រំលងទៅមាតិកាចម្បងពលរដ្ឋប្រទូសរ៉ាយ និងធ្វើពហិការមិនព្រមដោះដូរក្បាលដីតំបន់២ នៅខេត្តបន្ទាយមានជ័យ ទោះបីអាជ្ញាធរគំរាម
ប្រជាពលរដ្ឋ អាស្រ័យផលនៅដីតំបន់២ នៅស្រុកព្រះនេត្រព្រះ ខេត្តបន្ទាយមានជ័យ ដែលត្រូវអាជ្ញាធរប្រមូលក្បាលដី យកមកចាប់ឆ្នោតចែកគ្នាសាជាថ្មី កំពុងតវ៉ា និងប្ដូរផ្ដាច់មិនព្រមដោះដូរក្បាលដី តាមយន្តការដោះស្រាយរបស់អាជ្ញាធរឡើយ។ ពួកគាត់មួយចំនួនដាច់ខាត នឹងមិនប្រគល់ដីឱ្យទៅអ្នកចាប់ឆ្នោត ប៉ះចំដីរបស់ពួកគាត់នោះទេ ខណៈមួយចំនួនទៀត បានបង្ខំចិត្តប្រគល់ដីឱ្យទៅម្ចាស់ថ្មី ទាំងដែលខ្លួនឯងមិនទាន់ដឹងពីទីតាំងក្បាលដីថ្មី នៅឡើយ។
