កម្ពុជាបិទខ្ទប់គេហទំព័រចំនួន១៦ទាក់ទងនឹងការប្តូររូបិយប័ណ្ណគ្រីបតូ
គេហទំព័រគ្រីបតូល្បីឈ្មោះចំនួន៣ គឺ បៃណេន (Binance) ខ័ញបេស (Coinbase) និង (អូខេអេច) OKX ទាក់ទងនឹងការប្តូររូបិយប័ណ្ណគ្រីបតូ។
Screenshot
អាជ្ញាធរកម្ពុជាបានបិទខ្ទប់គេហទំព័រចំនួន ១៦ ទាក់ទងនឹងការប្តូររូបិយប័ណ្ណគ្រីបតូ (Cryptocurrency) ដែលជាវិធានការឆ្លើយតបនឹងបទល្មើសឆបោកតាមអនឡាញ។ នេះបានតាមការផ្សាយរបស់សារព័ត៌មាន នីកេ អេស៊ា (NikkeiAsia) រាយការណ៍កាលពីថ្ងៃទី៣ ខែធ្នូ។
ប៉ុន្តែវិធានការនេះបានបិទខ្ទប់តែគេហទំព័រទាំង១៦ ដោយមិនបានបិទ App នៃគេហទំព័រទាំងនេះទេ។
គេហទំព័រចំនួន១៦ ទាក់ទងនឹងការប្តូររូបិយប័ណ្ណគ្រីបតូទាំងនោះក៏រួមទាំងគេហទំព័រគ្រីបតូល្បីឈ្មោះចំនួន៣ គឺ បៃណេន (Binance) ខ័ញបេស (Coinbase) និង (អូខេអេច) OKX ផងដែរ។
មន្ត្រីនៃនិយ័តករទូរគមនាគមន៍កម្ពុជាអះអាងថា ការបិទខ្ទប់មិនឱ្យអ្នកប្រើប្រាស់អ៊ីនធឺណិត (Internet) នៅកម្ពុជាមិនអាចមើលឃើញគេហទំព័រទាំង១៦នេះ ដោយសារតែខ្វះឯកសារច្បាប់អនុញ្ញាតទាក់ទងនឹងសុវត្ថិភាព និងខ្វះទម្រង់បទបញ្ជាប្ដូររូបិយប័ណ្ណរបស់កម្ពុជា។
បើទោះជាយ៉ាងណាវិធានការរបស់អាជ្ញាធរធ្វើឡើងស្របពេល ដែលកម្ពុជាកំពុងជាប់ឈ្មោះមិនល្អនៅលើឆាកអន្តរជាតិទាក់ទងនឹងឧក្រិដ្ឋកម្មឆបោកតាមអនឡាញ ដែលពាក់ព័ន្ធនឹងបទល្មើសចាប់ជំរិត ទារុណកម្ម និងបង្ខាំងមនុស្សខុសច្បាប់។ ជាមួយគ្នានេះ កាលពីថ្ងៃទី១២ ខែកញ្ញា ក្រសួងរតនាគារជាតិអាមេរិកសម្រេចដាក់ទណ្ឌកម្មបង្កកទ្រព្យសម្បត្តិ និងសម្ព័ន្ធអាជីវកម្មរបស់លោកលោក លី យ៉ុងផាត់ ចំនួន ៥។ អាមេរិកចោទ សមាជិកព្រឹទ្ធសភា និងជាមន្ត្រីជាន់ខ្ពស់គណបក្សប្រជាជនកម្ពុជារូបនេះ និងសម្ព័ន្ធអាជីវកម្មរបស់លោកពាក់ព័ន្ធនឹងអំពើជួញដូរមនុស្ស និងពលកម្មដោយបង្ខំក្នុងជំនួញឆបោកតាមអនឡាញ (Online) និងរូបិយប័ណ្ណគ្រីបតូ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
សង្គម
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- ជនសង្ស័យ៥នាក់ត្រូវបានឃាត់ខ្លួនករណីក្លែងបន្លំឯកសណ្ឋានសមត្ថកិច្ចដើរជំរិតទារប្រាក់
- អ្នកឃ្លាំមើលរិះគន់ថា អាជ្ញាធរមិនបានបង្ក្រាបមេខ្លោងបនល្បែងធំៗ ទើបទីតាំងបនល្បែងតាមអនឡាញរីករាលដាលខ្លាំង
- កម្មកររោងចក្រ គ្លូរី នីតវែរ នៅខេត្តកណ្ដាល តវ៉ាបិទផ្លូវជាតិ៤ ទាមទារឲ្យថៅកែបើកប្រាក់បំណាច់ឆ្នាំ