១ . ប្រតិកម្ម និងការថ្កោលទោសជាអន្តរជាតិជុំវិញការបញ្ជាឱ្យបិទវិទ្យុសំឡេងប្រជាធិបតេយ្យ (VOD) នៅកម្ពុជា
ការបញ្ជាយ៉ាងតក់ក្រហល់របស់លោកនាយករដ្ឋមន្ត្រី ហ៊ុន សែន ឱ្យបិទវិទ្យុសំឡេងប្រជាធិបតេយ្យ វីអូឌី (VOD) នៅរយៈពេលមិនដល់ជាង៥ខែមុនការបោះឆ្នោតជាតិអាណត្តិទី៧នេះរងនូវការថ្កោលទោសនិងរិះគន់ជុំទិសពីសហគមន៍ជាតិនិងអន្តរជាតិលើកលែងតែក្រុមប្រទេសនិយមលទ្ធិកុម្មុយនិស្ត។ តើក្រុមអង្គការសិទ្ធិមនុស្សអន្តរជាតិនិងក្រុមប្រទេសនិយមលទ្ធិប្រជាធិបតេយ្យបញ្ចេញប្រតិកម្មយ៉ាងណាខ្លះជុំវិញចំណាត់ការរបស់រដ្ឋាភិបាលលោក ហ៊ុន សែន នេះ?
អានព័ត៌មានពិស្តារ៖
ទស្សនាវីដេអូ៖
២ . គណបក្សប្រឆាំងនៅក្រៅប្រទេសថ្កោលទោសការបង្ខំបិទវិទ្យុសំឡេងប្រជាធិបតេយ្យ (VOD) ទាំងបំពាន
នៅថ្ងៃចន្ទម្សិលមិញនេះគណបក្សសង្គ្រោះជាតិដែលត្រូវបានរំលាយដោយរដ្ឋាភិបាលឯកបក្សរបស់លោក ហ៊ុន សែន បានចេញសេចក្តីថ្លែងការណ៍ «ថ្កោលទោសយ៉ាងដាច់អហង្ការ» ចំពោះការបង្ខំឱ្យបិទវិទ្យុសំឡេងប្រជាធិបតេយ្យ(VOD)ទាំងបំពាន។ គណបក្សប្រឆាំងនេះ បានបញ្ជាក់ថា ការបិទវិទ្យុឯករាជ្យមួយនេះ គឺធ្វើឡើងតាមការចង់បានរបស់លោក ហ៊ុន សែន ហើយផ្ទុយពីរដ្ឋធម្មនុញ្ញរបស់ប្រទេសកម្ពុ។ ក្នុងនោះដែរ ដំណើរការនៃការបិទវិទ្យុVODគឺលើសពីការគ្រប់គ្រងអភិបាលកិច្ចនៅកម្ពុជា និងមិនមានភាពត្រឹមត្រូវ ឬត្រួតពិនិត្យដោយឯករាជ្យនោះទេ។ អានព័ត៌មានពិស្តារ...
៣ . ក្រុមខ្មែរថាវរៈ សហជីពណាហ្គាវើលដ៍ និងក្រុមស្ត្រីថ្ងៃសុក្រស្នើដល់រដ្ឋាភិបាលកុំលុបអាជ្ញាបណ្ណសារព័ត៌មាន VOD
ក្រុមយុវជនខ្មែរថាវរៈ និងក្រុមសហជីពណាហ្គាវើលដ៍ (NagaWorld) ប្រមាណ៥០ នាក់ នៅព្រឹកថ្ងៃទី១៣ ខែកុម្ភៈ តវ៉ានៅមុខការិយាល័យវិទ្យុវីអូឌី ដើម្បីទាមទារឲ្យរដ្ឋាភិបាលកុំលុបអាជ្ញាបណ្ណសារព័ត៌មានវី.អូ.ឌី.(VOD) ។ សង្គមស៊ីវិលយល់ឃើញថា ការទាមទាររបស់ក្រុមយុវជនជារឿងត្រឹមត្រូវ ហើយស្នើសុំឲ្យរដ្ឋាភិបាលស្ដាប់ការលើកឡើងរបស់ពួកគេ និងផ្ដល់អាជ្ញាបណ្ណឲ្យសារព័ត៌មាន VOD ឡើងវិញ។ អានព័ត៌មានពិស្តារ ...
៤ . អ្នកវិភាគព្រួយបារម្ភថាចិនពង្រីកឥទ្ធិពលយោធានៅកម្ពុជា
អ្នកឃ្លាំមើលសង្គមនិងអ្នកវិភាគនយោបាយព្រួយបារម្ភជាថ្មីទៀតពីបំណងពង្រីកឥទ្ធិពលយោធានៃប្រទេសចិនកុម្មុយនីស្តលើទឹកដីកម្ពុជាតាមរយៈកិច្ចសហប្រតិបត្តិការនៃទំនាក់ទំនងលើវិស័យយោធាជាមួយរដ្ឋាភិបាលលោក ហ៊ុន សែន។ ក្ដីបារម្ភនេះ ធ្វើឡើងបន្ទាប់ពីកម្ពុជា និងចិន នារយៈពេលចុងក្រោយនេះប្រកាសពង្រឹងទំនាក់ទំនងក្នុងក្របខណ្ឌវិស័យយោធាឱ្យកាន់តែស៊ីជម្រៅនិងខ្លាំងក្លាបន្ថែមទៀត។
៥ . លោក ហ៊ុន សែន សម្រេចប្រគល់អ្នកទោសជនជាតិឡាវ ពីកម្ពុជា ឱ្យទៅប្រទេសឡាវវិញ
នៅក្នុងដំណើរទស្សនកិច្ចរបស់លោក ហ៊ុន សែន ទៅប្រទេសឡាវ ក្រៅពីការរឹតចំណងមិត្តភាព និងពង្រឹងកិច្ចសហប្រតិបត្តិការទ្វេភាគី លើការបោះបង្គោលព្រំដែន ការហោះហើរ វិស័យទេសចរណ៍ និងថាមពលអគ្គិសនី លោកនាយករដ្ឋមន្ត្រី ហ៊ុន សែន ក៏បានប្រកាសសម្រេចប្រគល់អ្នកទោសជនជាតិឡាវ កំពុងជាប់ពន្ធនាគារកម្ពុជា ឱ្យទៅប្រទេសឡាវវិញ នៅមុនពេលបុណ្យចូលឆ្នាំខ្មែរមកដល់។ អានព័ត៌មានពិស្តារ...
៦ . សមត្ថកិច្ចខេត្តបន្ទាយមានជ័យឃាត់ខ្លួនចាងហ្វាងកាសែតម្នាក់បញ្ជូនទៅតុលាការ
សមត្ថកិច្ចខេត្តបន្ទាយមានជ័យនៅព្រឹកថ្ងៃទី១៣ ខែកុម្ភៈ បានឃាត់ខ្លួនចាងហ្វាងកាសែតខ្មែរជាយដែនម្នាក់ ក្រោយពីមានបណ្តឹងពីមន្ត្រីរាជការពីររូប។ មន្ត្រីសង្គមស៊ីវិលព្រួយបារម្ភការធ្វើទុក្ខបុកម្នេញលើអ្នកកាសែតជាបន្តបន្ទាប់ ពីរដ្ឋាភិបាលបានបិទវិទ្យុសំឡេងប្រជាធិបតេយ្យវីអូឌី (VOD)។ អានព័ត៌មានពិស្តារ...
៧ . សាលាឧទ្ធរណ៍ភ្នំពេញបដិសេធសំណើសុំនៅក្រៅឃុំរបស់កញ្ញា ស៊ីថរ
សាលាឧទ្ធរណ៍រាជធានីភ្នំពេញបដិសេធសំណើនៅក្រៅឃុំរបស់កញ្ញា ឈឹម ស៊ីថរ ទុកជាបានការតាមការសម្រេចរបស់តុលាការជាន់ទាបដដែល។ ការសម្រេចនេះធ្វើឡើងបន្ទាប់ពីតុលាការបើកសវនាការជំនុំជម្រះក្ដីសុំនៅក្រៅឃុំបណ្ដោះអាសន្នតាមសំណើរបស់មេធាវីការពារក្ដីកញ្ញា ឈឹម ស៊ីថរ នៅព្រឹកថ្ងៃទី១៣ខែកុម្ភៈ។ ក្រុមកូដករចាត់ទុកការសម្រេចរបស់តុលាការថាជារឿងអយុត្តិធម៌និងមិនឈរលើគោលការណ៍ប្រជាធិបតេយ្យ។
៨ . អ្នកវិភាគព្រមានពីបញ្ហាក្នុងសង្គមដែលកើតចេញពីការតតាំងរបស់ពលរដ្ឋនៅក្រោយការបោះឆ្នោតបើរដ្ឋាភិបាលបន្តបំបិទសិទ្ធិសេរីភាពពលរដ្ឋ
អ្នកវិភាគព្រមានថាកម្ពុជាអាចជួបបញ្ហាជាច្រើនក្នុងសង្គមដែលកើតចេញពីការតតាំងណាមួយរបស់ពលរដ្ឋដែលរងភាពអយុត្តិធម៌នៅក្រោយការបោះឆ្នោតបើរដ្ឋាភិបាលបន្តបំបិទសិទ្ធិសេរីភាពពលរដ្ឋ។ ការព្រមាននេះបន្ទាប់ពីលោក ហ៊ុន សែន បង្ខំឱ្យវិទ្យុសំឡេងប្រជាធិបតេយ្យ វីអូឌី បិទការផ្សាយរបស់ខ្លួនទោះបីជាស្ថាប័ននេះបានចេញលិខិតសុំទោសលោកនិងកូនប្រុសគឺលោក ហ៊ុន ម៉ាណែត ហើយក្ដី។ សូមស្ដាប់បទសម្ភាសរវាងអ្នកស្រី សុជីវី ជាមួយអ្នកវិភាគនយោបាយលោក គឹម សុខ ពីផលប៉ះពាល់នៃការបិទស្ថាប័នព័ត៌មាន វីអូឌី ៖
៩ . សហព័ន្ធខ្មែរកម្ពុជាក្រោមថ្កោលទោសអាជ្ញាធរវៀតណាមដែលបន្តធ្វើទុក្ខបុកម្នេញយុវជនខ្មែរកម្ពុជាក្រោមដែលហ៊ានប្រើប្រាស់បណ្តេញសង្គមផ្សព្វផ្សាយពីសិទ្ធិជនជាតិដើមនៅទឹកដីកំណើត។ អាជ្ញាធរវៀតណាមបានប្រើប្រាស់វិធានការច្បាប់ផាកពិន័យ សំឡុតបំភ័យ និងប្រើប្រាស់ហិង្សាលើយុវជនខ្មែរក្រោមពេលសួរចម្លើយពួកគេ។
១០ . កងទ័ពជើងទឹករបស់ចក្រភពអង់គ្លេសមកទស្សនកិច្ចនៅកម្ពុជារយៈពេល ៥ថ្ងៃ
នាវាកងទ័ពជើងទឹករបស់ចក្រភពអង់គ្លេសឈ្មោះ HMS SPEY បានមកដល់ខេត្តព្រះសីហនុ ហើយ នៅថ្ងៃចន្ទ ទី១៣ ខែកុម្ភៈ។ ដំណើរទស្សនកិច្ចរយៈពេល ៥ថ្ងៃ របស់កងទ័ពជើងទឹកអង់គ្លេស មកកម្ពុជានេះ គឺដើម្បីប្រារព្ធខួបនៃទំនាក់ទំនងការទូតកម្ពុជា និងចក្រភពអង់គ្លេស លើកទី៧០៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។