រំលងទៅមាតិកាចម្បងក្រុមហ៊ុន ៨០០ ស៊ូភើ ហ្គា យល់ព្រមទទួលយកតំណាងសហជីពចូលធ្វើការវិញ ក្រោយកម្មករប្រមាណ៣រយនាក់ផ្ទុះកូដកម្ម
ក្រុមហ៊ុនប្រមូលសំរាមឈ្មោះ ៨០០ ស៊ូភើ ហ្គា (800Super-GAEA Cambodia) យល់ព្រមទទួលយកតំណាងសហជីពចំនួន៤នាក់ ឲ្យចូលធ្វើការវិញ និងសន្យាទូទាត់ប្រាក់អតីតភាពការងារក្រោយកម្មករប្រមាណ៣រយនាក់បានផ្ទុះកូដកម្ម២ថ្ងៃជាប់គ្នានៅមុខក្រុមហ៊ុន នៅថ្ងៃទី១៩ និង២០ខែមករា។ ការធ្វើកូដកម្មនេះ គឺបន្ទាប់ពីក្រុមហ៊ុនប្រមូលសំរាមនេះ កាលពីសប្ដាហ៍មុន បានបញ្ឈប់ថ្នាក់ដឹកនាំសហជីពចំនួន៤នាក់ ពីកន្លែងការងារក្រោយពីពួកគាត់ចូលរួមបង្កើតសហជីព៕
