អង្គការ​យូណេស្កូ​​សហការ​​ជាមួយ​​សមាគម​រោងចក្រ​​កាត់ដេរ​​ផ្ដល់​​កម្មវិធី​​អក្ខរកម្ម​​សម្រាប់​​ជន​ពេញ​វ័យ​ដែល​​ធ្វើការ​​នៅ​តាម​​រោង​ចក្រកាត់ដេរ

ដោយ អាស៊ីសេរី
2021.03.30
អង្គការ​យូណេស្កូ​​សហការ​​ជាមួយ​​សមាគម​រោងចក្រ​​កាត់ដេរ​​ផ្ដល់​​កម្មវិធី​​អក្ខរកម្ម​​សម្រាប់​​ជន​ពេញ​វ័យ​ដែល​​ធ្វើការ​​នៅ​តាម​​រោង​ចក្រកាត់ដេរ អង្គការយូណេស្កូ​សហការ​ជាមួយ​សមាគម​រោងចក្រ​កាត់ដេរ​ផ្ដល់​កម្មវិធី​អក្ខរកម្ម​សម្រាប់​ជនពេញវ័យ ដែល​ធ្វើការ​នៅ​តាម​រោងចក្រកាត់ដេរទូទាំងប្រទេស។
រូប៖ unesco

អង្គការ​អប់រំ វិទ្យាសាស្រ្ត និង​វប្បធម៌​នៃ​អង្គការ​សហប្រជាជាតិ​ហៅកាត់ថា ​UNESCO សហការ​ជាមួយ​សមាគម​រោងចក្រ​កាត់ដេរ​នៅ​កម្ពុជា ហៅកាត់ថា GMAC ដើម្បី​ផ្ដល់​កម្មវិធី​អក្ខរកម្ម​សម្រាប់​ជនពេញវ័យដល់​អ្នកធ្វើការ​នៅ​តាម​រោងចក្រ​កាត់ដេរ​នៅ​ទូទាំង​ប្រទេស។

កិច្ចសហការ​ជាដៃគូនេះ GMACចូលរួម​អនុវត្ត​តាមរយៈ​វិទ្យាស្ថាន​បណ្ដុះបណ្ដាល​វិស័យកាត់ដេរ​នៅ​កម្ពុជា(CGTI) ដែល​ជាផ្នែក​មួយ​របស់​សមាគម​នេះ។

សេចក្ដីប្រកាស​របស់​អង្គការ​យូណេស្កូ​ កាល​ពីថ្ងៃទី២៥ ខែមីនា ​រំពឹង​ថា ​ភាពជាដៃគូ​នេះ​នឹង​ធានា​បាន​ថា ​កម្មវិធី​អក្ខរកម្ម​នៅតាមរោងចក្រ ដែល​បាន​បង្កើត​ឡើង​ដោយ​អង្គការ UNESCO និង​ក្រសួងអប់រំ​ នឹង​ត្រូវ​បាន​ពង្រីក​វិសាលភាព​ទៅរោងចក្រ​ជាច្រើនទៀត​នៅ​ទូទាំង​ប្រទេស។

កម្មវិធី​អក្ខរកម្ម​តាមរោងចក្រ ដែល​បង្កើត​ឡើង​កាលពីឆ្នាំ​២០១៦ មាន​គោលដៅ​បង្កើន​ជំនាញ​ដល់​កម្មករ​-​កម្មការិនី និង​ជួយ​កាត់បន្ថយ​គម្លាត​នៅ​ក្នុង​វិស័យ​ឧស្សាហកម្ម​កាត់ដេរសម្លៀកបំពាក់ និង​ស្បែក​ជើង។ សិស្ស​ដែល​បាន​ប្រឡងជាប់​នឹង​ទទួល​បាន​វិញ្ញាបនបត្រ​បញ្ចប់​ការសិក្សា​ទទួល​ស្គាល់​ដោយ​​ក្រសួង​អប់រំ ដែល​សមមូល​ទៅនឹង​ថា្នក់ទី៤ ដល់ថ្នាក់ទី៦ នៃ​សាលា​ចំណេះដឹង​ទូទៅ​ក្នុង​ប្រព័ន្ធ។

មក​ដល់​ពេលនេះ​ មាន​កម្មក-កម្មការិនី​ចំនួន​ជាង ​ពីរពាន់នាក់ (២០៦៣) ក្នុងរោងចក្រដៃគូចំនួ ​២៥​ នៅ ១២ ​រាជធានីខេត្ត។

កម្មវិធីនេះ​ឆ្លើយតបទៅនឹង​គោលនយោបាយ​នៃការសិក្សា​ពេញ​មួយជីវិត ដែល​ក្រសួង​អប់រំ​បាន​បង្កើត​ដោយ​សហការ​ជាមួយ​ UNESCO ដើម្បី​បង្កើន​ធនធាន​មនុស្ស​ជា​អតិបរមា និង​ជួយជំរុញ​ការអភិវឌ្ឍន​ទៅ​ជា​ប្រទេស​មាន​ប្រាក់​ចំណូល​មធ្យម​កម្រិត​ខ្ពស់​ត្រឹមឆ្នាំ២០៣០ និងចំណូលកម្រិតខ្ពស់​ត្រឹម​ឆ្នាំ​២០៥០៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។