តុលាការ​ខេត្ត​សៀមរាប​បង្គាប់​ឱ្យ​ឃុំ​ខ្លួន​ចិន ៧​នាក់ ​បើក​​ល្បែង​​ស៊ីសង​​ខុស​ច្បាប់​​តាម​ប្រព័ន្ធ​អ៊ីនធឹណិត

ដោយ​ សន ចាន់រដ្ឋា
2019-06-19
អ៊ីម៉ែល
មតិ
Share
បោះពុម្ព
ជនជាតិចិន ៧នាក់ ដែល​ត្រូវ​បាន​នគរបាល​ឃាត់​ខ្លួន​កាល​ពី​ថ្ងៃ​ទី១៥ ខែ​មិថុនា ឆ្នាំ២០១៩ នៅ​ចំណុច​ប៊ូទិក (Boutique) ស្ថិត​នៅ​ក្នុង​សង្កាត់​ស្លក្រាម ក្រុងសៀមរាប។
ជនជាតិចិន ៧នាក់ ដែល​ត្រូវ​បាន​នគរបាល​ឃាត់​ខ្លួន​កាល​ពី​ថ្ងៃ​ទី១៥ ខែ​មិថុនា ឆ្នាំ២០១៩ នៅ​ចំណុច​ប៊ូទិក (Boutique) ស្ថិត​នៅ​ក្នុង​សង្កាត់​ស្លក្រាម ក្រុងសៀមរាប។
រូប៖ ហ្វេសប៊ុក​អគ្គស្នងការដ្ឋាន​នគរបាល​ជាតិ

ចៅក្រម​ស៊ើបសួរនៃសាលាដំបូង​ខេត្តសៀមរាប​ចេញដីកាបង្គាប់​ឱ្យឃុំខ្លួន​ជនជាតិចិន ៧​នាក់ ពីបទ​បើកកន្លែង​​​លេង​ល្បែង​ស៊ីសង​​ដោយ​ខុស​ច្បាប់​តាមប្រព័ន្ធអ៊ីនធឺណិត។

ជនជាតិចិនទាំង ៧នាក់​នេះ ត្រូវបាន​សមត្ថកិច្ចឃាត់ខ្លួន​កាល​ពី​ថ្ងៃ​ទី១៥ ខែ​មិថុនា នៅ​ចំណុច​ប៊ូទិក (Boutique) ស្ថិត​នៅ​ក្នុង​សង្កាត់​ស្លក្រាម ក្រុងសៀមរាប។

របាយការណ៍​របស់សមត្ថកិច្ច​ផ្សាយ​នៅ​លើ​គេហទំព័រ​អគ្គស្នងការ​នគរបាល​ជាតិ​ឱ្យដឹងថា ក្នុង​ពេល​ចុះ​ប្រតិបត្តិការ​សមត្ថកិច្ច​ប្រទះ​ឃើ​ញ​ជនជាតិ​ចិន​ទាំង ៧នាក់​នេះកំពុង​ប្រព្រឹត្ត​បទ​ល្មើស​ជាក់​ស្តែង

សមត្ថកិច្ច​ក៏​បាន​ដក​ហូត​វត្ថុ​តាង​មួយ​ចំនួន​រួម​មាន​កុំព្យូទ័រ​យួរ​ដៃ​ចំនួន ៨គ្រឿង ទូរស័ព្ទ​ដៃ​ចំនួន ១៥គ្រឿង រួម​នឹង​សម្ភារៈ​ពាក់​ព័ន្ធ​មួយ​ចំនួន​ទៀត។

សង្គម​ស៊ីវិលមើល​ឃើញ​ថា​ចំណាត់ការ របស់អាជ្ញាធរកម្ពុជា​ ហាក់​គ្មាន​ប្រសិទ្ធភាព ចំពោះ​ជន​ជាតិ​ចិន ដែល​ប៉ុនប៉ង​ប្រើប្រាស់ទឹក​ដី​កម្ពុជា ដើម្បី​ប្រព្រឹត្តិ​បទ​ល្មើស​នៅ​ឡើយ​ទេ។

នាយក​ប្រតិបត្តិ​សម្ពន្ធ​គណនេយ្យភាព​​សង្គម​កម្ពុជា​លោក សន ជ័យ ថ្លែង​ថា ចំណាត់​ការ​របស់​សមត្ថកិច្ច ដែល​បង្ក្រាប​ជន​ជាតិ​ចិន​បាន​ហើយ រូច​បញ្ជូន​ទៅកាន់​តុលាការ ដើម្បី​ផ្ដន្ទាទោស ប៉ុន្តែ​ជន​ជាតិ​ចិនទាំង​នោះតែង​តែ​បញ្ជូន​ទៅ​អនុវត្តន៍ទោស​ប្រទេស​ចិន​ទៅ​វិញ។ លោក​យល់​ថា អាច​មក​ពី​មូលហេតុ​នេះ​ហើយ ដែល​នាំ​ឱ្យ​ជន​ជាតិ​ចិន​ទាំង​នេះមិន​រាង​ចាល និង​នៅ​តែបន្ត​ប្រព្រឹត្ត​បទ​ល្មើសដដែល​នៅ​កម្ពុជា ដែល​មូលហេតុ​នេះ​អាច​ធ្វើ​ឱ្យ​ខូច​កេរ្តិ៍​ឈ្មោះ​កម្ពុជានៅ​លើ​ឆាក​អន្តរជាតិ។

លោក សន ជ័យ ស្នើ​ដល់​រដ្ឋាភិបាល​គួរ​មាន​វិធានការ​ថ្មី ចំពោះ​ជនជាតិ​ចិន​​ ជា​ជាង​ការ​បញ្ជូន​ជនជាតិ​ចិន ដែល​មានទោស​នៅ​កម្ពុជា ទៅ​កាន់​ប្រទេស​កំណើត​របស់​ពួក​គេ។ លោក​ក៏​ចង់​ឃើញ​ស្ថានទូត​ចិននៅ​កម្ពុជាបើក​ចំហរ​ព័ត៌មាន​នៃ​ការ​អនុវត្ត​ទោស ចំពោះ​ជន​ជាតិ​ចិន​ដែល​បញ្ជូន​ចេញ​ពី​កម្ពុជា បង្ហាញ​ជា​សាធារណៈឱ្យ​ពលរដ្ឋ​ខ្មែរ​បាន​ឃើញ​ផង​ដែរ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

more criminals from Chinese mainland to take Cambodia as their last sanctuary state...shame on tmil HS puppet govm't

Beware of all these illegal migrants who fled from Chinese mainland to avoid any crimes that they'd committed in their country"China most wanted",such as criminals,fugitives,gangs,serial killers,mafias,Aids,or disease pple,illegal sex,prostitutes,slavery trafficking,criminal,or illegal gambling business activity,internet scams,hacker,or frauds,tax invasion,money laundering,tax loophole,counterfeit,espionage,troublemaker etc etc"keep all eyes on them"and quick report to law enforcement,police,authority near u,specially to keep all your community,city,town,village across the country be safe"no welcome relate criminal to take Cambodia as their sanctuary state".

Jun 20, 2019 10:42 AM

គេហទំព័រ​ទាំងមូល