ការ​រួបរួម​គ្នា​លើក​នេះ​ក្លាយ​ជា​ការ​រួបរួម​មួយ​ដែល​មិន​មាន​ ការ​បែក​បាក់ ព្រោះ​ការ​បែក​បាក់​នេះ​ជា​ការ​ឈឺ​ចាប់​ខ្លោចផ្សា»

សម្ដេច​ក្រុម​ព្រះ ត្រូវ​គេ​រិះគន់​ថា​ជា​អ្នក​នយោបាយ​អំពិលអំពែក ឬ​ចេញ​ចូល​ដូច​ថ្លុក​ល្ខោន។ ទ្រង់​ធ្លាប់​ប្រកាស​ឈប់​ធ្វើ​នយោបាយ​ជាច្រើន​ដង​មក​ហើយ តែ​ទីបំផុត ក៏​ត្រឡប់​ចូល​មក​វិញ ទន្ទឹម​នឹង​នេះ គេ​ក៏​មើល​ឃើញ​ទៀត​ថា ទាំង លោក ញឹក ប៊ុនឆៃ និង​សម្ដេច​ក្រុម​ព្រះ ទំនង​ចិត្ត​មិន​សឿង​ហ៊ាន​ប្រឆាំង​ជាមួយ​គណបក្ស​ប្រជាជន​កម្ពុជា ឬ​លោក​នាយក​រដ្ឋមន្ត្រី ហ៊ុន សែន នោះ​ឡើយ។

កាល​ពី​ថ្ងៃ​ទី​១៨ ខែ​តុលា ឆ្នាំ​២០០៦ គណបក្ស​ហ៊្វុនស៊ិនប៉ិច ដែល​ដឹក​នាំ​ដោយ លោក ញឹក ប៊ុនឆៃ ធ្លាប់​ធ្វើ​សមាជ​បណ្ដេញ​សម្ដេច​ក្រុម​ព្រះ ចេញ​ពី​គណបក្ស​នេះ​ដោយ​មាន​ជម្លោះ​ផ្ទៃ​ក្នុង​ធ្ងន់ធ្ងរ​មិន​អាច​ដោះស្រាយ​បាន។ កាល​ពី​មុន​បោះ​ឆ្នោត​ឃុំ​សង្កាត់ ឆ្នាំ​២០១២ លោក ហ៊ុន សែន បាន​ដើរ​តួ​ជា​អ្នក​សម្រប​សម្រួល​ឲ្យ​អ្នក​ទាំង​ពីរ​រួប​រួម​គ្នា​វិញ ដោយ​ហៅ​មក​ចុះ​ហត្ថលេខា​លើ​កិច្ច​ព្រមព្រៀង​នៅ​វិមាន​សន្តិភាព ប៉ុន្តែ​មិន​បាន​ប៉ុន្មាន​ថ្ងៃ​ផង ចំណង​ស្នេហ៍​នេះ​ក៏​រលាយ​បាត់​ទៅ​វិញ​ភ្លាមៗ​ទៀត។ ចុង​ក្រោយ​នេះ សម្ដេច​ក្រុម​ព្រះ បាន​បង្កើត​គណបក្ស​ថ្មី​មួយ​ទៀត​ឈ្មោះ​ថា គណបក្ស​សង្គម​រាស្ត្រ​រាជាធិបតេយ្យ។ បក្ស​ថ្មី​នេះ​មិន​ទាន់​ធ្វើ​សមាជ​ផង ក៏​គ្រោង​រំលាយ​ចោល​វិញ ដោយសារ​ព្រះអង្គ​យាង​ទៅ​គណបក្ស​ចាស់​វិញ គឺ​គណបក្ស​ហ៊្វុនស៊ិនប៉ិច ដែល​គ្រោង​ធ្វើ​សមាជ​បោះ​ឆ្នោត​ប្រធាន​ថ្មី​នៅ​ថ្ងៃ​ទី​១៩ មករា ខាង​មុខ​នេះ ជំនួស​សម្ដេច​រាជបុត្រី ព្រះអនុជ នរោត្ដម អរុណរស្មី ដែល​ជា​ប្រធាន​គណបក្ស​បច្ចុប្បន្ន​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (28)
Share

Chicken man

This old man on the mountain show his physical appearance weakness and has no geopolitical strategy how to explain his politic standpoints to the listeners .He cannot fit to be as pm with 71s ages , specially the way he looks , he talks , he acts , his voices...that mean a lots of disrespect , crooks , thieves , lies , liar ,shamelessly ahead if he get a good opportunity he will do it .He started from prince to prey...he started from fulled hairs to baldhead...he started from middle-age to old man...he started from old wife to young wife...he started from two heads pm to non-pm...he started from a man has everything to a man without a ring...he started from the money to a man without a horny...he started from has young horny to a man without a country and what next ? could anyone can name one for him please !

Jan 07, 2015 03:37 PM

Kiet Chhun

Too old to having a baby child...too old to having with young woman...too old to take care young mommy child...too old to carry a bulk rock...too old to stand against a big storm...too old to standing ,talking , walking , running for long hours...too old to swim across the river... too old to live last longer and too old hard to walking into grave .Let us tell u sir ,if someone in your family commit any crime in the past and recent time ,don't expect your pple will support or vote for u is nothing in democratic states u no that...right !, that mean u have to stay away from any crime since the first day u born ,in democratic states u cannot run in local govn't office as representative ,if they check up or find out your criminal recorded which committed u will kick out at the first place , it doesn't small or big problem and u can't run as a candidate at all .It doesn't matter how long u have been born or died and they kept your criminal recorded since the first day u born until the last day died .And about H.Sen what are u pple thinking , why wait so long to happen ,he committed atrocities on u pple everyday and u awaiting him to behead u like khmerouge commie regime...please be smart moving now and the world are watching this an opportunity will happen anyway .

Jan 05, 2015 04:37 PM

អ្នក​អាន​អនាមិក

ពី PARIS

ឪដូចកូន កូនដូចឪ !!! បារាំងគេហៅថា "Prince changeant" = ស្តេច ឡេមឡឺម !!!

Jan 03, 2015 08:27 AM

ពេទ្យធា

ពី Battambang

ទោះបីកូនស្ដេចមួយនេះខំប្រឹងយ៉ាងណាក៍មិនអាចទៅរួចទេ។រឹទ្ធតែធ្វើអោយវង្សត្រកូលស្ដេចកាន់តែអន់ទៅៗ។កុំអី...ទុកប្រាក់កសាង ផ្លូវថ្នល់ សាលារៀន មន្ទីរពេទ្យ ល្អជាងស្ដេចអើយ អស់ច្រឡំព្រះអង្គអើយ

Jan 03, 2015 01:41 AM

អ្នក​អាន​អនាមិក

ពី usa

Wow wow all of your guy comment clever.i am proud of your guys,my compatriot isgetting smarter.

Jan 03, 2015 01:12 AM

មើល​មតិ​ទាំង​អស់.

គេហទំព័រ​ទាំងមូល