"ព្រះមហាក្សត្រ​មាន​ព្រះរាជ​សិទ្ធិ​ព្រះរាជទាន​ដល់​មន្ត្រី​បក្ស​ប្រឆាំង​ឱ្យ​ធ្វើ​នយោបាយ​ឡើងវិញ"

ដោយ ម៉ៅ សុធានី
2019-03-01
អ៊ីម៉ែល
មតិ
Share
បោះពុម្ព
ព្រះមហាក្សត្រ ព្រះករុណា ព្រះបាទ​សម្ដេច នរោត្ដម សីហមុនី យាង​ចូលរួម​ទិវា​បុណ្យ​ខួប​ឯករាជ្យជាតិ​លើក​ទី​៦៣ នា​វិមានឯករាជ្យ រាជធានី​ភ្នំពេញ នៅ​ថ្ងៃ​ទី​៩ ខែ​វិច្ឆិកា ឆ្នាំ​២០១៦។
ព្រះមហាក្សត្រ ព្រះករុណា ព្រះបាទ​សម្ដេច នរោត្ដម សីហមុនី យាង​ចូលរួម​ទិវា​បុណ្យ​ខួប​ឯករាជ្យជាតិ​លើក​ទី​៦៣ នា​វិមានឯករាជ្យ រាជធានី​ភ្នំពេញ នៅ​ថ្ងៃ​ទី​៩ ខែ​វិច្ឆិកា ឆ្នាំ​២០១៦។
RFA

មន្ត្រី​ជាន់ខ្ពស់​គណបក្ស​សង្គ្រោះជាតិ ព្រះអង្គម្ចាស់​ស៊ីសុវត្ថិ ធម្មិកោ ដែល​ត្រូវ​របប​លោក ហ៊ុន សែន​រំលាយ​ចោល​យល់​ថា ព្រះមហាក្សត្រ​មាន​ព្រះរាជ​សិទ្ធិ​ពេញលេញ​ដើម្បី​ព្រះរាជទាន​ផ្ដល់​នីតិសម្បទា ដល់​មន្ត្រី​គណបក្ស​សង្គ្រោះជាតិ ទាំង ១១៨​នាក់ ឱ្យ​ពួកគេ​អាច​ធ្វើ​នយោបាយ​ឡើងវិញ​ដោយ​មិនបាច់​ឱ្យ​ពួកគេ​ដាក់​លិខិតស្នើ​ក្រសួងមហាផ្ទៃ​ហើយ​បន្ត​បញ្ជូន​ទៅ​លោក ហ៊ុន សែន ដើម្បី​ថ្វាយ​ទៅ​ព្រះមហាក្សត្រ​នោះ​ទេ។

ព្រះអង្គម្ចាស់​ស៊ីសុវត្ថិ ធម្មិកោ ឱ្យ​អាស៊ីសេរី​ដឹង​ថ្ងៃ​ទី​១ ខែ​មីនា ថា លុះត្រាតែ​ព្រះមហាក្សត្រ​ប្រោស​ព្រះរាជទាន​ផ្ដល់​នីតិសម្បទា​ដល់​មន្ត្រី​គណបក្ស​សង្គ្រោះជាតិ​ទាំង ១១៨នាក់ ទើប​ព្រះអង្គ​វិល​ចូល​នយោបាយ​វិញ។ ទ្រង់​ធម្មិកោ លើកឡើង​បែបនេះ​ដោយ​ទ្រង់​យល់ថា ពេលនេះ​រដ្ឋាភិបាល​លោក ហ៊ុន សែន កំពុង​ចរចា​ជាមួយ​សភាព​អឺរ៉ុប សហរដ្ឋអាមេរិក ជប៉ុន និង​ប្រទេស​ផ្សេងទៀត​ដើម្បី​បញ្ចៀស​ពី​ការ​ដក ប្រព័ន្ធ​អនុគ្រោះ​ពន្ធ EBA«ការ​ទាមទារ​របស់​មហា​អំណាច​មាន​បី​ចំណុច៖ ដោះលែង​លោក​ប្រធាន កឹម សុខា ផ្ដល់​សិទ្ធិ​ដល់​អ្នក​ទាំង ១១៨​នាក់ ឱ្យ​មាន​សិទ្ធិ​ធ្វើ​នយោបាយ​ឡើងវិញ និង​ធ្វើ​ឱ្យ​មាន​គណបក្ស​សង្គ្រោះជាតិ​សាជាថ្មី ដូច្នេះ​រឿង ១១៨​នាក់​ហ្នឹង​ចូល​ទៅ​ក្នុង​ការ​ចរចា​រវាង​រដ្ឋាភិបាល និង​មហាអំណាច»

ព្រះអង្គម្ចាស់​ស៊ីសុវត្ថិ ធម្មិកោ មាន​បន្ទូល​ថា ទ្រង់​និង​មន្ត្រី​គណបក្ស​សង្គ្រោះ​ជាតិ​ផ្សេងទៀត​គ្មាន​កំហុស​ទេ ដូច្នេះ​ទ្រង់​មិន​ដាក់​លិខិតស្នើ​សុំ​ការ​ប្រោស​ព្រះរាជទាន​ពី​ព្រះមហាក្សត្រ​ឡើយ។ ព្រះអង្គ​បន្ត​ថា តាម​រដ្ឋធម្មនុញ្ញ​ដែល​ជា​ច្បាប់​កំពូល​របស់​ជាតិ​បាន​ចែងថា ព្រះមហាក្សត្រ​មាន ព្រះរាជ​សិទ្ធិ​ពេញលេញ​ដើម្បី​ព្រះរាជទាន​ផ្ដល់​នីតិសម្បទា​ដល់​មន្ត្រី​គណបក្ស​សង្គ្រោះ​ជាតិ ទាំង​១១៨​នាក់ ឱ្យ​ពួកគេ​អាច​ធ្វើ​នយោបាយ​ឡើងវិញ ដោយ​មិន​ចាំបាច់​បំពេញ​តាម​នីតិ​តាម​ច្បាប់ ស្ដីពី​គណបក្ស​នយោបាយ​ត្រង់​មាត្រា​៤៥​ថ្មី៖ «ព្រះមហាក្សត្រ​លោក​មាន​សិទ្ធិ​លើកលែងទោស​ដោយ​អត់​មាន​ការ​ស្នើ​ពី​រដ្ឋាភិបាល និង​ពី​នាយករដ្ឋមន្ត្រី»

សមាជិក​ជាន់ខ្ពស់​គណ​បក្ស​សង្គ្រោះ​ជាតិ​ចំនួន ១១៨​នាក់ត្ រូវ​បាន​របប​ក្រុងភ្នំពេញ​បាន​ហាម​ឃាត់​មិន​ឱ្យ​ធ្វើ​សកម្មភាព​នយោបាយ​រយៈ​ពេល ៥​ឆ្នាំ ក្រោយពី​គណបក្សប្រឆាំង​ដ៏​ធំ​ជាងគេ​នៅ​កម្ពុជា​មួយ​នេះ​ត្រូវ​បាន​រំលាយ​តាម​អំណាច​នៃ​តុលាការ​កំពូល​កាលពី​ខែ​វិច្ឆិកា ឆ្នាំ​២០១៧។ មក​ទល់​ពេល​នេះ មាន​អតីតមន្ត្រី​គណបក្ស​សង្គ្រោះ​ជាតិ​ពីរ​រូប​ដែល​ប្ដូរ​ទស្សនៈ​នយោបាយ បាន​សុំ​ព្រះមហាក្សត្រ​ដើម្បី​ស្ដារ​នីតិសម្បទា​ឡើងវិញ។

អ្នកនាំពាក្យ​របប​ក្រុងភ្នំពេញ លោក ផៃ ស៊ីផាន ឱ្យ​ដឹង​ថា រដ្ឋាភិបាល​របស់​លោក​ពិតជា​បាន​ជជែក​ជាមួយ​សហភាព​អឺរ៉ុប​មែន ប៉ុន្តែ លោក​បាន​បញ្ជាក់​ថា ការ​ជជែក​នោះ​គឺ​និយាយ​តែ​ពី​នីតិវិធី​របស់​EBA មិន​និយាយ​រឿងរ៉ាវ​ទាំងឡាយ​ណា​ដែល​តុលាការ​កំពុង​ធ្វើ និង​បានសម្រេច​ហើយ​នោះ​ទេ៖ «យើង​ជជែក​គ្នា​នៅ​ក្នុង​ក្របខ័ណ្ឌ​នៃ​ស្ថាប័ន​នីតិ​ប្រតិបត្តិ​ប៉ុណ្ណោះ ពីព្រោះ​ការងារ​EBA​មិន​មាន​ធ្វើ​កិច្ចព្រមព្រៀង​ជាមួយ​សភាជាតិ ជាមួយ​តុលាការ​នោះ​ទេ»

ប៉ុន្តែ​អ្នកវិភាគ​នយោបាយ​វ័យក្មេង​លោក បុង ដែត យល់ថា របប​ក្រុងភ្នំពេញ​គួរ​តម្កល់​ផលប្រយោជន៍​ជាធំ កែ​លម្អ​ប្រជាធិបតេយ្យ​ទៅតាម​ការ​ចង់​បាន​របស់​សហគមន៍​អន្តរជាតិ​។ លោក​បន្ត​ថា បើ​ទោះ​បី​របប​នេះ​មិន​ចង់​កែប្រែ​តាម​អន្តរជាតិ​ចង់បាន​ទាំងអស់​ក្ដី ប៉ុន្តែ​គួរ​ព្យាយាម​បំពេញ​ឱ្យ​បាន​យ៉ាង​តិច​ណាស់ ៥០​ភាគរយ​នៃ​ការ​ទាមទារ​របស់​អន្តរជាតិ៖ «ទោះ​ចង់​មិន​ចង់​គណបក្ស​ប្រជាជន​កម្ពុជា​ត្រូវតែ​ចរចា​ជាមួយ​សហគមន៍​អឺរ៉ុប ទទួល​បាន​ប្រយោជន៍​ស្រោចស្រង់​ជាតិ​មកវិញ​ជាពិសេស​ប្រជាពលរដ្ឋ»

ជា​ញឹកញាប់​មន្ត្រី​របស់​សហភាព​អឺរ៉ុប និង​មន្ត្រី​នៃ​ក្រុម​ប្រទេស​ប្រទេស​ប្រជាធិបតេយ្យ​ពេល​ទៅ បំពេញ​ទស្សនកិច្ច​នៅ​កម្ពុជា ពួកគេ​តែង​ប្រាប់​ទៅ​របប​ក្រុងភ្នំពេញ​ឱ្យ​ស្ដារ​សិទ្ធិមនុស្ស និង​ប្រជាធិបតេយ្យ​ឡើងវិញ​ដើម្បី​កុំ​ឱ្យ​បាត់បង់​ប្រព័ន្ធ​អនុគ្រោះ​ពន្ធ EBA

កាលពី​ថ្ងៃ​ទី​១១ កុម្ភៈ កន្លងទៅ សហភាព​អឺរ៉ុប​បាន​ប្រកាស​ពី​ដំណើរការ​ពិចារណា​ព្យួរ​ប្រព័ន្ធ​អនុគ្រោះ​EBAពី​កម្ពុជា។ ដំណើរការ​នេះ​មាន​រយៈពេល​សរុប​ទាំងអស់ ១៨​ខែ គិត​ចាប់ពី​ថ្ងៃ​ទី​១២ កុម្ភៈ​តទៅ ហើយ​ចែកចេញជា​បី​ដំណាក់កាល។ សហភាព​អឺរ៉ុប​បាន​ទុក​ពេល​ឱ្យ​របប​ក្រុងភ្នំពេញ​ចំនួន ៦​ខែ ដើម្បី​ស្ដារ​ស្ថានការណ៍​នយោបាយ និង​សិទ្ធិមនុស្ស បើ​ពុំ​ដូច្នេះ​ទេ ក្នុង​រយៈពេល ៦​ខែ​បន្ទាប់​ទៀត អឺរ៉ុប​នឹង​ចាប់ផ្ដើម​ដំណាក់កាល​ធ្វើការ​សម្រេច​ចិត្ត​ថា តើ​ត្រូវ​រក្សា ឬ​ព្យួរ​ប្រព័ន្ធ​អនុគ្រោះ​ពន្ធ​EBAពី​កម្ពុជា។ បើ​មានការ​សម្រេច​ថា ព្យួរ​សហភាព​អឺរ៉ុប​ទុក​ពេល​ឱ្យ​កម្ពុជា ៦​ខែ​ទៀត​ដើម្បី​ត្រៀមខ្លួន​មុននឹង​ការ​ព្យួរ​ប្រព័ន្ធ​អនុគ្រោះ​ពន្ធ​នោះ​ចូល​ជា​ធរមាន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

តាសាន

ពី LA

ទ្រង់ធម្មិកោកំពុងយល់សប្តិហើយ ស្តេចខ្មែរសព្វថ្ងៃចុះហត្ថលេខាលើអីមួយទាល់តែហ៊ុនសែនយល់ព្រមមុនសិន ទើបអាចធ្វើបាន។ បើមិនដាក់ពាក្យដោយរៀងខ្លួនទេដេកចាំតទៅទៀតទៅ

Mar 02, 2019 04:53 PM

HSen's govm't poor reform,poor invision,poor inspiration,failure leadership etc...

If,u compare comrade HSen's corrupt govm't political strategy is still 2,000 steps away behind Thailand and if u compare comrade HSen's corrupt govm't is still 1,000 steps away behind Vietnam.And everybody would say why????because to many reasons such as lack leadership,failure to lead,lack high education is a big major of root causes from the rooftop to the bottom down to earth,lack school upgrade programs,lack school teaching,or teachers,lack in reading,lack in writing,lack in mathematics,lack outside sourcing,lack in science,lack in technology program,lack in high school technical program,lack in international students competition,lack in socio-economic,lack in social services,poor school performance,poor school management,too much corruption,poor rule of law,too much powerful man,poor judiciary system,court broke up,poor govm't jobs performance and corruption corruption corruption everywhere and how Cambodia can become a good country and good leadership like others.....if its govm't won't reform...or won't change it,maybe Thailand /Viet will get 10,000 steps far away from Cambodia who just only have 100 steps forward and then move 50 steps backward...awesome great wisdom and shaaaame on u....

Mar 02, 2019 01:40 PM

HSen's govm't poor reform,poor invision,poor inspiration,failure leadership etc...

If,u compare comrade HSen's corrupt govm't political strategy is still 2,000 steps away behind Thailand and if u compare comrade HSen's corrupt govm't is still 1,000 steps away behind Vietnam.And everybody would say why????because to many reason such as lack leadership,failure to lead,lack high education is a big major of root causes from the rooftop to the bottom down to earth,lack school upgrade programs,lack school teaching,or teachers,lack in reading,lack in writing,lack in mathematics,lack outside sourcing,lack in science,lack in technology program,lack in high school technical program,lack in international students competition,lack in socio-economic,lack in social services,poor school performance,poor school management,too much corruption,poor rule of law,too much powerful man,poor judiciary system,court broke up,poor govm't jobs performance and corruption corruption corruption everywhere and how Cambodia can become a good country and good leadership like others.....if its govm't won't reform...or won't change it,maybe Thailand /Viet will get 10,000 steps far away from Cambodia who just only have 100 steps forward and then move 50 step backward...awesome great widom and shaaaame on u....

Mar 02, 2019 01:37 PM

អ្នក​អាន​អនាមិក

សួរថា តើព្រះអង្គព្រមព្រះរាជទានផ្ដល់នីតិសម្បទាតាមសំណើឬទេ?ដល់តែព្រះអង្គពុំព្រមផ្ដល់តាំងចោទថាសម្ដេចហ៊ុន សែន គាបសង្កត់ព្រះអង្គ។សូម្បីតែព្រះអង្គចេញ ព្រះរាជសារផង មានការចោទថាព្រះរាជសារក្លែងក្លាយទៅហើយ។ខ្ញុំមិនយល់ពី
បំណងដែលអស់លោកចង់បាននោះជាអ្វីទេ។

Mar 02, 2019 01:08 AM

គេហទំព័រ​ទាំងមូល