ប្រធាន​គណបក្ស​ឆន្ទៈខ្មែរ​លាលែង​ពី​បក្ស​ជា​ផ្លូវ​ការ ដើម្បីទៅ​ចូលរួម​ជាមួយ​បក្ស​ភ្លើង​ទៀន

ដោយ សុជីវី
2022.11.20
Share on WhatsApp
Share on WhatsApp
ប្រធាន​គណបក្ស​ឆន្ទៈខ្មែរ​លាលែង​ពី​បក្ស​ជា​ផ្លូវ​ការ ដើម្បីទៅ​ចូលរួម​ជាមួយ​បក្ស​ភ្លើង​ទៀន លោក គង់ មុនីកា (ជួរមុខខាងឆ្វេង) ប្រធាន​គណបក្ស​ឆន្ទៈខ្មែរ​ ក្នុង​សមាជវិសមញ្ញរបស់​គណបក្ស​ឆន្ទៈខ្មែរ​​កាល​ពី​ថ្ងៃទី២០ ខែវិច្ឆិកា ឆ្នាំ២០២២។
រូប៖ ហ្វេសប៊ុកលោក គង់ មុនីកា

ប្រធាន​គណបក្ស​ឆន្ទៈខ្មែរ​លាលែង​ពី​គណបក្ស​ជាផ្លូវការ​ហើយ ដើម្បី​នាំ​ក្រុម​មេដឹកនាំ​បក្ស​នេះ ទៅ​ចូលរួម​សកម្មភាព​ជាមួយ​គណបក្ស​ភ្លើង​ទៀន។

សេចក្ដីប្រកាស​ព័ត៌មាន​ស្ដីពី​សេចក្ដី​សម្រេច​នៃ​អង្គ​សមាជ​វិសាមញ្ញ​របស់​គណបក្ស​ឆន្ទៈខ្មែរ​ឱ្យ​ដឹង​ថា កាលពី​ថ្ងៃទី២០ ខែវិច្ឆិកា គណបក្ស​នេះយល់ព្រម​ឱ្យ​លោក គង់ មុនីកា ជា​ប្រធាន​គណបក្ស រួម​នឹង​ថ្នាក់​ដឹកនាំ​គណបក្ស​នេះ​មួយ​ចំនួន​បាន​លាលែង​ពី​បក្ស ទៅ​ចូលរួម​នយោបាយ​ក្រោម​ស្លាក​គណបក្ស​ភ្លើងទៀន​វិញ។

ជាមួយគ្នានេះ​គណបក្សឆន្ទៈខ្មែរ​ក៏បាន​សម្រេច​មិនដាក់​បញ្ជី​បេក្ខជន​ឈរ​ឈ្មោះ​នៅក្នុងការ​បោះ​ឆ្នោត​ជ្រើសតាំង​តំណាងរាស្រ្ត​ឆ្នាំ២០២៣ នោះដែរ។ តែទោះជា​យ៉ាងណា គណបក្សនេះ​នៅ​រក្សា​ឈ្មោះ​គណបក្ស​ឆន្ទៈខ្មែរ​នៅ​ក្នុង​បញ្ជី​គណបក្ស​នយោបាយ​ផ្លូវការ​របស់​ក្រសួង​មហាផ្ទៃ​ដដែល។

គណបក្សឆន្ទៈខ្មែរ ដែលជា​គណបក្សមួយ​ក្នុង​ចំណោម​គណបក្ស​ដែល​បាន​បែក​ចេញ​ពី​គណបក្ស​សង្រ្គោះជាតិ បាន​ប្រកាស​ចូលរួម​ធ្វើ​នយោបាយ​ជាមួយ​គណបក្ស​ភ្លើងទៀន ដើម្បី​រួមកម្លាំង​គ្នា​ក្នុងការ​ចូលរួម​ប្រកួត​ប្រជែង​ការ​បោះឆ្នោត​ឆ្នាំ២០២៣ខាងមុខ កាលពី​ថ្ងៃទី៣ ខែតុលា។

ប្រធាន​គណបក្ស​ឆន្ទៈខ្មែរលោក គង់ មុនីកា អះអាងថា ថ្នាក់ដឹកនាំ​របស់​គណបក្ស​ឆន្ទៈខ្មែរ​នឹង​ទៅ​ជួយ​ធ្វើ​ការ​ងារ ពង្រឹង​សកម្មភាព​នយោបាយ​របស់​គណបក្ស​ភ្លើងទៀន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។