១ . អ្នកជំនាញកិច្ចការអន្តរជាតិថា ជំនួបមេដឹកនាំវៀតណាមជាមួយលោកហ៊ុន សែនគឺវៀតណាមចង់បង្ហាញថាខ្លួននៅតែមានឥទ្ធិពលលើកម្ពុជា
នាយករដ្ឋមន្ត្រី វៀតណាមលោក ផាម មិញជិញ កំពុងបំពេញទស្សនកិច្ចរយៈពេល២ថ្ងៃនៅកម្ពុជានិងបានចុះកិច្ចព្រមព្រៀង១១ចំណុចជាមួយកម្ពុជាដើម្បីពង្រឹងទំនាក់ទំនងនយោបាយនិងសេដ្ឋកិច្ច។ អ្នកជំនាញកិច្ចការអន្តរជាតិលើកឡើងថាជំនួបរវាងលោកនាយករដ្ឋមន្ត្រីទាំងពីរមុនកិច្ចប្រជុំអាស៊ានគឺវៀតណាមចង់បង្ហាញមេដឹកនាំប្រទេសនានាថាវៀតណាមនៅតែមានឥទ្ធិពលលើកម្ពុជា។
[ អានព័ត៌មានពិស្តារ ... Opens in new window ]
២ . នាយករដ្ឋមន្ត្រីចិនលោក លី ខឺឈាង មកដល់កម្ពុជានៅមុនពេលកិច្ចប្រជុំកំពូលអាស៊ានចាប់ផ្តើម
ទន្ទឹមនឹងដំណើរទស្សនកិច្ចផ្លូវការរបស់នាយករដ្ឋមន្ត្រីវៀតណាមលោក ផាម មិញជិញ (Pham Minh Chinh) នៅកម្ពុជា នាយករដ្ឋមន្ត្រីចិនលោក លី ខឺឈាង (Li Keqiang) និងភរិយាបានធ្វើដំណើរមកដល់កម្ពុជាហើយកាលពីយប់ថ្ងៃទី៨ ខែវិច្ឆិកា។ នេះគឺជាដំណើរទស្សនៈកិច្ចផ្លូវការរយៈពេល៤ថ្ងៃចាប់ពីថ្ងៃទី៨ ដល់ថ្ងៃទី១១ ខែវិច្ឆិកា របស់លោកដោយផ្ទាល់មកកាន់កម្ពុជាចាប់តាំងពីមានការផ្ទុះវិបត្តិជំងឺកូវីដ១៩តាំងពីដើមឆ្នាំ២០២០ មក។
[ អានព័ត៌មានពិស្តារ ... Opens in new window ]
៣ . គ្រួសារខកចិត្តដែលអាជ្ញាធរស្នើលើកលែង ឬបន្ធូរបន្ថយទោសក្នុងបុណ្យអុំទូក គ្មានអ្នកជាប់ឃុំនយោបាយ
ក្រុមគ្រួសារសកម្មជនបក្សប្រឆាំងខកចិត្តចំពោះគណៈកម្មការជំនាញដែលបានបញ្ជូនទៅលោកនាយករដ្ឋមន្ត្រី ហ៊ុន សែន ពិនិត្យ និងសម្រេចស្នើសុំទៅព្រះមហាក្សត្រដើម្បីផ្ដល់ការអនុគ្រោះទោសដល់ទណ្ឌិតក្នុងឱកាសព្រះរាជពិធីបុណ្យអុំទូកនៅឆ្នាំនេះដោយគ្មានឈ្មោះសមាជិកគ្រួសារពួកគេ។ មន្រ្តីពន្ធនាគារអះអាងថា អាជ្ញាធរបានអនុវត្តត្រឹមត្រូវតាមលក្ខខណ្ឌនៃច្បាប់ដោយមិនគិតរឿងនយោបាយនោះទេ។
អានព័ត៌មានពិស្តារ ...
៤ . ក្រុមយុវជនខ្មែរថាវរៈបន្តធ្វើកូដកម្មបង្អត់អាហារថ្ងៃទី២ទាមទារឲ្យអាជ្ញាធរដោះលែងកញ្ញា សេង ធារី
ក្រុមយុវជនខ្មែរថាវរៈនៅតែបន្តធ្វើយុទ្ធនាការបង្អត់អាហារនិងសមាធិនៅខេត្តព្រះវិហារដើម្បីជំរុញឱ្យរដ្ឋាភិបាលនិងតុលាការផ្លាស់ប្ដូរគោលជំហរបញ្ឈប់ការធ្វើទុក្ខបុកម្នេញនិងដោះលែងកញ្ញា សេង ធារី រួមទាំងអ្នកទោសមនសិការដទៃទៀត។ មន្រ្តីសិទ្ធិមនុស្ស ស្នើឱ្យរដ្ឋាភិបាលគួរពិចារណាទៅលើសំណើររបស់យុវជននិងស្ដាប់ហេតុផលរបស់ពួកគេដើម្បីស្តារប្រជាធិបតេយ្យនិងការគោរពសិទ្ធិមនុស្សឡើងវិញ។
[ អានព័ត៌មានពិស្តារ ... Opens in new window ]
៥ . ពលរដ្ឋ១៦៦នាក់ នៅខេត្តព្រៃវែងផ្តិតមេដៃ មិនពេញចិត្តអាជ្ញាធរ ៩នាក់ ឃុបឃិតយកដីសាលាឃុំព្រែកសំបួរពុះឡូត៍ចែកគ្នា
នៅខេត្តព្រៃវែងឯណោះវិញប្រជាពលរដ្ឋជិត២រយនាក់ (១៦៦) បានផ្តិតមេដៃសំដែងការមិនពេញចិត្តចំពោះករណីអាជ្ញាធរមូលដ្ឋានខេត្តនេះបានឃុបឃិតគ្នារំលោភយកដីសាលាឃុំមកធ្វើជាសម្បត្តិបុគ្គល។ ពួកគាត់អះអាងថាអ្នកភូមិមានភស្តុតាងនិងឯកសារច្បាស់លាស់ដែលបញ្ជាក់ថា មេឃុំ ឃ្មៀនឃុំ និងមន្ត្រីជំនាញសុរិយោដីខ្លះបានឃុបឃិតគ្នារំលោភយកដីរដ្ឋបំពានច្បាប់។
អានព័ត៌មានពិស្តារ ...
៦ . កម្ពុជា បានបណ្ដេញជនបរទេសចំនួន១៣០នាក់ចេញពីកម្ពុជា
កម្ពុជា បានបណ្ដេញជនបរទេសជាង១០០នាក់ដែលស្នាក់នៅកម្ពុជាខុសច្បាប់ទៅប្រទេសរបស់ពួកគេវិញ។
សេចក្ដីប្រកាសព័ត៌មានរបស់អ្នកនាំពាក្យអគ្គនាយកដ្ឋានអន្តោប្រវេសន៍កាលពីថ្ងៃម្សិលមិញឲ្យដឹងថារយៈពេលពីរថ្ងៃគឺថ្ងៃទី៧ និងថ្ងៃទី៨វិច្ឆិកា អគ្គនាយកដ្ឋានអន្តោប្រវេសបានបណ្ដញជនរទេសចំនួន១៣០នាក់ក្នុងនោះមានជនជាតិចិនចំនួន ១១០នាក់ និង ជនជាតិវៀតណាមចំនួន២០នាក់។
៧ . ប្រជានេសាទត្រីកាម៉ុង នៅខេត្តព្រះសីហនុ ត្អូញត្អែរពីតម្លៃត្រីចុះថោក ដោយសារតែការនាំចូលត្រីពីប្រទេសជិតច្រើន
ប្រជានេសាទត្រីនៅខេត្តព្រះសីហនុត្អូញត្អែរពីតម្លៃត្រីកាម៉ុងធ្លាក់ថ្លៃក្រោយម្ចាស់សិប្បកម្មត្រីកាម៉ុងចំហុយនាំចូលត្រីកាម៉ុងកកពីប្រទេសវៀតណាមច្រើន។ មន្ត្រីសង្គមស៊ីវិលយល់ថា រដ្ឋាភិបាល និងស្ថាប័នពាក់ព័ន្ធគួរពិនិត្យ និងស្រាវជ្រាវ ហើយដោះស្រាយបញ្ហានេះជូនពលរដ្ឋ។
អានព័ត៌មានពិស្តារ ...
៨ . ពលរដ្ឋនៅខេត្តបាត់ដំបងចោទអាជ្ញាធរមូលដ្ឋានថារើសអើងក្នុងការផ្ដល់ប័ណ្ណក្រីក្រ
ពលរដ្ឋនៅខេត្តបាត់ដំបងចោទអាជ្ញាធរមូលដ្ឋានថាមិនបើកប្រាក់ឧបត្ថម្ភពីរដ្ឋាភិបាលជូនពួកគាត់រយៈពេល៥ខែមកហើយ។មន្ត្រីសង្គមស៊ីវិលយល់ថារដ្ឋាភិបាលនិងស្ថាប័នពាក់ព័ន្ធគួរពិនិត្យនិងស្រាវជ្រាវហើយដោះស្រាយបញ្ហានេះជូនពលរដ្ឋដោយតម្លាភាពហើយផ្ដន្ទាទោសលើមន្ត្រីទាំងឡាយដែលកេងប្រវ័ញ្ចពលរដ្ឋក្រីក្រ។
អានព័ត៌មានពិស្តារ ...
៩ . កុមារខ្មែរមួយចំនួនចំណាកស្រុកតាមឪពុកម្ដាយទៅប្រទេសថៃបាត់បង់ឱកាសសិក្សា
ពីប្រទេសថៃកុមារខ្មែរមួយចំនួនដែលធ្វើចំណាកស្រុកតាមឪពុកម្ដាយទៅធ្វើការនៅប្រទេសថៃបាត់បង់ឱកាសទៅសាលារៀនព្រោះឪពុកម្ដាយទាំងនោះរវល់តែធ្វើការងាររកប្រាក់ដោះស្រាយជីវភាពប្រចាំថ្ងៃ។មន្ត្រីសង្គមស៊ីវិលយល់ថាឪពុកម្ដាយដែលនាំកូនមកជាមួយនៅពេលដែលគាត់មកធ្វើការក្នុងប្រទេសថៃមានប្រមាណ៤០ភាគរយក្នុងចំណោមពលករខ្មែរចំណាកស្រុក ហើយកុមារទាំងនេះភាគច្រើនមិនបានទៅរៀនសូត្រទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។